JEREMIYA 6:13 - BAIBEL (BSI)

¹³ Kijemi kitilami kumtsu amikucho kumo lono alla kighishe cheni aghukha shi acheni ke; tungkupumi ngo achinemi thotsu timi pishiqhi cheni.

Sumi Naga CL (Re-edited) Bible (BSI)

¹³ “Aghulou lono akijeu kutolo achipi kumo lono ala shicheni, tungkupu lono achineu kutolo, kümtsü no pishiqhi cheni.

JEREMIYA 6:13 ပူးပေါင်းရင်းမြစ်များ

ISAIAH 28:7

Tungkupmi ngo achinemi ghi shishe shomzuve kehu panonguye kulokuloyike. Panonguno atsayiji ngo aji kumka shishe shove kehu panonguye izuvulai puzu kupuxa kupunaike. Tungkupmiye shomzuve kehu Alhou no kungunhetsu puwukeu ithikuthu mlave eno achinemiye shomzuve kehu atsa kughathatsu peniye sughikeulo kupuxakupunai auveke.

ISAIAH 57:17

Ino panoqo shou imlo idevekeuye panoqo xine eno panoqono aghukha shikeu ghengunoke, ike ino panoqo ghimeqhi eno qhiveke. Ikemu panonguye amlo kiqhimi eno panongu gho apuloulo checheuve.

JEREMIYA 14:18

Kughou ino aluzalo wuju keno, aghukishi lono thivekemi sukumo ino ithulu; kughou ino taunlo wuju keno, akhu-ava lono thivekemi ino ithuluke. Tungkupmi ngo achinemino pano kumla mla ake ikemu panonguye kiu shiani keno panonguno ithi amoe.”

JEREMIYA 17:11

Timi khuno amikuchokumo pisa lucheni keno paye aghau lakhino pano yikhuqhimo keu yikhu khophe akeu toike. Pa kuxu ahelo aphi lono pawu kinikulu puhave nani, eno ashekhalo paye kiumu kumoveno kughuzumi lakhi toive nani.

JEREMIYA 2:26

AMPEU no pi, “Kupkami lakhi kughaluve kelo shikukujo kehu toi nongu Israil lo akemi kumtsu shikukujo qhi nani, nowu kukami, kijemi, achinemi eno tungkupumi kumtsu shikukujo qhi nani.

JEREMIYA 2:29

Nonguye kiu muchho ani kya? Nonguye kushiye ihebide ani kya?

JEREMIYA 2:8

‘AMPEU ye khile ani kya?’ ipi achinemino inijumoe, iwu achinemino imthaveke. Ayehkipemino ihebide ipeghive; tungkupumino Baal jelono pi cheuve eno avehupu kuhakeu julho mllauveke.”

JEREMIYA 22:17

Ikemu noye olikhi osala phukeu lo likhi amlo tsuke; kiumu pimimokemi nono pithive cheni eno owu timiqo heqhi buqhi qoda cheni. AMPEU no piveake.

JEREMIYA 23:10

Aghakhuye AMPEU lau amikuchoshi xuchemo kemino chhitoivae; Panonguno akuxu lhoksa shi xuacheni eno pano kuka pepusa acheni. AMPEU no musuinikeu ghenguno ayeghiye mloqa ani, eno asutsaniye ighuiveake.

JEREMIYA 23:11

AMPEU no piani, “Tungkupmi ngo achinemiqoye Alhou kumthamike panonguno Achinekilo alhoksa shiaghi kelono ino tsuquluvae.

JEREMIYA 27:15

AMPEU no piveake paye panoqo puwu puamoe eno panonguye pa je lono nongu vilo akimiki tsa pianike. Ike pano nongu hapupove nani eno nonguye heqhi pithive niake, nongu ghi eno nongu vilo akimki tsa hipaqo piakemi tungkupmi ghi pithikhave nanike.”

JEREMIYA 32:32

Kughengu Juda ngo Jerusalem lo akemi ngo panoqo shou kukami eno sakiphemi, achinemi, tungkupmino alhoksa jeli kumtsu shichenike ghengunoke.

JEREMIYA 42:1

Tileno aghushimi sakiphemiqo kumtsu eno Karea nu Johanan ngo Heshaia nu Azariya ishino kijemi kitilami kumtsu sasu ilau ighi

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

AKUMLO 4:13

Ikemu liwu tungkupmino axine shive eno achinemino kuqukeu ghenguno pimimokemi pithive kepu shiveke.

EZEKEL 22:12

Nowu timi khamiye atha ajume ithuluniye timi ghiqhi cheni; khamiye pano kusami Israilmi lau punakeulo akighishe khulu cheni eno tipaqo shou akumo akukuhau shikeu lono kinikulu shiluve cheni. Panonguye ikumsumaveke.” Akughushu MPEU no piveake.

EZEKEL 33:31

Ikehu iwu timiqoye nono kiu pinikeno ininike kukokiki ighi ani, ikemu panonguye nono panoqo vilo shilo pikeu shichemoe. Panonguno amtsulo likhino otsa kupuke ikemu panoqono aghukha shi xu achephi.

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MICAH 3:5

Khunono tungkupmi ajume tsuno tipaqoye alokughuno shi anani kepi tungkupmino pipekeu huno iwu timiqo pishiqhivae, ikemu khunoqono ajume tsumo keno tipaqo vilo aghukishi pesu shikichi chenike. Tikithipu tungkupmiqo vilo AMPEU no piani,

Luke 16:14

Farisimiye akini kupu chekemi kehu, kughono Jisu no hi kumtsu pikeu chilukeno panonguno pa junu.

1 Tim. 3:3

Paye shokumzumi shimoni momu anguka vesukemi shimoni ikemu ivunheyi eno iquighai kemi shimasa. Paye pisa kiminemi shimoni.

2 Peter 2:1

Ikemu timiqo gholo kichile tungkupmi ghi ipeghi, ike tihutoi nongu gholo ghi kichile kukutsumi ipeghi nani. Panonguno shikupusapu kuchoukumo kukutsu pesu kusuuno ighi nani eno panoqo xachilelukeu Ampeu milive nani eno pano likhi pano shou shikupusapu zuleno sughi nani.

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.