JEREMIYA 6:10 - BAIBEL (BSI)

¹⁰ Ino khochile, “Ino panoqo vilo pinikelo eno panoqo kutughuni kelo khuno itsa initsuni kya? Panonguye kuthoviloke eno atsape initsumo kepike; nono ivilo pilo pikeulo panonguno junuke.

Sumi Naga CL (Re-edited) Bible (BSI)

¹⁰ Ni ye khuno vilo pini eno ghutuni kea? Khunono I tsa chilu tsüni kea? Julo, panongu kini ye ipovae, panongu ye chimla nani; pano ghenguno Ampeu tsa ye atichepu lakhie; pano ye tipau lo azüküvü kühae.

JEREMIYA 6:10 ပူးပေါင်းရင်းမြစ်များ

LESHELE 1:2

Paye AMPEU yezahlo aghokulu shini keuno pa zukuvue, paye putho pucho tipaulo kumsukutoju acheni.

LESHELE 119:16

Niye oyezahlo ilokiqipu acheni; nono ahza tsukeu niye kumsumamoke.

LESHELE 119:174

Nono xalukeu kukuphu khitohi ino khe acheni kya? O AMPEU! niye oyezahlo alokivi phuluke,

LESHELE 119:24

Nono kutsukeuye ilokivipuke; tipa qoye akukumsu ipiyekemiqoke.

LESHELE 119:35

Ipelo ozahkutsuqo ghokulu shikepu shi qhilo, kughengu tipaqolo ilokivipu phulu cheni.

LESHELE 119:70

Timi hipaqoye vethakulu kuhake, ikemu niye oyezahlo ilokivipu sholu cheni.

LESHELE 119:77

Ikimiyelo eno niye xulu nani kughengu niye oyezahlo alokiqi acheni.

LESHELE 40:8

Ogho opulou shinikeuno izukuvuke, O iLhou! Oyezahye imlolo qhi chenike,”

IPEKULU 6:12

Ikelo Muse no khochile pi, “Israilmi ghi itsa initsumoe ike akukauye khile initsu ni kya? Niye atsa pishelho kemi ke!”

ISAIAH 42:20

Israil, noye kumzapushi ithulu puani, ikemu noye tipaqo kiu kiqi kepi ithi ani kya? Noye chilukepu kini puani, ikemu noye kuchouno kiu chilu akya?’

ISAIAH 53:1

Timiqono khochile, “Nino kiu chilu keno khuno nitsa pulu tsu kya? Hipaulo khuno Alhou no pa-u chhosu anikepi ithi kena -!

JEREMIYA 35:13

“Ni, AMPEU no nongu vilo iniju anike nonguye kushiye itsa inimopi eno ino akukutsu tsukeu papemo pikya?

JEREMIYA 4:4

Now puloshoqhi isasu shilo, niye nongu MPEU ke eno nonguye ikhipesu itsuvelo nongu Juda ngo Jerusalem lo akemiqo, nonguno tishimo napiaye nonguno axine shiveke ghenguno iloghuye ami toi iqu nani. Tipauno iqu nani eno khunomu tipau pinhemla nanike.”

JEREMIYA 5:21

Tsaqui inijulo, nongu anikhamiqo nongu anhethi puapulaghi ithumlakeqo, akini puapulaghi chimlakeqo.

JEREMIYA 7:13

Nonguno axine hipaqo kumtsu shi acheni eno anguno anguno ino nongu vilo pi anamu nonguye initsumono miliveke. Ino nongu kukelo nonguye khochilemoke.

JEREMIYA 7:26

Ikeghi milakhi nomu initsumo momu amlo tsuqhiyikeu kuhake. Tishinike zuqhulo nonguno nopuasu nguno alau kuthovi kithe eno hebide kitheke.”

JEREMIYA 9:26

Timi tipaqoye Ijip, Juda, Edom, Amun nuliqo, Muab eno asayeqhalo khunoqono pano kutsusa ikhonhei tsave cheni keno tipaqo kumtsu. Hipaqo shiayeh lakhimu eno Israil lo akemi milakhimu iwu puloshoqhi pechemoke.”

EZEKEL 3:7

Ikemu Israilmi milakhimu otsa ininishimo nanike; kughengu panoqoye itsa pinamu initsu chemoke. Panoqo kumtsu kuthovi acheni eno mukamghai kemiqoke.

EZEKEL 33:3

Kughou aghumi cheghikeu pano ithuluni keno, kumtsu pelo kutokupui lupenike pano kutughukeu sutsa tsucheni.

EZEKEL 33:9

Tsala nono alhoksami lakhi vilo kutughuni kelo pano axine shiauve aye paye axinemi lakhi shi-ghi thive nani, ikemu okuxu puxupe qhitsu nani.”

AMUS 7:10

Tileno Bethel lo achineu Amaziya no Israil kukau Jeroboam lau asutsa puwuno ishi pi, “Amus ye Israil lo akemiqo gholono oshou akumou shiniye kumqu ani. Pa tsapino aghakhu shipusaveni cheni.

MATTHEW 3:7

Kughou Farisimi ngo Sadukimi kutomono baptiz shitsupe niye cheghi keu Johan no ithulu keno, pano panoqo vilo pi, “Nongu apighi tiqo! Khuno nongu kutughu puzu Alhou loghu chekeu lono polule pi kya?

Luke 11:45

Ayezah kukutsumi gholo lakhino pa vilo pi, “Akukutsuu, kughou nono hipaqo vehu pikeno noye nighi thaighave anie.”

Luke 20:19

Ayezah kutsuchekemi eno achinetomi qono tipa-a lono Jisu kughalu nike pukaputsa, kughengu pano aholetsa hipau pikeuye panongu shou pikepi panonguno ithive, ikemu panonguye timiqo msave.

John 7:7

Ayeghilomiye nongu mithi mlae ikemu imthi cheni, kughengu tipaqo kumla lhoksa ghili ino pitsu achenike.

John 9:40

Pa phivilo Farisimi khami akeqono hipau chilu puzu pa vilo iniju, “Ningu ghi anhethi iche kesha?”

Apostolmi 7:51

“Nongu aghekulukumomi, amlolo kusakugha eno Alhou sutsa chikumlamiqo. Nonguye nongu puasuqo toi kena, nongu ghi pulhapuju Aghungu Kimthe mujochile cheni.

Apostolmi 7:60

Qhoqhunhe pesu pano ighamuku pi, “Ampeu hipau xine panoqo shou betsu kevilo.” Hi pive puzu paye thive. Saul ye Stifan pithive keulo pulokuqhatsu ae.

Rommi 7:22

Ilikhi imlo alouye Alhou yezah lo izukuvu ani,

ZAKINIU 29:4

Ikemu ishi tsala kutolo AMPEU no nongu pelo kiu puju-shijuve akeno tipau vethamlano aphi peke.

Kolosiami 1:28

Ikehu ninguno Khristo pesu asheshu cheni, alokutsu kighithi jeli pesu kumtsu kutughu acheni eno kumtsu shika acheni, tishianguno milakhikhino Khristo gholo akeulo tekhoyivekemi shipesu Alhou zulo qhitsuniyeke.

2 Tim. 4:3

Kughengu timino kuchou kukutsu lumonike ghuloki ighi nani, ikemu muthomuzayi keu kini xapu panongu gho-apulou shipenishi kelauno panonguno ininishi akeu likhi pitsupenikemi akukutsumi sawo qhi nani.

IBRIMI 11:7

Akupulu lono Noha ye ighinikeulo kiushini chekeno pano ithumlano akemu Alhou no pa kutughukeu chilu puzu aghokulushi ashukaki lakhi shipeqhi eno pa ngo pa kibolomiqo xakulupu shilue. Hipau lono pano ayeghiqhami kuchopu akipimi shivetsu eno akupulu vechewo amikucho shiluche keu mheghi ithulukemi shilue.