JEREMIYA 52:9 - BAIBEL (BSI)

⁹ Zedekiya ye Akukau Nebukadnezar lau sawuve, paye Hamat ghakhulo Ribla phughilo ake eno tilano Zedekiya shou Nebukanezar no kughathabe keu tsa pivetsu.

Sumi Naga CL (Re-edited) Bible (BSI)

⁹ Panongu no akükau küghape Hamath yeghi lo Riblah lo Babylon kükau lau saghi, tileno Zedekiah shou amakho beve.

JEREMIYA 52:9 ပူးပေါင်းရင်းမြစ်များ

KUKAMI ATUGHIU 8:65

Akumllaki tipaulo Solomon eno Israilmi kumtsu kuqhano atsala tsuni Apusholo ngokeu pinye shilu. Tile timi kumzapushi ahuu kudau akeu Xamat lono apeu Ijip lughi kutolono ighi kumqolu.

KUKAMI AKINIU 23:33

Pa kukaye kughou Ijip kukau Neko no pa kughaluveno Hamat yeghilo Ribla lo akughu shipe niye sawuve keno tileno kishekhaveno paye Judamiqo pelono ampelo agho tsandi kilogram 3,400 eno shunano kilogram shighi bidi ishi pesu Ijipmi tsupenikeu shive.

KUKAMI AKINIU 25:6

Zedekia sasu akukau Nebukadnezar khuu Ribla phughilo ngo akeno tilau sawuve eno tileno Nebukadnezar no pa shou atsakugha.

YEKIKITHI AKINIU 33:11

Tighenguno AMPEU no Asiriyami ghushimi shou ampimi pelo Juda le ighipe. Panonguno Manase kughaluve, ayi kughuhono pa fuluve, ayi kichhe pe tshuluve eno Babilon lo pa sawuve.

YEKIKITHI AKINIU 8:3

Pano Hamat ngo Zoba ghakhuqha ghi haphe luve

JEREMIYA 21:7

Ikemu no ngo owu kijemiqo eno timi khunoqono aghukishi, puqumiyekeu eno kusukini lono puxupe aghini keno nongu kumtsu ino akukau Nebukadnezar ngo pawu timi noghumiqo pelo kughalukhavepe nani, nongu kuxuluve tsuniye phuchekemi ulo suvetsu nani. Pano nongu pithi khave nani. Pano nongu lakhimu ghumo nani momu nongu kimiyeqhiyikeu piyemo nani. Ni, AMPEU no piqhiveake.”

JEREMIYA 39:5

Ikemu Babilon ghushimino panoqo hasusu ighive eno Jerikho phivilo akhila lono Zedekiya kughaluve. Tipathiu panoqono Zedekiya sasu Akukau Nebukadnezar lau sawu, paye Hamat lughi kudau Ribla phughilo aghike, tileno Nebukadnezar no Zedekiya shou hitoi kughakutha shivetsu.

AKUMLO 4:20

Nikuxu puxutsu chekeu, AMPEU no nukishekuluu akukau hu kughaluve, Ningu leighikemi launo nisusholu penike pukhu achekeu hu kughaluve.

EZEKEL 11:10

nonguye nolikhi noghakhulo aghu shikeu lono pithive nani. Tileno kumtsuno niye AMPEU kepi ithi nani.

EZEKEL 23:24

Panonguno aghushimi kutsasa aghushi khurkulu ngo pukishekeu yeghikilu sasu ighi puzu ahuu kudauno ole ighi nani. Azuto ngo akutsu kuqho pesu sushopuluve puzu panonguno osuhuluve nani. Ino panoqo ulo no ikhisuvetsu nani eno panonguno pano yezah kiqi lono oshou kughatha nani.

AKIKIHI 13:21

Ikehu timiqono ahuu no xususu Zin sayeqha apeu Hamat Kita phivilo Rehob kutolo wuke.

AKIKIHI 34:11

Tithiuno apeu Harbel kutolo anani, tiye Ain kipelau anike eno tileno Galil Zukucho kipela mukulo naghuto ake kuto,

JOSHUA 13:5

Gebalai shiyeh yeghi, Libanon kuchopu lono wo kipelau Balagad kuto khikhi Hermon naghuto lono Hamat la kuto aphike.