JEREMIYA 51:53 - BAIBEL (BSI)

⁵³ Babilon no atsutsu kutolo ikaiku puzu tilau aliwo qoghe shipe puaghi pinamu ino timi puwu puzu tipau kutsaleveni aphike. Ni, AMPEU no piveake.”

Sumi Naga CL (Re-edited) Bible (BSI)

⁵³ Babylon no atsütsü kutolo iku eno aliwo qoghe shi püaghimu, I no kütsani kemi li lau puwu nani, ipi Ampeu no sheshu.

JEREMIYA 51:53 ပူးပေါင်းရင်းမြစ်များ

BOTHUBO 11:4

Tileno panonguno pi, “Ighilo, ningu sala aphughi lakhi shi puzu tile aghukheano atsutsu toni keshi shini nolo. Eno ningu je haumo kepu shinie, ti kumoaye ayeghiqha kumtsu kathasusu ningu apanaghave nosake.”

JOB 20:6

Pa kivino atsutsu tonikeshi eno pa kutsuno khungkusu cholu nikeshi aghi pinamu,

ISAIAH 13:17

AMPEU no pi, “Babilon leluve penike ino Mediyami xuputho ani. Panoqoye tsandiyi ngo shunayi pesu panongu ghujuqhiluve mla nani.

ISAIAH 41:25

“Kipelau achekemi milakhi ino kishelu puani; Ahuu kudauno leighi penike ino pa saighi nani. Alikishiuno aghani qoda akeshi pano ayehkipemi aniba kumlhoshi qodae.

ISAIAH 47:5

AMPEU no Babilon vilo pi, “Akuzulo eno inaqhoi keulo iqalo; Panonguye ovilo ashiayehqo kuka liu kepi hinguno hilauye pimoake!

ISAIAH 47:7

Nono kumsukeuno noye pulhapuju akukaliu shia nani kughashike, ikehu hipaqo omlolo kuhake momu ashekhalo kishive nani kela kumsujumoke.

JEREMIYA 49:16

Nongu qhekuzano nongu pishiqhivae. Nongu musa ani kepi kumsu ake qhemi lono khunomu nongu musamoe. Nonguye naghuto kutsuqa qhemghaikeu atuxulo ngo acheni; ikemu aluqu toi qhemghai keulo xuaghi namu AMPEU no aqhou kudau nongu saiqighive nani, AMPEU no piveake.”

JEREMIYA 50:21

AMPEU no pi, “Merathaim ngo Pekod lo akemi lewulo. Panoqo pithikhave eno kutsalevelo. Ino nongu vilo ahza tsukeu kumtsu shilo. Ni AMPEU no piveake.

JEREMIYA 50:25

Niye ighunanu khile pekutsu cheni keno tipa-a qhaqhivae eno iloghu lono tipau khalau pe-ipeghivae, kughengu ni, Alhou Aqokitikhi MPEU ye Babilon yeghilo akumla shikepu shivae.

JEREMIYA 50:45

Tighenguno Babilon phughi shou ino shinike kughu puakeu eno kiu qhemi lono tipaulo akemiqo shou shiniye kuto ani keno inijulo. Panoqo tianuli kutolo sunhe kiti sawuve nani eno kumtsu ghano kichimamave nani.

JEREMIYA 51:11

AMPEU no Babilon kutsanike kumsupu pesu anike ghenguno pano Media lo kukamiqo xukuthovetsuke. Titoi shikeu lono pa chineki kutsalevekeu mukhu pano lu nani. Leighi akemi kijemiqono ishi ahza tsuke, “Nongu piji xukumtsuvelo! Nongu zuto kutope peluvelo!

JEREMIYA 51:25

Babilon noye naghuto lakhino ayeghiqha kumtsu kutsaleve keu toike, ikemu ni, AMPEU ye oghumike. Ino otsuquluve nani, ayeghi lo osunhe kuluqhive nani eno ayevulo oqhive nani.

JEREMIYA 51:48

Babilon ye kughono ahuu kudauno tipau kutsale nike ighikemi ulo ikiqi iloveni keno ayeghilo ngo atsutsulo akeqo kumtsu ghano alokivishi ighamuku nani.

JEREMIYA 51:56

Panonguye Babilon kutsale nike ighi ani; tipaulo ghushimiqoye haleu-vae, eno panoqo suzuye kubolevae. Niye alhoksami ghimeqhi chekeu Lhou ke, eno Babilon tsukuzupu qhemi ino tipau kutotsu nani.

JEREMIYA 51:58

Babilon akughushuu putupuakeuye ayeghilo xaleqhive nani, eno tipau khagho qhemghai akeqoye pitileqhive nani. Ashiayehqono mlachekeu huye kumtsu adou shive nani; panoqono pukaputsa mlapuakeu huye amikite ilhouve nani. Ni, Aqokitikhi MPEU no piveake.”

DANIEL 4:30

pano pi, “Babilon jukelo kiu toi kije eno juvi kela! Aphughi kiqhe hipauye ino mlake, hileno ikuka, ikumto ijekipi akughushu pephe piyeniyeke.”

AMUS 9:2

Panonguno pano la chhususu kithimi yeghilo iqive namu ino panoqo tsuquluve nani. Panonguno atsutsulo mili ikuve namu ino panoqo saiqighive nani.

AMUS 9:4

Pano ghumino panoqo sasu akughulo sawuve aye panoqo pithive penike ino ahza tsu nani. Niye panoqo kutsaleve nike kutovae eno panoqo kuphuni chemoe.”

HABAKUK 2:9

“Nonguye puhaveni putsa! Nonguno heqhi buqhikeu lono ikhisughi keu pesu nokibolomi pelo kinikulu shipe eno nokiboqo shikupusa ngo akuyighupu sholu pemoniaye pukaputsake!