JEREMIYA 51:5 - BAIBEL (BSI)

⁵ Ni, Aqokitikhi MPEU Alhou ye Israil ngo Juda pheve mphike, panonguno ni, Israil wu Akimtheu shou axine shipuaghi namu niye panongu qhimphike.

Sumi Naga CL (Re-edited) Bible (BSI)

⁵ Kughengu Alhou, aqokitikhi MPEU ye Israel ngo Judah pheve mphie, ikemu Chaldeami ghakhu ye Israelmiw Akimtheu zülo akipimi likhi ani.

JEREMIYA 51:5 ပူးပေါင်းရင်းမြစ်များ

KUKAMI ATUGHIU 6:13

Ino iwu timi Israilmi gholo nono khikhi akumllaki hipau shi anikeno tipau vechewo ngoni eno niye khilemu panongu phevemoe.”

KUKAMI AKINIU 21:16

Manasse no amikuchomi kutomo ghiqhi pithivetsu keu jihno Jerusalem laghiqo ahjino nhakha qowu; paye Juda lo kuamiqo sasu asu-atu mllauve pekeu lono AMPEU mlo shikighideve tsu eno axine shikeu likhi kumono hitoi kutomo kuxu puwovetsuke.

EZRA 9:9

Kughengu ninguye akutsughalo acheke ikemu akutsugha lono ni Lhou no niqhive moe eno nono Persia kukatomi pelo ningu kimiyeno xuaghipe puzu ochineki shikithe eno shipsavekeqo shikithelu penike eno Juda ngo Jerusalem lono sukusho phulupeniyeke.

LESHELE 94:14

AMPEU ye pawu timiqo qhivemo nani; paye pa laumi qhiveno wuvemo nani.

ISAIAH 44:21

AMPEU no piani, “Israil, hipau kumsululo; noye iqeu kepi kumsululo. Iqeu shipenike ino olhopheke, eno niye khilemu okumsuma moke.

ISAIAH 51:15

“Niye nongu Lhou AMPEU ke; Ino azughi xuputhoke eno tipau zufukukuchono igha cheni. Ijeye Aqokitikhi MPEU ke!

ISAIAH 62:12

Nonguye, “Alhou wu Akimthemi Timiqo” ipi ku nani, “AMPEU no Xaluvekeu Timiqo,” ipi nani. Jerusalem ye “Alhou no Kimiye chekeu Phughi” ipi ku nani, “Alhou no Qhivemokeu Phughi” ipi nani.

JEREMIYA 14:19

AMPEU, noye qhoi Juda peive akesha? Noye Zion lo akemiqo jumithini kesha? Noye kushiye shishe alhoksapushi nighuzavetsu no ninguye vimla vea kya? Ninguno alokughuno phujuke ikemu akivipu kiumu ipeghimoke; Ninguno shikipivi laju kemu tipa zuqhulo shikuighukeu ighike.

JEREMIYA 14:9

Kushiye noye akichiqhi pesu akemi toi ani kya? Ghushimi lakhino kutami kuphunike akuka kuhano aketoi ani kya? Mutsuqheino AMPEU, noye nigholo anike! Ninguye ow timiqoke, niqhivetsu kevilo.’ ”

JEREMIYA 16:18

Panoqo xine ngo lhoksakugha ghenguno kighishe kini ino panoqo pelo lochilepe nani kughengu panonguno asu-atu julho khikhi akuxu kuhano akithi kumo toi keu pesu iyeghi kitiqevetsuke eno panoqow kichileu lhouqo pesu tipa yeghi chhitoi anipeke.”

JEREMIYA 19:4

Niye hipau shini putsake kughengu timiqono iqhive eno a-a hipau lono kutau lhouqo lau lhoxu heqhipe mlla puzu hipau-a kitiqeveke; alhou tipaqoye panoqo ghi momu pano puasuqo ghi momu Juda lo kukamiqo ghi kitilamu mthano achekeqoke. Timiqono pimimokemi ji pelevetsu keu pesu a-a hipau chhitoiveke,

JEREMIYA 23:15

‘Ikehu, ni, Aqokitikhi MPEU no Jerusalem tungkupumi ghenguno hipau pitsu ani: Panoqo pelo chupenike ino khumtsayi keu tsuni tsu nani eno tughu yepe nanike, Kughengu panonguno ayeghiqhalo Alhou sumsamo keu pesu nhakha woke.’ ”

JEREMIYA 31:37

Atsutsu kunguu akeu mighiwo toluve aye eno ayeghi boqhaqo phuphekhaluve aye, tilehi likhino AMPEU no pawu timiqo peveni cheni, tiye panonguno mlavekeu kumtsu ghenguno. AMPEU no piqhivae.

JEREMIYA 46:28

Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsave nani, ikemu niye nongu kutsamo nani. Niye nongu ghimemono puwuvemo nani; ikemu ino nongu ghimekeulo niye aghibiu lono shi nani. Ni, AMPEU no piveake.”

JEREMIYA 50:20

Kughono tipa ghuloki ighini keno Israil lo kiu xinemu phumla nani eno Juda lo kiu lhoksa kugha mu kuha nani, kughengu timi khunoqo kuxu ino ghupe qhitsuni keno ino tipaqo xine pevetsu nani. Ni, AMPEU no piveake.”

JEREMIYA 51:19

Jakob Lhou ye tipaqo toimoke; Pano thwokha kumtsu lhoqhike, eno Israil kishelu keuye pawu timiqo shiache peniyeke. Pa jeye Aqokitikhi MPEU ke.

EZEKEL 8:17

AMPEU no ivilo pi, “Thinikuau timio, noye tipau ithulu anima? Juda lo akemiye kuchhube kutsula thime nono ithulukha keu hu tipaqo shiche keu likhiye aghaqimovae eno heqhi buqhikeu aghakhuqha kumtsu nhakha akeu likhiye aghaqimovae. Panonguye Achineki alou ghi ighieno shiauvae eno ipelo alau aloghu ide anipeke. Julepi, panonguye ihulo molokeu shi itha igha auveake!

EZEKEL 9:9

Alhou no ishi khochile, “Israil ngo Juda lo akemiqoye axine kuthoshi kuquvae. Panonguno aghakhu kumtsulo timi ghiqhi puakhani eno ghiqhi heqhi keuno Jerusalem chhitoivae. Panonguno pikeuno ni, AMPEU no pano ghakhu qhive eno niye panoqo jumovae pike.

HOSIYA 1:10

Israil lo akemiqoye azughilo asaye paphi shive nani, panoqoye kihikhamla eno mighiwo tomla kepu shive nani. Itehiye Alhou no panoqo vilo, “Nonguye iwu timi kumoe.” ipike, ikemu pano panoqo vilo ishi pinikeu tsala wocheni, “Nonguye akuxupu Lhou nuliqoke!” ipi pi nani.

HOSIYA 2:1

Ikemu nokusami Israilmi vilo “Alhou wu Timiqo” eno “AMPEU no kimiyekeqo” ipi pikilelo.

HOSIYA 2:3

Lino shichekeu qhivemo aye li punu ke tsalalo aphikumsake toi ino li phimini xaluve tsu nanike. Ino li pesu asutsuni ipeghimono, qhayikeu yeghi toi kughulhovetsu nani eno liye tughuthike launo thive nani.

HOSIYA 4:1

Hipa ghakhulo kughuna akemiqo shou AMPEU no ngukukepu lakhi sughini cheni. Israilmiqo, pano kiu piani keno inijulo: “Aghakhu hipaulo amikucho momu kikimiye kuhake eno timiqoye niye Alhou kepi ithitsu amoe.

HOSIYA 4:2

Panonguno tushoqhi cheni eno tipaqo kubove cheni; panonguno miki, ghiqhi, puka eno salha cheni. Heqhi buqhi keuno alaushi ani eno ghiqhi heqhikeuno ghiqhi-heqhi pape auvae.

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

ZEKHARIA 12:6

“Tipa tsalalo ino Juda laghami pesu aghasulo momu aghighope puake luqalo ami iquakeu toi shitsu nani; panonguno acheaxulo ashiayeh kutami akeqo kumtsu kutsale qhi nani. Jerusalem lo akemiye aphughi alou akivishi ngolu nani.

ZEKHARIA 12:8

Tipa tsalalo AMPEU no Jerusalem lo akemi shokhalu nani eno panoqo gholo miqemilei keu ghi David toi mutotoilu pe nani. David polo kughukomino Alhou toi shi puzu, AMPEU wu kungumi toi shieno panoqo tughiushi wu nani.

ZEKHARIA 2:12

Itaghi Juda ye AMPEU yeghi kimthe-alo pa mheghipu akimchiu shiluve nani eno Jerusalem ye pano kumtsu nguno shishe kimiye chekeu phughi shiluve nani.

SAMUEL ATUGHIU 12:22

AMPEU no tsaquino tushoqhivae eno paye khilemu nongu phevemo nani, kughengu nongu pesu pawu timi shini keu pano kughakutha shiluvae.