JEREMIYA 51:10 - BAIBEL (BSI)

¹⁰ AMPEU no pi, “Iwu timiqono ighamuku ke, ‘AMPEU no piyetsu keuno ninguye achipiu shianike. Ninguno Jerusalem lo wupuzu timiqo vilo AMPEU niLhou no kiu shivetsu keno pinike.’ ”

Sumi Naga CL (Re-edited) Bible (BSI)

¹⁰ Ampeu no ni chipiu piye tsüe; ighilo, ningu Zion lono Ampeu ni Lhou kümla sheshuni.

JEREMIYA 51:10 ပူးပေါင်းရင်းမြစ်များ

LESHELE 118:17

Niye tishinike zuqhulo xulu nani, eno AMPEU no kiu shikeno asheshuni.

LESHELE 37:6

Noye amikucho kepi pano akuvu toi sughitsu nani, pano achipiu shipuvu pe puchomugho toivetsu nani.

LESHELE 64:9

Timiqoye kumtsuno musave nani; Panonguye Alhou no kiu shivea keno lhe nani, eno Alhou no kiu shivekeno kumsukutoju nani.

LESHELE 66:16

Nongu Alhou gihu chekeqo kumtsu ighieno inilo, pano ighenguno kiu shitsu keno khenike.

LESHELE 9:14

Tishianguno Zion mi khagho lono ino osheqhe akeu ghili kumtsu pini, nono ixalukeu ghenguno ino alokivi shini.

ISAIAH 24:14

Khunoqo kuxu ghupe puaghini keno tipaqono alovi alephe nani. Kulolau akeqono AMPEU ye kiutoi kije keno pinani,

ISAIAH 40:2

Jerusalem lo akemiqo mukhano putsatsulo. Panoqo vilo panonguye adoku shuwa aghime shivea eno itehiye panoqo xine pevetsuake.”

ISAIAH 51:11

Nono khunoqo lekholuvea keno tipaqono alokivishi Jerusalem tolu nani, alokivi launo ighamuku alephesu tonani. Panonguye alhokupuju alokivishi nani, pulhapuju ghenguno amlo kusa eno amlo ghime lono kuqho pheve nani.

JEREMIYA 50:28

(Babilon kudauno kupokichemi pokasu wulu eno Jerusalem lo ighi eno ni Lhou AMPEU no Babilonmino pa chineki shou kiu shive keno tipau ghenguno kishi amkhu luani keno panonguno lhe anike.)

JEREMIYA 50:45

Tighenguno Babilon phughi shou ino shinike kughu puakeu eno kiu qhemi lono tipaulo akemiqo shou shiniye kuto ani keno inijulo. Panoqo tianuli kutolo sunhe kiti sawuve nani eno kumtsu ghano kichimamave nani.