JEREMIYA 50:7 - BAIBEL (BSI)

⁷ Panoqo ju ithulu kemi kumtsuno panongu haleqhike. Panoqo ghumino pi, ‘Panonguno AMPEU shou axine shike ike ninguno panoqo shou kiu shikeno tiye achipikumo keu kumoe. Pano puasuqoye AMPEU pukhupe xucheke eno panongu ghi pa lau amikucho shi ache kepushi ake!’

Sumi Naga CL (Re-edited) Bible (BSI)

⁷ Panoqo ju ithulu kemi kümtsü no panongu kütsakungo eno pano ghümiqo no ishi pi, ‘Panongu ye Ampeu zülo axine shivae, ikehu ningu no panoqo shou kiukiu shinamu akipimi kumoe. Ampeu ye pano puasüqow lajupu eno panongu ghi Pa lau amikucho shi kepushi ake.’

JEREMIYA 50:7 ပူးပေါင်းရင်းမြစ်များ

LESHELE 71:5

AMPEU, niye iwu lajupu oshou bepe ani; ilhothe lono itehi kutolo opukhu acheni.

LESHELE 79:7

Kughengu panonguno owu timi pithikhavetsuke; eno oyeghi shipusakhave tsuke.

LESHELE 90:1

O AMPEU, noye pulhapujulo nino ngo chekeu ake.

LESHELE 91:1

Timi khunono Shishe Akiqheu kicheqholo acheni. khuno Akughushuu sukusholo acheni keno,

ISAIAH 47:6

Niye iwu timiqo shou imlo ideke; panoqoye iwu kumo toi ino peitha veke; Ino panoqo pesu okukalo suve tsuke, eno noye panoqo kimiyeqhiyi keu piyemoke; kitemi ghi nono mughachhoi peithake.

ISAIAH 56:9

AMPEU no inaghami shiayehqo vilo tughashi toi ighino pawu timiqo mnovelo pike.

ISAIAH 9:12

Kipelauno Siriya eno kulolauno Filistiya no Israil tsuchuve nike panoqo baxa mukupe ani.Tishimu AMPEU loghu ye ashekha shi mphike; ghimeqhi nike pau chhopesu achephike.

JEREMIYA 10:25

Omllamokeu shiayehqo shou ologhu ide eno opevekemiqo shou tipau pukulo. Panonguno owu timiqo pithivetsu; panonguno qhoyi ningu kutsa leveke eno niyeghi ixapinyi qhivetsuke.

JEREMIYA 14:8

Israilw lajupuye olikhiake; kutsakungokeu lono nixalukeuye nonoke. Noye kushiye nighakhulo inami toi ani, kicheghuzumi lakhino kijili lakhi ngokeu toi shi ani kya?

JEREMIYA 17:13

AMPEU, noye Israil wu lajupuke; Oqhivekemi kumtsu kujo mzavepe nani. Ayeghi mukhulo aje yepuku puakeu toi panonguye hauve nani, kughengu panonguno no, AMPEU, akuxu zupuki qhiveke.”

JEREMIYA 2:3

Israil, noye iwu likhike; noye ilulo xathi amsuuke. Ino oshipusakemi kumtsu shou aghime eno kutsakungo keu ino puwuke. Ni, AMPEU no piveake.”

JEREMIYA 31:23

Aqokitikhi MPEU, Israil Lhou no piani, “Kughou ino timiqo pano yeghilo sachile saghini keno, panonguno itaghi Juda lo taun akeqo yeghi lo ishi pinani. ‘AMPEU no Jerusalem toghi akimtheu kumghatsu peniu, akimthe-a khilehi pano achekeualo,’ ”

JEREMIYA 33:15

Tipa ghulokilo David laghami amikucho lakhi akukau shipenike ino kishelu nani. Akukau tipauno aghakhu kumtsulo kiuno achipi eno kuchou keno tipau shi nani.

JEREMIYA 33:16

Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

JEREMIYA 5:17

Panonguno nowu axa ipeghikeu eno nochuqupu tsakhavetsu nani; no tianuli kiptimi totimi jeli ghiqhivetsu nani. Panonguno nomishi loji eno bheri loji ghiqhile nani eno no-tsayibo ngo khughuthibo shipusave tsu nani. Nophughiqo aliwo putupuakeu nongu no pukhu achekeu hu panowu ghushimi lojino kutsaleve nani.

JEREMIYA 50:14

“Asuzu kipemiqo, Babilon sasu aghushikepu shi ajo shiluvelo eno tipau suhuluvelo. Nongu piji kumtsu pesu Babilon shou kapukulo, kughengu tipauno ni, AMPEU shou axine shiveke.

JEREMIYA 50:17

AMPEU no pi, “Israil lo akemiye bheriqo abongushuno hakuqoqhi eno halevekeu toi keqoke. Atughushi, panonguye Asiriya kukauno leighike eno tipashelo Babilon kukau Nebukadnezar no panoqo saghi tsachhevetsuke.

JEREMIYA 50:33

Aqokitikhi MPEU no pi, “Israil ngo Juda lo kuamiqoye qodaqhike. Panoqo kughalu kemiqono kupunukhoi panoqo khekutope acheni eno panoqo pelo wuvepemoke.

EZEKEL 34:5

Bheriqoye akheu kuhake ghenguno panonguye hapiye pighivae eno tughashino panoqo heqhi puzu tsuchuvae.

EZEKEL 35:12

Nonguno junishimo keu lono Israil naghutoqoye piyighive eno tipaqoye nowu kepi munove nike pi pikeu ni, AMPEU no chiluvea kepi nonguno tileno ithi nani.

DANIEL 9:16

Tishimu wovekeu tsalalo nono nisusholuke, tighenguno omlo kighide Jerusalem shou akeu tave tsulo, hiye ophughike, owu akimthe toke. Nixineqo eno nipu asuqono axine shive puzu tipau lono nikisughulo akemi timi kumtsu Jerusalem eno owu akimthe timiqo phimo gihumovepeke.

DANIEL 9:6

Nino oqemi tungkupmino pikeu inimoe, khunoqono oje kughape nipu nisuqo nikukauqo eno nishiayeh kumtsu vilo pikeno.

ZEKHARIA 1:15

niye ashiayeh khipaqono iquneyi eno alokughuno shiani keno tipaqo shou iloghu kighide ani; kughengu iwu timiqo shou iloghu be akelauye ashiayeh kutamino iwu timiqo shishe ghime auvae.

ZEKHARIA 11:5

Panoqo pighiuno panongu ghiqhi cheni eno ghikiqhimi shou aghime tsumono wuvepe cheni. Panonguno ashi jepuzu ishi picheni; ‘AMPEU shelo! Ninguye kinimi shiluvae!’ Bheriqo kheu ghi bheriqo kimiye qhiyi keu kuhake.”

1 Tim. 1:1

Ni Xakuluu Alhou wu ahza eno Khristo Jisu lajupu lono Khristo Jisu wu apostol Paul no,