JEREMIYA 50:5 - BAIBEL (BSI)

⁵ Panonguno Zion kudau wukeu la iyighiju puzu tikudau wu nani. Panonguno isasu lhokta puloshoqhi shi nani eno khilemu tipau kubovemo nani.”

Sumi Naga CL (Re-edited) Bible (BSI)

⁵ Panongu no Zion küdau wukeu la ighiju püzü tilau wu nani. Panongu no pi nani, ‘Ighilo, ningu Ampeu sasü khilemu kümsümave moni keu lhokta puloshoqhi shini.’

JEREMIYA 50:5 ပူးပေါင်းရင်းမြစ်များ

BOTHUBO 17:7

I-u puloshoqhi lakhi nikujo dolo eno opolo kughuko chekemi tiqhelino tiqheli kutolo shini tiye ipelo olhou shipeni eno panoqo Lhou shipeni keu puloshoqhi ke.

SAMUEL AKINIU 23:5

Tihutoi Alhou no ipolo kughuko kumghatsu nani; kughengu pano isasu alhokuthu ghenguno puloshoqhi shivae. Pulokile lukeu tipauye kubomo nani. Ashoqhi tipauye kilivemo nani. Ino mine hechekeuye tipauke; tipauno iwu tokulu shinani, eno Alhou no kuchouno tipaqo shikuputsu nani.

KUKAMI ATUGHIU 19:10

Pano khochile, “AMPEU Alhou akughushuu, niye olikhi oqe acheni. Ikemu Israilmi ye panongu puloshoqhi hu hephove, okumlla kiptia kubovea eno owu tungkupumi kumtsu pithi khave tsuae. Ilikhi vae eno panonguye nighi ipithiveniye kuto anie!”

KUKAMI ATUGHIU 19:14

Pano khochile, “AMPEU Alhou akughushuu, niye olikhi ohuthu acheni ikemu Israilmiye panongu puloshoqhi hu hephove, okumlla kiptia kubove eno owu tungkupumi kumtsu pithikhavetsua. Ilikhivae, eno panonguye nighi ipithiveniye kuto anie.”

LESHELE 84:7

Panonguno wuchekelo akumto shikithe wuve, Zion lo panonguno alhouqo shou Alhou ithulu nani.

ISAIAH 35:8

Tilehi alaghila anani, tipau pesu, “Akimthe Laghi” ipi kunani; Axinemi khuumu tipala pulamo nani; aghuzunikhami namu tipalalo chekelo shipimimo nani.

ISAIAH 55:3

“Iwu timiqo, itehiye inilo eno ilau ighilo; ilau ighilo eno nonguno akuxu alu nani! Ino nongu sasu alhokupuju ghenguno puloshoqhi lakhi shi nani eno David lau kukumgha ino piqhipuakeu nongu tsunike.

JEREMIYA 3:18

Israil ye Juda gholo pekuqhave nani eno panongu kumtsa ahuu ayeghi akeu kudauno halepuwuve keu lono ighini eno ino nongu puasu lau amheghipu shi tsukeu yeghilo ide ighi nani.”

JEREMIYA 31:21

Amchi shikeu peqhelo eno alaghi amchi shilo; nono khipala lono cheve keno tipau laghi phukithelo. Ideighilo, O Israilmiqo, nonguno qhivekeu taunlo ideghilo.

JEREMIYA 31:6

Kughengu, aghukhemino Efraim tolono ishi asheshu kupuwunikeu tsala wocheni: ‘Ningu Zion lo iqhoni nolo, AMPEU, niLhou lau wunike!’ ”

JEREMIYA 32:40

Ino panoqo sasu lhokta puloshoqhi lakhi shi nani. Niye panoqo ghenguno akivipu kumla khilemu shitavemo nani, ino panoqo pelo amlo kuchopu pesu isumsape nani, tishikehu panonguye ilauno khilemu wuvemo nani.

JEREMIYA 6:16

AMPEU no pawu timiqo vilo pi, “Alaghi shokuba lo puthughono julo. Khaghi laghiqo inijulo eno ala akiviu khile anikeno inijulo. Tipaulo chechelo eno nongu ye alokiqipushi xulu nanike.” Ikemu panonguno pi, “Moe, ninguye tishimoe!”

EZEKEL 16:61

Kughou nono ofo ngo otsunipu ithulu chileni keno tilehino noye kishi mla itha chekeno tipau kumsu chilelu nani, eno tipau ghenguno kujove nani. Hiye ino osasu puloshoqhi shikeulo supua mokemu ino panoqo pesu ongaqo shitsu nani.

EZEKEL 37:22

Ino Israil naghuto shouno, pano yeghi lono ashiayeh tikuma pesu lakhi shivetsu nani. Pamaye akukau lakhi likhi auve nani eno tipauno panoqo shou ayehpe nani eno panonguye kijetha pesu ashiayeh kini shimove nani momu akukaqha kinishi kophape ngomove nani.

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

HOSIYA 6:1

Timiqono pi, “Ningu AMPEU lau xaidewoni nolo! Pano ningu ghuzake ikemu kuchouno pano ningu shipivi nani; pano nighuzake ikemu pano nighuzaku khavetsu nani; paye tishimo nani kesha?

John 7:17

Khunono Alhou pulou shini shikeno tipanono ino kutsukeuye Alhou launo keo momu ilikhi ilotsu lono piani keno ithi nani.

Apostolmi 11:23

Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto.

2 Kor. 8:5

Hiye ninguno laju akeu vekiye tsuke, kughengu panonguno atughushi Ampeu lau panongu likhi panongu tsuve eno tishi puzu Alhou pulou lono ningu lau ghi panongu likhi panongu ikhiphetsu anike.