JEREMIYA 50:21 - BAIBEL (BSI)

²¹ AMPEU no pi, “Merathaim ngo Pekod lo akemi lewulo. Panoqo pithikhave eno kutsalevelo. Ino nongu vilo ahza tsukeu kumtsu shilo. Ni AMPEU no piveake.

Sumi Naga CL (Re-edited) Bible (BSI)

²¹ “Merathaim ngo Pekod lo akemi le wulo. Panoqo pithi khave eno kütsaleve lo, ipi Ampeu no sheshu, I no azah tsükeu kümtsü shilo.

JEREMIYA 50:21 ပူးပေါင်းရင်းမြစ်များ

SAMUEL AKINIU 16:11

David no Abishai ngo pa qholo kijemi kumtsu vilo pi, “Inu kuchou thotsu iheqhiveniye pukaputsa ani; tishi aye noye kushiye ti Benjamin lagha shou akumza anikya? AMPEU no ghusho penike pa vilo pivae; tighenguno pa kishishi apelo eno papelo tishi apelo.

KUKAMI AKINIU 18:25

Nonguye ino nongu ghakhu AMPEU kukuphu sumono le eno shipsave tsu anikughashi kumsu anike sha? AMPEU no pa ampino ivilo pikeuno leno shipsave tsulopi vae.”

YEKIKITHI AKINIU 36:23

“Hipau ye Persia Kukatou Cyrus no ahza tsu akeu. AMPEU, Kungugha Lhou no ayeghiqha kumtsu shou ipelo ayeh kipeu shipeke eno Juda lo Jerusalem phughilo pa ghenguno achineki shipeni keu makho itsu puani. Ike, nongu khunono Alhou wu timiqo keno tilau wulo eno AMPEU nongu Lhou no nongu gholo apeniu!”

ISAIAH 10:6

Alhou mthakemi shiayeh shou ino pa puwuni, iloghu shikighide kemiqo shou ino Asiriya puwuke. Ino panoqo puwukeuye alaghilalo aniba qodaneda keshi timiqo pukaqhi, xuleqhilu peniyeke.”

ISAIAH 44:28

Ino Cyrus vilo pike, ‘Nono ighenguno ayehkipeu shini; Opelo ino kiu shipenishi keno nono shi nani. Jerusalem shikithe nikeu nono ahza tsu nani eno Achineki boqha qha wonikeu nono ahza tsu nanike.’ ”

ISAIAH 48:14

“Nongu kumtsu kumqoluvelo eno inilo! Kiu lhou nomu ino kisheluvekeu timi huno Babilon leighi nani kepi ashe-azu tsa piluchemoke; ino pa pelo shipenishi keu pano shi nani.

ISAIAH 48:15

Piqhikeu huye ino ke, ino pa kuluveke; ino pa sasu wuno aghu tokulupu pa tsuke.”

JEREMIYA 34:22

Ino ahza tsunani eno panonguno aphughi hipaulo ideghi nani. Ino Juda lo taun akeqo pesu asayeqha khunomu xumlakeu toi shivetsu nani. Ni, AMPEU no piveake.”

JEREMIYA 48:10

(Timi khuno pa mlo kuchopu pesu AMPEU kumla shimoni keno tipau musuinivelo! Timi khuuno ghithapinyi ghiqhimoni keno tipau musuinivelo!)

JEREMIYA 50:15

Aphughi sukumxa qha kumtsulo aghule kulo! Itehiye Babilon ye qhoi phesuvae. Tipau putukha puakeuye vesu ilovae eno ipole iqivae. Niye Babilonmi shou imukhu luanike. Tighenguno panoqo shou nongu mukhu lulo eno panonguno kutami peitha puakeu toi panoqo peithalo.

JEREMIYA 50:3

“Ahuu kudauno ashiayeh lakhino Babilon lenike ighi eno tipau pesu asayeqha kughulhovetsu nani. Timi ngo lhoxu kumtsu pove nani eno milakhimu tilehi kughuna move nani.”

JEREMIYA 50:9

Ahuu ashiayeh akumtomi akeqo muqo ino xukuthoni cheni eno panoqo pelo Babilon leighi peni cheni. Panonguno tipa yeghi sasu ajo-shi puzu aghushino tipau leluve nani. Panonguye ashihami shitsamiqoke, apiji kapuwu keu lo mijikeu khilemu vezuve chemoke.

EZEKEL 23:23

Ino Babilonmi ngo Khaldiami Pekod, Shoa eno Koa lo achekemi timiqo saghi nani eno Asiriyami kumtsu saghi nani. Lhothemi ajukivi kijemi kushumi hupaqo kumtsu eno khurshi ghushimi kijemi akhotomi eno ayeh kutomo vepukemi kumtsu ino hekutsu kumqo nani.

ZAKINIU 33:27

Alhou ye pulhapujulo nowu sushokulu shi acheni; pawu lhokta uno nongu puqhe cheni. Nonguno azuu haighi kelo pano noghumiqo haphevetsu, nongu vilo kumtsu kutsalevelo pie.

SAMUEL ATUGHIU 15:3

Wulo eno Amalekmi lepuzu panonguno pighi aghikeu kumtsu shipusa khavetsulo. Kiu nhemghamu qhikevilo, kiptimi, totimi, atianuli, anga kughunu, amshi, bheri, kemel eno gadaha hipaqo kumtsu pithi khavetsulo.”