JEREMIYA 50:2 - BAIBEL (BSI)

² “Ashiayehqo gholo asutsa kithe pilo! Tipau pesu asheshulo! Kutughu-keu michi shilo eno sutsa kithe vekuphalo! Tipau pesu kusupe qhive kevilo! Li lhou Marduk ye kubokighi-niyivae! Babilonw asu-atu julho- ye kujokepu shivae, liwu ajulho niqhunilayi keqo ye mukhu-muno shivae!

Sumi Naga CL (Re-edited) Bible (BSI)

² “Shiyeqo gholo sheshulo, michiphi süqhe no pikülhalo, küsüpe qhikevi no veküphalo: ‘Babylon ye leluvae, Bel ye shikujovae, Merodach ye aghüthi süvae. Li julhoqo ye shikujovae, Li julhoqo ye aghüthi süvae.’

JEREMIYA 50:2 ပူးပေါင်းရင်းမြစ်များ

LESHELE 64:9

Timiqoye kumtsuno musave nani; Panonguye Alhou no kiu shivea keno lhe nani, eno Alhou no kiu shivekeno kumsukutoju nani.

LESHELE 96:3

Pa kimthe jekipi pesu ashiayeh kumtsu lau kutughu wolo, eno timi kumtsu vilo pano akughushu kumla shikeu asheshulo.

LESHELE 97:7

Ajulho shisuno mlachekemi kumtsu shikukujove; alhouqo kumtsuno AMPEU zulo itsaiqi.

ISAIAH 12:4

Timiqono ishi shipili nikeu tsala lakhi ighi nani, “AMPEU shikimthilo! Nongu kuphupenike pa kulo! Ashiayeh kumtsu vilo pano kiu shipuani keno pesu pilo! Panoqo vilo paye kiutoi kijekela pilo!

ISAIAH 13:2

Asutsuni kuhakeu naghuto shou aghushi michiphi peqheke! Ghushimi vilo ighamuku pilo, eno panoqo pelo aqhekuza phughi liwokikha lewu penike ou peqhe pesu kichetsulo.

ISAIAH 21:9

Zuleno panongu cheghive! Timino khurshi shou iku puzu ajo kinini shi. Aghukheuno asutsa pipuwu “Babilon ikiqivae! Panonguno ajulho mllachekeu kumtsu ayeghi shou kubo kighiniyi ikiqivae.”

ISAIAH 37:19

tipaqo lhouqo pitile vetsuake, tipaqoye alhouqo kekumoe ikemu timi uno asu ngo atu pesu ajulho kughulhokeuke.

ISAIAH 39:1

Hipa ghulokilo, Babilon kukau Baladan nu Merodak Baladan no akukau Hezekiya kusu ghili chilu ikehu pano yekili lakhi eno agho lakhi pa lau tsupuwu.

ISAIAH 46:1

“Babilon lhouqoye ashekhalo hitoive nani! Bel ngo Nebo ghuthu lakhiloye itsaiqi mlla chekehu itehiye gadahaqo shou musho pipe nani, akulhoshive keu lhoxuqo ghutsu qaqhi nani.

ISAIAH 48:20

Babilon lono ipevelo, khaqhiphe pesu wuvelo! Alokivishi asutsa kithe pesu asheshulo; aqha kumtsu tipau ithipelo: “AMPEU no pa qeu Israil xaluveake!”

ISAIAH 48:6

“Ino ashe-azushi pikeu kumtsu shikupuvae; ino ashe-azushi pi keuye achipi kepi noye ikhilu kepushivae. Itehiye thime akithe ighiniye akeu ino ovilo pini, kiu shini cheni keno niye puzuu piyemphi keuke.

JEREMIYA 10:11

(Noye panoqo vilo pimoaye sake, ike ayeghi ngo atsutsu mlapuamokeqo lhouqoye kutsaleve nanike. Panonguye ayeghi shou khile khile pinamu qhimove nanike.)

JEREMIYA 10:15

Panonguye ame kuhae eno jumithi kepue; AMPEU no panoqo ghimeqhi kelo panoqoye kutsaleve nani.

JEREMIYA 31:10

AMPEU no piani, “Ashiayehqo, itsa inilo, eno putosuu azughi phivilo itsa pesu asheshulo. Ino Iwu timiqo haleveke ikemu ino panoqo hekutsu kumqo nani eno bherikheuno pawu bheri loji khekuto keshi ino panoqo khe nani.

JEREMIYA 4:16

Panonguno ashiayehqo kutughu nike ighi ani eno Jerusalem vilo aghumiye ayeghi putouno cheni kepi piniyeke. Aghumi hipaqono Juda lo aphughiqo shou igha ikughi nani

JEREMIYA 4:6

Zion kudau ala kichepiyelo! xulu kepushi polo! munu kevilo! AMPEU no ahuu kudauno alhoksapu eno kutsakungo keu kije lakhi sughi ani.

JEREMIYA 46:14

“Ijip lo taunqo lo hipau pesu asheshulo, Migdol ngo Memfi ngo Taxpanhes lo: ‘Nolikhi noshokhalu kepushi kutolulo; nonguno aghikeu kumtsu aghukishi lono kutsaleve nani.

JEREMIYA 50:46

Kughou Babilon ikiqini keno asutsa ihulokeu shikeuno ayeghi kumtsu sukughutha nani eno ashiayeh kutamino qheghuive kepu sutsa chilu nani.”

JEREMIYA 51:12

Babilon putupuakeu lepenike amichi kihipiyelo. Aghukhemi iqhi kithelo! Alakhemi qhiwolo! Timiqo pesu kughutshupe qhilo!” AMPEU no pano Babilon lo akemi lau kiu shinikeu shi pipua keno shitsu anike.

JEREMIYA 51:27

“Lenike amchipu kihipiyelo! Ashiayehqo no chilupe kepushi afuko kuighalo! Babilon sasu aghu shipe nike ghenguno ashiayehqo kutolulo! Ararat, Mini eno Ashkenaz kukaqha pelo lewupe nike pilo. Lewunikeu saphe kepushi kijemi lakhi kishepe sulo. Tulhaqu loji toi khurshiqo sakughilo.

JEREMIYA 51:31

Aghinikishimi lakhino lakhi papesu Babilon kukau vilo pa phughiye aqha kumtsu lono kubole iloghivekeu pinike posu wuke.

JEREMIYA 51:44

Ino Babilon lhou Bel ghimeqhi nani eno tipau pelo pano pukalu puakeu nhemghaqo phevepe nani; ashiayehqoye tipau mlla kithemove nani. “Babilon putupuakeu ikiqivae.

JEREMIYA 51:47

Ike ino Babilon su-atu julho kutotsu kepu ghuloki wocheni. Ayeghi kumtsu kujo kepu shivepe nani eno tipaulo timi akeqo kumtsu pithikhave nani.

JEREMIYA 51:52

Tishiaye, ino Babilon su-atu julho kutotsu kepu ghuloki wocheni kepi ino piani eno aghakhuqha kumtsulo aghuza kupumino sukeuno igha nani.

JEREMIYA 51:8

Babilon ye zuleno iluqivae eno kutsalevae! Tipau shou mlo qalo! Tipau ghuzakuqo ghenguno kusughu luwulo ishiake tiye viveluvi ke.

JEREMIYA 52:31

Ewilmerodak no Babilon lo akukau shike mipelo, pano akukau Jehoiachin shou kimiyeqhiyi keu piyeke, tiye akughu shiakeu lono pa khaqhipheveke. Hiye Jehoiachin akughumi shi sawuvekeu mipe shighi akutsuniu aqhi chighi akiniulo atsala muku apunguu shi ake lonoke.

JEREMIYA 6:18

Ikehu AMPEU no pike, “Inilo, nongu ashiayehqo, iwu timiqo lau kiu shini cheni keno tipau ithilo.

DANIEL 1:2

AMPEU no pa pelo Akukau Jehoiakim kughaluvepe eno achinekilo akeu kuakini hami suxaluvepe. Pano idewo ke ghulokilo pa gholo akughumi ghi sasu Babilon lo pano lhou chinekilo wu eno suxakulu nhemugha kumqope pano chineki kokutha bolo ghakutsu pe qhive.

DANIEL 3:14

Pano Shadrak, Meshak eno Abednego pano kuthu vilo hitoi pi, “Nonguye ilhou mlla move pikeu chilu anike eno shunano shikeu julho zulo pishiqhope mllamove pikeu hu kuchou kesha?

ZEFANIA 2:11

AMPEU no panoqo shikumsa nani. Pano ayeghi hipaulo alhou kepi chekeqo kumu kuhakeu shivepe nani eno tithiuno pututa shiayeh pututa yeghi lono pa mlla nani.

Piyeküsü 18:2

Pano asutsa kuloghi lakhi lono ighamuku pi, “Ikiqivae! Babilon akijeu huye ikiqivae! Hiye aghahwu eno tughakusano mithekumo jelino tile acheuvae.