JEREMIYA 50:15 - BAIBEL (BSI)

¹⁵ Aphughi sukumxa qha kumtsulo aghule kulo! Itehiye Babilon ye qhoi phesuvae. Tipau putukha puakeuye vesu ilovae eno ipole iqivae. Niye Babilonmi shou imukhu luanike. Tighenguno panoqo shou nongu mukhu lulo eno panonguno kutami peitha puakeu toi panoqo peithalo.

Sumi Naga CL (Re-edited) Bible (BSI)

¹⁵ Li sümxape aghüle kulo; Babylon ye qhoi liqhivae; li qoghekiqo ye ikiqivae; liw aliwoqo ye hepholevae. Kughengu hi ye AMPEUw amkhükulue: li shou amkhü lulo, li no shike toi li peitha lo.

JEREMIYA 50:15 ပူးပေါင်းရင်းမြစ်များ

YEKIKITHI ATUGHIU 29:24

Kijemi eno ghushimi kumtsu eno David nuli kutami kumtsuno Solomon pelo agigihu kukau shipenipi puloluve.

YEKIKITHI AKINIU 30:8

Panoqo toi nonguye kuthovi akevilo ikemu AMPEU gholulo. Jerusalem lo Achineki khipau AMPEU nongu Lhou no alhokupuju ghenguno akimthe shive tsu keno tilehi ighilo eno pa mllalo tishianguno paye nongu lau aloghu ide kithe pemo nike.

LESHELE 149:7

ashiayehqo lelunike eno timiqo qhime qhi nikehu;

LESHELE 94:1

O AMPEU, noye aghime tsu chekeu Lhou lakhie;

ISAIAH 59:17

Pano aghunanu phimini pepu akeshi kuchou xakutha pepu eno tokulu pesu ayikutsuqho toi pepu nani. Thime achipishi apenike eno timi akumou lono aghime shichekeu amkhu lutsuni eno shikighime nike pano muqhumuzaike.

ISAIAH 59:18

Pa ghumiqo, ayeghi putou aghikeqo namu panonguno mla puaghikeu qhemi pano aghime tsu nani.

ISAIAH 61:2

AMPEU no ipuwuke eno pano pawu timi xalunikeu eno pano ghumiqo haleve tsunikeu ghuloki ighivekeu asheshu peniyeke. Pano ipuwuke eno muloqa akemi kumtsu lokughunotsu,

ISAIAH 63:4

Iwu timiqo xalukepu ghuloki shive akepi ino kughathaluve; itehiye panoqo ghumi ghimeqhi kepu ghuloki shivae.

JEREMIYA 46:10

Hiye Alhou Aqokitikhi MPEU tsalake: ishiye pano amkhulu nani; ishiye pano pa ghumiqo ghimeqhini. Pawu azutakihino ilokhakhai moke kutolo pano aghaqivemoke kutolo panoqo ji tsuyeni. Ishiye Aqokitikhi MPEU no ahuu kudau, Eufrati phivilo pano tsuqhive kemiqo heqhileni cheni.

JEREMIYA 50:14

“Asuzu kipemiqo, Babilon sasu aghushikepu shi ajo shiluvelo eno tipau suhuluvelo. Nongu piji kumtsu pesu Babilon shou kapukulo, kughengu tipauno ni, AMPEU shou axine shiveke.

JEREMIYA 50:25

Niye ighunanu khile pekutsu cheni keno tipa-a qhaqhivae eno iloghu lono tipau khalau pe-ipeghivae, kughengu ni, Alhou Aqokitikhi MPEU ye Babilon yeghilo akumla shikepu shivae.

JEREMIYA 50:44

“Abongushu no Jordan kumxalo aghasu lono atsuni mini akeu yeghi kudau ipeche ketoi nani, AMPEU no ighi nani eno Babilonmi pelo pano phughi lono zuleno povepe nani. Tileno ino kishelukeu sakipheuno tipa shiayeh shou ayehpe nani. Khuuno isasu kimighilu nani kya? Khuuno ighumono ikhulu nani kya? Ayehkipemi khuuno imujolu nani kya?

JEREMIYA 51:11

AMPEU no Babilon kutsanike kumsupu pesu anike ghenguno pano Media lo kukamiqo xukuthovetsuke. Titoi shikeu lono pa chineki kutsalevekeu mukhu pano lu nani. Leighi akemi kijemiqono ishi ahza tsuke, “Nongu piji xukumtsuvelo! Nongu zuto kutope peluvelo!

JEREMIYA 51:14

Aqokitikhi MPEU no pa likhi pa kuxu jeku ashoqhi shiveake pano timi kutomo tulhaqu tawucheke toikeu Babilon le nike saighi nani eno tipaqono toluvekeu shi asheshu nani.

JEREMIYA 51:24

AMPEU no pi, “Babilon ngo tipaulo akemiqono Jerusalem lau alhoksa khijehi shikeno tipaqo ghenguno ino lochiletsu nanike nonguye ithulu nani.

JEREMIYA 51:25

Babilon noye naghuto lakhino ayeghiqha kumtsu kutsaleve keu toike, ikemu ni, AMPEU ye oghumike. Ino otsuquluve nani, ayeghi lo osunhe kuluqhive nani eno ayevulo oqhive nani.

JEREMIYA 51:30

Babilonmi ghushimiqoye aghushimono pa liwo kuputulo ngo ani. Panonguye pano mlo kuloghi hauvae eno totimi toivae. Aphughi hukikhaye kubolevae eno akiqolo ami ipeghivae.

JEREMIYA 51:36

Ikehu AMPEU no Jerusalem lo akemi vilo pike, “Ino nongu ghenguno kughakepu peluvetsuni eno noghumino nongu shou kiu shikeno tipau ghenguno lochilepe nani. Ino Babilon no azu luchekeu qhaivepe eno tipau ghokiqo qhaivepe nani.

JEREMIYA 51:44

Ino Babilon lhou Bel ghimeqhi nani eno tipau pelo pano pukalu puakeu nhemghaqo phevepe nani; ashiayehqoye tipau mlla kithemove nani. “Babilon putupuakeu ikiqivae.

JEREMIYA 51:58

Babilon akughushuu putupuakeuye ayeghilo xaleqhive nani, eno tipau khagho qhemghai akeqoye pitileqhive nani. Ashiayehqono mlachekeu huye kumtsu adou shive nani; panoqono pukaputsa mlapuakeu huye amikite ilhouve nani. Ni, Aqokitikhi MPEU no piveake.”

JEREMIYA 51:6

Babilon lono polukhavelo! Nongu kuxu ghenguno polulo! Babilon xine ghenguno nongu pithive apekevilo. Niye itehino imukhu luanike eno tipauno ithulu kuzupu shi akeu pesu ghimeqhi anike.

JEREMIYA 51:64

eno pilo, ‘Babilon shou hikithipu shi nanike, hiye hailove nani eno khilemu idethughimo nanike, kughengu AMPEU no hipau shou kutsakungokeu sughini cheni.’ ” Jeremiya tsa hileno kishekha.

AKUMLO 5:6

Akuxu puxu aniaye achuqupu lukumkha lunike ninguno Ijip lo ngo Asiriya lo khuchhuwuke.

EZEKEL 17:18

Paye pa shoqhi ngo visho pano shipuakeu kuboleve. Pano hipaqo thime kumtsu shiveake eno itehi paye povemla nanike.”

EZEKEL 21:22

Ikelo! Pau ajeuno ‘Jerusalem’ ipi amchi shikeu piji tsuqulue. Tipauno pa vilo kichetsu keuno wuno shoxu ilokepu ghasubo kiti suwoqhi, aghukishi lo ighamuku shoxu ilokepu ghasubo aliwo-khadulo qhi, ayeghi pewo atoghi kughulho eno aqoh chhuwonikeu pitsuke.

NAHUM 1:2

AMPEU ye aghichikupo Lhou ke; pano pa mujochile kemiqo ghime cheni. Pa loghu kighide lono pano tsuchile cheni.

MATTHEW 7:2

Kughengu nonguno kutami shou kughathabe keu pesu Alhou no nongu shou kughathabe nani, nonguno kutami shou kiu qhemi mighibeni keno Alhou no tipa qhemi nongu shou mighibe nani.

Luke 21:22

Kughengu hiye amukhukulu tsala, kucho yesulo pi puakeu kumtsu kupuni kehu ke.

Rommi 12:19

Ino kimiyechekeqo, khilemu olikhi omukhu lukevilo, ikemu tiye Alhou loghulo pichevetsulo. Kughengu kuchoyesulo ishi yepuani: “Ino amukhulu nani, ino lochile nani, ipi Ampeu no pie.”

Rommi 3:5

Ikemu ninguno akumou shikeu lono Alhou ye achipiu lono shichekeu ke ipi ipeghi piyelu aye, tile ninguye kiu pikepu ani kya? Alhou no ningu ghime aye, paye achipilo kumoe pilu nani kesha? (Niye hipau lo timiqono pichekeu toi piauvae.)

ZAKINIU 32:35

AMPEU no amkhulu nani eno pano ghime nani; ikiqiveni keu do ighi nani; panoqo puhaveni keu tsala kupunuvae.

ZAKINIU 32:41

Niye ighushi zuta mlapui keu chighini cheni eno kuchou xakutha shikeu jutsu nani. Ino ighumiqo shou amkhu luni eno imithi chekemiqo ghimeqhi nani.

ZAKINIU 32:43

“Ashiayeh kutamiqo, nongu AMPEU wu timiqo sheqhe masae; Pano pithipuaghi kemi pano ghimeqhi nani. Pano aghumi shou amkhu lucheni eno pawu timiqo xine peivetsu cheni.”

2 Thes. 1:8

Ami kuyiqu pesu Alhou mthakemi ngo niMpeu Jisu tsakiviu gholumokemi shou aghime tsu nani.

James 2:13

Kughengu khunono timi kipimi pevetsumo nikeno Alhou no kughathakelo pa kipimi pevetsumo nani; tishimu akipimi qhivetsukeuno kughathabe keu shou tolu cheni.

JOSHUA 6:20

Achinemi qono afuko igha. Timi qono ti chilu kemtsa iqha ighu eno aliwo ye ilaqi ve. Tishino ghushimino vejoi ala chesu ato phughilo ighino tipau khasuno leluve.

JOSHUA 6:5

Tithiu panongu no ashekhalo atuthu kushuwo lakhi fuchho igha nani eno nonguno ti chiluke mtsa kumtsuno ighono igha ighuni eno ti aphughi liwo huno ilaqive nani tishi aye ghushimi kumtsuno vejoi aphughilo ilove nani.”

Piyeküsü 16:6

Panonguno Alhou wu timiqo ji eno tungkupmi ji pelecheke, ikehu nono panoqo pelo ahji yepeniye tsu anike. Panonguno ithulu kuzupu shiakeu panonguno ithulu anie!”

Piyeküsü 18:6

Lino nongu peithake qhemi li peithalo, Lino shivekeu qhemi ghuthu kini li lochilelo. Lino nongu pelo shopeniye kutope qhi kehu toi, Li jukhulo ghuthu kini kutolo mukamughayi yekepu lesutulo.

Piyeküsü 19:2

Pawu kughakuthaye kuchou eno achipike. Kughengu pano ngosukumla ashupuu shou aghime tsuke, lino li salha pesu ayeghi shipusa cheke. Alhou no li shou aghime tsukeuye lino pa qemiqo pithive kehue.”

SAMUEL ATUGHIU 15:33

Samuel no pi, “Ozutano aza kutomo anga kuhavepe ketoi, itehiye ozauno anga kuhakeu shive peniae.” Tishi pino Samuel no Gilgal lo akumlla khache a lono Agag miche peve.