JEREMIYA 5:9 - BAIBEL (BSI)

⁹ Hikithipu ghenguno niye panoqo ghimeqhimoni kesha? eno ashiayeh hikithipu shou amukhu lumoni kesha?

Sumi Naga CL (Re-edited) Bible (BSI)

⁹ Hipaqo ghenguno Ni ye panongu ghime moni keshea? ipi Ampeu no asheshu; eno Ni ye shiye hitoi keu shou I mkhü lumoni keshea?

JEREMIYA 5:9 ပူးပေါင်းရင်းမြစ်များ

AHOLE 6:29

Tihutoi timi kutami nipu sasu zukeu ghi akuighupuke. Khunono tipau shini keno aghime shi nani.

ISAIAH 1:24

Ike itehiye Akughushu AMPEU, Israil Lhou akuka kumtouno kiu piani keno tsaqui inilo: “Ino nongu ighumiqo shou amkhu luni eno hinguno hilauye nonguye ipunaqhimo nani.

ISAIAH 57:6

Nonguno tipau lono atumlo muduniyikeu ikhipewo alhouqo kepi mlla chenike. Tipaqo kumtsu shikeulo niye aloqi cheni kughashi nonguye kumsu ani kesha?

JEREMIYA 23:2

Hiye AMPEU, Israil Lhou no pawu timiqo tuchomujo kepushi puachekemi ayehkipemi ghili pitsukeuke: “Nonguye iwu timiqo tuchomujo chemoe; nonguno panoqo haleve eno hapupoveke. Itehiye, nonguno alhoksa mlakeu ghenguno ino nongu ghimeqhi nani.

JEREMIYA 32:31

Hipau phughi shiluveke tsala lono hile akemiqono ipelo aloghu ide ipelo muqhumuza achenipeke. Niye hipau kutsaveni keu shi xathavae.

JEREMIYA 44:22

Ishi tsalalo ghi noyeghiye ixapinyi ani eno khuu nomu tipaulo achemoke. Tiye timino juighukeu-a shi ani eno timino musuini keulo tipau je peitha anike, kughengu AMPEU ye nongu kixikila lhoksa pepimhe ache keu xapuqhe khamlaveke.

JEREMIYA 5:10

Iwu timiqo tsayilu kutsavetsu penike ino aghumi puwu nani, ikemu tipaqo qhoyi kutsavepe monani. Alokaqo likhi xidive penike ino panoqo vilo pinani, kughengu aloka tipaqoye iwu kumoke.

JEREMIYA 5:29

“Ikemu hikithipu thime ghenguno ni, AMPEU no panoqo ghimeqhi nani; hipa shiayeh shou ino amukhu lunanike.

JEREMIYA 6:11

AMPEU, panoqo shou ologhu akeu huye ilolo ghi pitipuzaqhi ani eno niye tipau suchile pesu ngo nikeu ngosumlavae.” Tileno AMPEU no ivilo pi, “Iloghu pesu alaghilalo ititunu akeqo shou eno lhothemi kumqo akeqo shou lepukulo. Akimiqo eno anipunoqoye kughasawuve nani eno kutamiqo ghi phemo nani.

JEREMIYA 6:6

Aqokitikhi MPEU no kukami hipaqo vilo Jerusalem sasu aghu pughu nike ghenguno asuboqo yeqhi puzu aqo-ghe puku penike ahza tsuke. Pano ishi pi, “Ino hipau phughi ghimeqhi nike kughengu hipaulo timi qodaqhi keu chhitoi anike.

JEREMIYA 9:8

Panoqo miliye tughu akeu piji toike; panonguye pulhapuju miki cheni. Kumtsuno pututa kusami vilo shompami toi putsakile cheni, ikemu kuchou loye pa ghenguno alichhe shipe qhianike.

JEREMIYA 9:9

Hipaqo thime ghenguno niye panoqo ghimeqhimoni kesha? Hitoikeu shiayeh shou niye amkhu lumoni kesha? Ni, AMPEU no piqhiveake.”

AKUMLO 3:42

“Ninguno axine shive eno hebideve kehu noye nikipimi pevetsumphie.

AKUMLO 4:22

O Zionmiqo, nongu xine ghenguno ghime keuye tava, paye hinguno alauye nongu halepuwumoae. Ikemu Edommiqo, noxine ghenguno ghime nani; eno no xineqo lhephetsu nani.

EZEKEL 7:9

Niye nongu phepupoveni chemoe momu kiumu nongu kimiyeni chemoe. Nonguno kuchhube keu jeli mlapuakeu ghenguno ino nongu ghimeqhini cheni, tishi anguno niye AMPEU ke eno ino nongu ghimeqhi ani kepi nonguno ithi nani.”

HOSIYA 2:13

Lino Baal lau axokutsungu pitikumnani ye ikumsumave keu do ghenguno eno li lojipumi hasusu wuniaye achiku achipu pepukeu ghenguno ino li ghimeqhi nani. AMPEU no pike.

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

ACHINE 18:25

Panoqo kumla kughuthano aghakhu mithemoveke ikehu AMPEU ye aghakhu ghimeqhi ani eno tipau pelo tile kughuna chekeqo tuhapheve anike.

ACHINE 26:25

Ningu puloshoqhi shikeu hexavekeu ghenguno nongu ghimeqhinike ino nongu shou aghukishi sughi nani eno susholunike nophughilo nonguno kumqo aye, shipivi mlakeu kusukini ino nongu gholo puwu nani eno nonguye aghumi lau qhoi phesuve masa putsakeu shivepe nani.

NAHUM 1:2

AMPEU ye aghichikupo Lhou ke; pano pa mujochile kemiqo ghime cheni. Pa loghu kighide lono pano tsuchile cheni.

ZAKINIU 32:35

AMPEU no amkhulu nani eno pano ghime nani; ikiqiveni keu do ighi nani; panoqo puhaveni keu tsala kupunuvae.

ZAKINIU 32:43

“Ashiayeh kutamiqo, nongu AMPEU wu timiqo sheqhe masae; Pano pithipuaghi kemi pano ghimeqhi nani. Pano aghumi shou amkhu lucheni eno pawu timiqo xine peivetsu cheni.”