JEREMIYA 5:7 - BAIBEL (BSI)

⁷ AMPEU no ishi iniju, “Niye kushiye iwu timiqo xine qhivetsu kepua? Panonguno iqhiveno cheve eno kuchou kumo lhouqo mlla chenike. Iwu timiqono aghaqimoke kutolo ino panoqo lojike ikemu panonguno salhashupuke, eno kutu-qhalimi sasu ado kumtsu puwo achenike.

Sumi Naga CL (Re-edited) Bible (BSI)

⁷ “Ni ye kishino panongu kipimi qhitsüni kea? No tianuliqo no I kümsümavae eno alhou kumo keqo jeku ashoqhi shivae. I no pano ghakiqipu shi loji kelo panongu no shupu-salha eno küsalhami kilo kumqope ngoe.

JEREMIYA 5:7 ပူးပေါင်းရင်းမြစ်များ

YEKIKITHI AKINIU 13:9

Nonguno AMPEU wu achinemi, Aron laghami hapupove ke eno Levimi nonguno hapupove ke. Tipanoqo alo nonguno ashiayeh kutamiqono shicheke paphi lono achinemi susupe qhike. Timi khuu khuu namu amshitsu lakhi momu bheri tsuni saighi aye no lhou ipiche keqo chinemi lakhi shinike shikimtheluve chenike.

JOB 31:12

Kughengu tiye kutsakungo keu ami kughuqu ake, eno ixabo kumtsu nhuvetsuni ake.

LESHELE 50:18

Nonguno kupkami khije ithuluni keno tipaqo sasu shou-pau shiwuveke; eno nonguno kusalhami sasu kuloji wuveke.

JEREMIYA 12:16

Tipathiu panonguno amlo kuchopu pesu iwu timiqo chineyeh ikhilu eno panoqono, ‘AMPEU no xuanike’ ipi tushoqhi aye, puzuu panonguno Baal jeku ghi tushoqhi keu iwu timi shika che kemu tithiuno panongu ghi iwu timi muqo shilu anguno kinikulu shi nanike.

JEREMIYA 13:27

Nonguye pano jumithiche keu thime shi aghikeu pano ithuluvae. Nonguno timi lakhino pa kusami nipu juminekeu momu khurshitsuno aqu pape keshi naghutoqolo inapughami lhouqo lau wukeu eno aluzalo wukeu pano nongu ithuluvae. Jerusalem lo akemiqo, nongu hakusapu shivae! Nonguye kughono muqhamiqhiyi nani kya?

JEREMIYA 16:11

Tileno panoqo vilo AMPEU no ishi pike pilo, nongu puasuqono ilauno tsughusu wuve eno kutau lhouqo qe eno mllauveke. Panonguno iqhive eno ino kutsupiyekeqo hebideveke.

JEREMIYA 16:20

Timi lakhi ye pa lhouqo mlalu nani kesha? Moe, pano tipau mlalu namu tipaqoye alhouqo kuchou kumoe.”

JEREMIYA 2:11

Khuno shiayeh mu pano lhouqo kusukidi puamoe, alhou hipaqoye kuchou kumo ke. Ikemu iwu timiqoye ipesu kusukidivae, panoqo lau agigihu sughikeu Lhou pesu panoqo ghenguno kiumu shimlakeu lhouqo kilivae.

JEREMIYA 2:31

Israil lo akemiqo, ino kiu piani keno inijulo. Nongu lau niye asayeqha lakhi toive, momu zumoi akumsapu yeghi lakhi toive kesha? Tishiaye nonguye kushiye nongu pulou shinikeu pi kya? Nonguye khilemu ilau ideighimopi pikya?

JEREMIYA 23:10

Aghakhuye AMPEU lau amikuchoshi xuchemo kemino chhitoivae; Panonguno akuxu lhoksa shi xuacheni eno pano kuka pepusa acheni. AMPEU no musuinikeu ghenguno ayeghiye mloqa ani, eno asutsaniye ighuiveake.

JEREMIYA 3:19

AMPEU no pi, “Israil, niye opesu inu shipenishike eno ayeghi kivi otsunishi ani, ayeghiqhalo ayeghi jukiviuke. Niye opelo apuh kepi iku penishike eno ilauno khilemu tsughusu wuve penishimoke.

JEREMIYA 3:8

Ino Israil kughuxave keu eno li puwuve keu Juda ghi ithuluvae, kughengu lino ilauno tsughusu wuve puzu kusalhami shiuveke. Ikemu Israil tsunipu amikucho kumou Juda ye musamoe, li ghi kusalhami lakhi shive

JEREMIYA 7:9

Nonguno puka, ghiqhi, salhashupu, tushoqhi kelo akimki tsa pi, Baal lau lhoxu heqhipe mllake eno nonguno puzuu mthakeu lhouqo mllake.

JEREMIYA 9:1

Ikutsuye azukikhe lo akeu zu shi aghi keaye, eno inhethiye anhezu puki keaye, putho pucho iwu timi ghiqhivekeqo ghenguno igha qa ani cheke.

JEREMIYA 9:2

Asayeqhalo ngokulupu-a ino aghi keaye, iwu timiqo launo poveno tilau wuveni cheke. Panongu kumtsu pichebekum-lamike, muquqhi chekemi muqoke.

AKUMLO 3:42

“Ninguno axine shive eno hebideve kehu noye nikipimi pevetsumphie.

EZEKEL 22:11

Khamiye kutuqha salha cheni eno khamiye pano mukishiu momu pano chelimi zusawo shipsa cheni.

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

HOSIYA 13:6

Ikemu nonguno ayeghi kivilo iloghilu kelauye nonguye nibomilei eno aghaqiluke eno tishi puzu qhezawuveno ikumsumaveke.

HOSIYA 4:2

Panonguno tushoqhi cheni eno tipaqo kubove cheni; panonguno miki, ghiqhi, puka eno salha cheni. Heqhi buqhi keuno alaushi ani eno ghiqhi heqhikeuno ghiqhi-heqhi pape auvae.

HOSIYA 7:4

Timiqoye kumtsu ghano kimthikile eno akushu akumqhoke. Panonguno kimthikile keuye amiphokilo ami kuchughei puzu ashokishiuno asho kunulumoke kutolo chixe kuthomono akeu toike.

ACHINE 20:10

Timi lakhino akusami Israilmi lakhi nipu sazuvetsu aye, pa ghi eno atotiu ghi kinikujo pithivelo.

AMUS 8:14

Khunoqono Samaria lo asu atu julho akeu jelono tushoqhi kelo ishi picheni keno, ‘Dan lo alhou akeu je lono’ momu ‘Bersheba lo alhou akeu je lono,’ timi tipaqoye ikiqive nani eno idethughimove nani.”

ZEFANIA 1:5

Khuno aki kutsuqalo ikupuzu aqhi, tsukinhe eno ayepu mlla nikeno ino kutsaleve nani. Khunoqono imlla cheni eno igholu akeu shoqhi shicheni ikemu tishi puzu Milkom lhou jelono ashoqhi shicheni keno ino tipaqo kutsaleve nani.

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

1 Kor. 6:9

Amikucho kumomiye Alhou Yehkipe mheghi ighilumo nani kepi nonguye mtha kesha? Nongu likhi nongu shikughuzu akevilo: kipti toti dolo mithemokemi na, Alhou nguno ajulho kutau mllakemi na, kusalhami na, kipti toti michimono xuwuvekemi na,

1 Kor. 8:4

Tishiaye, Alhou nguno ajulho kutau mllavekeu chuqupu chukeu ninguno ithi akeuno Alhou nguno ajulho kutau shipe qhikeqo hu kuchouno achenike kumoke, Alhou ye lakhi likhi kethono kutau kuhae.

Galatiami 4:8

Kughou nonguno Alhou mthano achekeno, kichile lhouqo qu-axemi shi acheke.

ZAKINIU 32:15

‘AMPEU wu timiqoye kinikulu shiuve ikemu hebideuve; Panonguye chhibochhilei eno achuqupuno shepichhi cheuve. Panonguno Alhou panoqo pulhokusuu qhiveno akughushu shi pano xakuluu peive.

ZAKINIU 32:21

Pano julho pesu panonguno iloghu kighide, pano wu alhouqo ipikeu lau anheshu, alhou ipi kemu kuchouno alhou kumoe. Tighenguno ashiayeh ipi chekemi ino peithano pano loghu kighideve tsu nani; Kughuzumi shiayeh qo shou ino panongu pelo anheshuvepe nani.

IBRIMI 13:4

Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.

James 4:4

Pukhukilemla keu lhoxuqo! ayeghi sasu ashou shichekemiye Alhou ghumikepi nonguye mtha kesha? Tighenguno khunono ayeghi sasu ashou shinishi keno paye pa pesu Alhou ghumi shianie.

JOSHUA 23:7

tishino nongu gholo timi qhivekeqo gholo kutshu kevilo momu tushoqhi kelo panongu jeku kevilo momu tipau lhouqo mlla kevilo momu panongu zulo pishiqho kevilo.