JEREMIYA 5:5 - BAIBEL (BSI)

⁵ Ino kijemiqo lau wuni eno panoqo putsani; mutsuqheyino panonguye Alhou no panoqo launo kiu khu ani keno ithi aghi nani, AMPEU no panoqo pelo shipeni shikeu ithi aghi nanike.” Ikemu panoqo kumtsuno AMPEU kuka peveke eno pa gholuni keu mopike.

Sumi Naga CL (Re-edited) Bible (BSI)

⁵ I no kijemiqo lau wuni eno panongu vilo pini, kughengu panongu ye pano Lhou Ampeu laghi ithi ani.” Ikemu kümtsü no aphiphishi kuokhasü hephove; eno akütsüghaqo kuqhove ke.

JEREMIYA 5:5 ပူးပေါင်းရင်းမြစ်များ

YEKIKITHI AKINIU 36:14

Tipa shouno, Juda lo sakiphemi, achinemi eno timiqoye panoqo sukumxalo ashiayeh akeqo xine kuxu pape ghi asu-atu julho mllauve eno AMPEU ampi no akimthe shive tsukeu Achine ki panonguno shipixive tsu.

IPEKULU 32:25

Muse no ithulu keuno Aron no timiqo kighileve aghi eno panoqo ghumi gizulo akukujopu shive peke.

ISAIAH 1:23

Nongu sakiphemiye hekibidemi eno kupukami poshuu shivae; panonguye pulhapuju tughotili eno kulugho luacheni. Panonguye kughakutha-alo khilemu mighimghaqo sushotsu chemoe momu chimemino xathatsu peniye atsa sughikelo initsu chemoe.

JEREMIYA 2:20

Akughushu AMPEU no pi, “Israil, puzuu nomu noye ikuka gha hebideke; Nono imlla nikeu eno igholu nikeu lo mopike. Naghuto qhemghai keu kumtsu eno asu minipho qholo nono lhoipeghi penikeu lhouqo mllake.

JEREMIYA 2:31

Israil lo akemiqo, ino kiu piani keno inijulo. Nongu lau niye asayeqha lakhi toive, momu zumoi akumsapu yeghi lakhi toive kesha? Tishiaye nonguye kushiye nongu pulou shinikeu pi kya? Nonguye khilemu ilau ideighimopi pikya?

JEREMIYA 30:14

Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.

JEREMIYA 6:13

Kijemi kitilami kumtsu amikucho kumo lono alla kighishe cheni aghukha shi acheni ke; tungkupumi ngo achinemi thotsu timi pishiqhi cheni.

JEREMIYA 8:7

Azughau thotsu kughono ideighi kepu do ghuloki keno ithi cheni; miqhedu, akhalu eno azuhas qoghi kughono puthewo kepu do ghuloki keno ithi cheni. Ikemu iwu timiqo, nonguye ino kiu yeh lono nongu shou ayehpe cheni keno mthake.

JEREMIYA 9:3

Panonguye pulhapuju mikinike panoqo mili asuzu toi kutope acheni; Amikuchokumono kuchou zuqhu shi aghakhulo akumtoshi thuwu ani. AMPEU no pi, “Iwu timiqono alhoksa lakhi lono alhoksa lakhi papewu acheni, eno niye panoqo Lhou kepi ni ikhilu chemoe.”

EZEKEL 11:2

Alhou no ivilo pi, “Thinikuau timio, timi hipaqono aphughi hipaulo alhoksa kupughu mla cheni eno alhoksa kukutsu tsuchenike.

AMUS 4:1

Hipau inijulo, nongu Samariami totimiqo, Bashan lo amshiqu ashi pubeyi keqo toi athapubei keqo, kumlhomi peitha pusa chekeqo, shiluksami qodaqhi chekeqo eno nongu kimiqo vilo aji xapuwo tsu alepi khuchekeqo!

AMUS 6:1

Khunoqono Zion lo akuchhoma shi xuakhani eno Samaria tokujolo ililayi akhani keno tipaqo ghenguno ahasapuke, nongu, Israil shiayeh kije hipaulo kijemiqo; timiqono nongu kukuphu phuighi chekemiqo!

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MALAKI 2:7

Achinemi kumlapu sajeye Alhou kighithi kuchou pesu timi shikapiye peniyeke. Timiqoye panoqo lau wuno ipulou shikalu kepue, kughengu panonguye Aqokitikhi MPEU ghinikishimiqoke.

Luke 18:24

Jisu no paye amlo sa akeu jupuzu pi, “Kinimi no Alhou yehkipe lo ilolu nike kiutoi kushokutsupu kela!

Luke 19:14

Ikemu pa ghakhumino pa mithi, ikehu panonguno pa thiuno aghinimi hapesu ishi piwupe, ‘Ninguye timi hipau pelo ni kukau shipenishi moe.’