JEREMIYA 5:17 - BAIBEL (BSI)

¹⁷ Panonguno nowu axa ipeghikeu eno nochuqupu tsakhavetsu nani; no tianuli kiptimi totimi jeli ghiqhivetsu nani. Panonguno nomishi loji eno bheri loji ghiqhile nani eno no-tsayibo ngo khughuthibo shipusave tsu nani. Nophughiqo aliwo putupuakeu nongu no pukhu achekeu hu panowu ghushimi lojino kutsaleve nani.

Sumi Naga CL (Re-edited) Bible (BSI)

¹⁷ Panongu no nongu chuqupu chukhave tsü nani; no pu-angaqo kütsave tsü nani; no mishi eno ane chuve tsü nani; no tsaibo eno mubuthi chukhave tsü nani; nongu no pükhübe chekeu aliwo kumto phughiqo azütakikihi no kütsave tsü nani.”

JEREMIYA 5:17 ပူးပေါင်းရင်းမြစ်များ

ISAIAH 62:8

AMPEU no mutsumisheikeu shoqhi lakhi shike, pa kukano tipau shiwoni cheni: “Hinguno hilauye no xalothiye noghumi chuqupu shimoake eno inaghamiye notsayiji shomoake.

ISAIAH 62:9

Ikemu nongu axa yisukemi ghile hukemino achuqupu chuluno AMPEU sheqhe nani. Nongu atsayilu chichekemi eno xoluchekemino ichineki kikhalalo atsayiji sho nani.”

JEREMIYA 1:15

kughengu ahuu ashiayeh akemi kumtsu ighipe nike ino ku anike. Tipaqo shou ka akemi qono Jerusalem khaghoqo ngo tipau puwu puakeu homxa pesu akuka lakhu qhiwo nani, eno Juda lo aphughi kutau akeqo loghi qhiwo nani.

JEREMIYA 25:37

Kughengu AMPEU no pa loghu kighide lono noshiayeh kutsaleve eno noghakhu iqunei achekeu huye ixapiniyi qhiveake.

JEREMIYA 4:26

Aghumaku-a yeghino asayeqha shive; tipaulo aphughiqoye shipusa hauve kughengu AMPEU no aloghu ide kehue.

JEREMIYA 4:7

Abongushuno pa kughutshua lono cheke toi, ashiayeh kukutsau lakhi chevae. Paye Juda kutsanike cheni. Juda lo aphughiqoye ixapiniyi qhive nani eno tipaqolo khumu kughuna move nani.

JEREMIYA 5:18

AMPEU no pi, “Tipa tsalaqo loghi niye iwu timiqo qhoyi kutsakhave mo nani.

JEREMIYA 50:17

AMPEU no pi, “Israil lo akemiye bheriqo abongushuno hakuqoqhi eno halevekeu toi keqoke. Atughushi, panonguye Asiriya kukauno leighike eno tipashelo Babilon kukau Nebukadnezar no panoqo saghi tsachhevetsuke.

JEREMIYA 50:7

Panoqo ju ithulu kemi kumtsuno panongu haleqhike. Panoqo ghumino pi, ‘Panonguno AMPEU shou axine shike ike ninguno panoqo shou kiu shikeno tiye achipikumo keu kumoe. Pano puasuqoye AMPEU pukhupe xucheke eno panongu ghi pa lau amikucho shi ache kepushi ake!’

JEREMIYA 8:13

“Timino pa thi-ghopua keu pekutsuke toi niye iwu timiqo pekutsu nishike; ikemu panonguye atsayibo athi pithimo keu toike; khughubo athi pithimokeu toike; anipa ghi thizumuyive. Tighenguno ino khalaumi pelono aghakhu luvepe nikeu pulovetsuake.”

JEREMIYA 8:16

Ni ghumiye Dan phughilo iloghivae; panoqo wu khurshi no khur khur shi igha keu ninguno chilu ani. Kughou panoqo-u khurshi ighi keno aluzaqha kumtsuno itha ani. Nighumino niyeghi eno tile aghikeu kumtsu eno niphughi ngo tile timi akeqo kumtsu kutsave nike ighi ani.”

AKUMLO 2:12

Muzuthi tughuthi kelauno panonguno azanoqo lau ighasu wuke; Panonguye izapu akeshi alaghilalo ikiqie, eno azano khape pulaghi pano kuxu sutha huve.

AKUMLO 2:2

Kimiyekeu kuha puzu AMPEU no Juda lo aphu akeqo kutsaveke, eno aghakhu sushope akeu liwoqo tuleqhive. Akukaqha ngo tipaulo ayehkipemiqo shou pano kujomza kepu sughive.

EZEKEL 36:4

Tighenguno ni, Akughushu MPEU no naghutoqo, atoghiqo, aghokitiqo eno akhilaqo vilo ixapiniyi qhivekeu-a vilo eno qhivekeu phughi khipaqo acheaxulo ashiayeh akeqono lepuwuve eno jukuchhubeve akeno tipaqo vilo kiu piani keno inilo.

HOSIYA 2:12

Lino alojipumi gho shikeu ghenguno panoqono li tsukeu tsayibo ngo khughuthibo ino kutsalevetsu nani. Ino li tsayilu ngo axathili pesu agha kughulhovetsu nani, tughashino tipaqo shipusave nani.

HOSIYA 8:14

“Israil lo akemiqoye akighiki shipuakhani ikemu panonguye panoqo Lhokeu kumsumavea. Juda lo akemiqono aliwo kuptu phughi shipe qhiani. Ikemu ino ami puwu puzu panoqo kighiki ngo panoqo phughiqo pitilekhave nani.”

JOYIL 2:3

Ami toi tipaqono asutsuni chuve. Tipaqo zulo ayeghiye Eden ghutu toike, ikemu tipaqo thiu juaye asayeqha toi thoqhaleike. Kiunomu tipaqo zulo pokaumlake.

ACHINE 26:16

ino nongu ghimeqhi nani. Ino nongu shou kutsakungo keu sughi nani; tiye shipivimla kepu kusukini ngo nongu nhethi kighichevetsu kepu ghakimki eno nongu kuxu tsuhauveni kepu sughi nani. Nonguno apiti qusu nani, ikemu nongu lau tiye kiumu akivi sughi tsumo nani kughengu noghumino nongu leluve nani eno nonguno kiu yisukeno chuve tsu nani.

ZEFANIA 3:6

AMPEU no pi, “Ino ashiayeh qhoi joleve; ino panoqo phughiqo kutsalevetsu eno panoqono putu muxakeu ngo aghukhu qogheqo ixapiniyi qhivetsuke. Aphughiqoye piyighive; alaghilaye kumsa shivetsu nani, timi lakhimu qhitsumo nani.

MALAKI 1:4

Edommi, Esao laghamino, “Niphughiqo kutsaleve ake ikemu ninguno tipaqo shikithe pukuni” ipi piaye, AMPEU no ishi pichile nani, “Panoqo pelo shikithe puku apelo, ino tipaqo itaghi xalevetsu nike. Timino panoqo vilo ‘Ayeghi lhoksakugha’ eno AMPEU no ‘hupaqo shou alhokupuju aloghu ide chekemiqoke ipi pi nani.’ ”

ZAKINIU 28:33

Inagha shiayeh lakhino nonguno akaveshi tuxatini mlaphe puthu pua keu kumtsu luvetsu nani ikemu nonguye kiumu ithumla ke likhi kumono tamono nongu qodaqhi eno akijikusa pushi peitha nani.