JEREMIYA 5:15 - BAIBEL (BSI)

¹⁵ Israil lo akemiqo, AMPEU ye nongu leve penike ashiayeh lakhi putosuuno saghini cheni. Hiye mughachhoi keu eno mulholo shiayeh lakhike, nonguno panoqo tsa ale mthakeu shiayeh lakhike.

Sumi Naga CL (Re-edited) Bible (BSI)

¹⁵ Julo, I no putou no shiye lakhi sasü o lenike ighini, O Israel kibo, ipi Ampeu no asheshu. Hi ye kutuukulu shiye; mulholo shiye, nongu ye shiye hipau tsa mtha momu pano no kiu pi keno nongu ye vethamla nani.

JEREMIYA 5:15 ပူးပေါင်းရင်းမြစ်များ

BOTHUBO 11:7

Ighilo, ningu aqhou iqino panongu tsa kubangu vetsuni nolo, tishianguno panongu lakhino lakhi tsapi ithi pemonie.”

LESHELE 81:5

Kughou pano Ijipmi yeghi leighi keno tileno hipau yezah Israilmi lau tsuke. Chimlano chekeu sutsa lakhino ishi pikeu ino chilu,

ISAIAH 28:11

Nonguno itsa initsumo aye inaghami pakutakeu tsa pichekemi Alhou no peitha puzu nongu putsa nani.

ISAIAH 29:3

Alhou no aphughi leighi nani tipau suholuve eno tipau khasuluve nani.

ISAIAH 29:6

Aqokitikhi MPEU no tsutsukusu pasapagha khumuyi keu eno ayeghi kughutha gholono oxaphelu nani. Pano miyitsu pasapagha eno ghuleqhikeu mi kuyiqu puwu nani.

ISAIAH 33:19

Nonguye inaghami pa likhi pa kijivilo ghi nonguno mthakeu tsa pichekemi ithulu kidemove nani.

ISAIAH 39:3

Tileno tungkupu Isaya no akukau Hezekiya lau wupuzu iniju, “Timi hipaqoye khilauno ighikemi eno panonguye ovilo kiu pikya?” Hezekiya no khochile, “Panonguye ala kushuwalo akeu Babilon ghakhu kudauno ighike.”

ISAIAH 5:26

AMPEU no ashiayeh putou akeu lakhi lau ku-kutughu keu michi tsu nani. Pano ayeghi shekha lono ighipe nike miji ku nani, eno panoqono paikhavino ighive nani!

ISAIAH 5:7

Israil ye Aqokitikhi shou AMPEU wu atsayiluke; Juda lo akemiqoye pano shosukeu tsayiboke. Panoqoye akivipu shipenike paye lajuake ikemu tipa zuqhulo pano nguye timi ghikiqhimi shive. Panoqoye achipiu shipe nike paye lajuake ikemu panoqono ghiqhi vekeqono amikucho xakutha khu ghi ighamukuke.

JEREMIYA 1:15

kughengu ahuu ashiayeh akemi kumtsu ighipe nike ino ku anike. Tipaqo shou ka akemi qono Jerusalem khaghoqo ngo tipau puwu puakeu homxa pesu akuka lakhu qhiwo nani, eno Juda lo aphughi kutau akeqo loghi qhiwo nani.

JEREMIYA 2:26

AMPEU no pi, “Kupkami lakhi kughaluve kelo shikukujo kehu toi nongu Israil lo akemi kumtsu shikukujo qhi nani, nowu kukami, kijemi, achinemi eno tungkupumi kumtsu shikukujo qhi nani.

JEREMIYA 25:9

‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 4:16

Panonguno ashiayehqo kutughu nike ighi ani eno Jerusalem vilo aghumiye ayeghi putouno cheni kepi piniyeke. Aghumi hipaqono Juda lo aphughiqo shou igha ikughi nani

JEREMIYA 5:11

Israil ngo Juda lo akemiqono ikughapesu qhoi atheshiveke. Ni, AMPEU no pike.”

JEREMIYA 6:22

AMPEU no pi, “Ahuu akeu ghakhu lono timiqo cheni; putou akeu shiayeh kije lakhino aghu shinike kuto kugho ani.

JEREMIYA 9:26

Timi tipaqoye Ijip, Juda, Edom, Amun nuliqo, Muab eno asayeqhalo khunoqono pano kutsusa ikhonhei tsave cheni keno tipaqo kumtsu. Hipaqo shiayeh lakhimu eno Israil lo akemi milakhimu iwu puloshoqhi pechemoke.”

EZEKEL 18:31

Nonguno alhoksa shiakeu kumtsu phevelo eno nonguye amlo kithe akukumsu kithe pululo. Israilmiqo, nonguye kushiye thiani kya?

DANIEL 1:4

Panonguye ajukivimi, alokutsumi, thaikemi, pikhavi lono ithivekemi eno aphiau kupukulai jukivimi shi aghimasa, akukau hiyam lo mlakuzupu shilupeni kehu. Ashpenaz no Babilonmi tsa panongu phipiye eno yepiye penikeu shia.

DANIEL 7:7

Ino juake dolono tughashi abidiu ipeghive. Tipau ighono akuka kua, akuighupu, akumsapu. Pahuqo ighono kije ayino shikeu huno lhoxu heqhi eno tipaqo nedaqhi. Tipauye tughashi kutauqo toimono akibo chighi puake.

AMUS 6:14

AMPEU, Aqokitikhi Lhou ampino pi, “O Israil lo akemiqo, ino inaghami ghushimi puwu puzu noghakhu qhasuluve penike puwuni cheni. Tipaqono ahuu Hamat Kakutha lono apeu Araba Khila kutolo nongu qhasuluve nani.”

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

1 Kor. 14:21

Ayezah kakulo ishi yepuani: “Kutami tsa kipimi vechewono eno inami tsauno ino timi hipaqo putsa nani. Tishikeghi iwu timiqoye itsa initsumo nani, ipi Ampeu no pike.”

ZAKINIU 28:33

Inagha shiayeh lakhino nonguno akaveshi tuxatini mlaphe puthu pua keu kumtsu luvetsu nani ikemu nonguye kiumu ithumla ke likhi kumono tamono nongu qodaqhi eno akijikusa pushi peitha nani.

ZAKINIU 28:49

Ayeghi shekichi kudauno AMPEU no ashiayeh lakhi nongu shou saighi nani, tipau shiayeh tsa nonguno mthake. Panonguno aluqu toi nongu shou kuptshupe ikughi nani.