JEREMIYA 5:12 - BAIBEL (BSI)

¹² AMPEU wu timiqono pa peve eno ishi pike. “Paye kiumu shimo nani; nishou kiumu shikusapu ghuloki ighimo nani; ninguye aghukishi momu puqumiye keu sholumo nanike.”

Sumi Naga CL (Re-edited) Bible (BSI)

¹² Panongu no Ampeu zülo akimki tsa ishi pi, ‘Pa ye kiumu shimo nani; kütsakungo keu ni shou ikughimo nani, azütakikihi momu püqümiye ithulumo nani.

JEREMIYA 5:12 ပူးပေါင်းရင်းမြစ်များ

YEKIKITHI AKINIU 36:16

Ikemu panonguno Alhou ghinikishimi thaigha ke, pa tsa kukuthave tsu eno pawu tungkupmi junuqhi ke. Tishive kehu ashekhalo AMPEU loghu pawu timiqo shou kije ikughive kehu tipau lono pokulupu shimlave.

LESHELE 10:6

Pa likhi pa vilo ishi picheni, “Niye khilemu ikiqimo nani; tiqhelino tiqheli kutolo niye shilu kusa sholumo nani.”

LESHELE 14:1

Kughuzumino pa mlolo ishi picheni, “Alhou kuhae.” Panongu kumtsu shikupusake eno kuchhube kepu kumla shi ani; milakhimu achipiu shikemi khumu kuhae.

AHOLE 30:9

Ino kutomo auve aye, niye no-avehupu shiamo kepi pilunosake.Ikemu ino kumlhomi shiveaye niye pukauve nosake eno opipusakeu sughilu nosake.

JEREMIYA 14:22

Ashiayehqo su-atu julho lakhinomu tsutsughu puwutsumla; atsutsu ghi pa kutoshino ghuqhi tsumla ke. O AMPEU, niLhou, niwu lajupu oshou acheni kughengu nono hipaqo thime shi acheni.

JEREMIYA 2:6

Panonguye Ijip lono ino xaphe saghi keghi panonguno niye khuu kela mthake; ino timi kughunamoke alo panoqo sapiye: asayeqha eno balu saye toghi yeghilo, qhayikeu eno akumsapu yeghilo, timi khuumu ngochemokeu alo eno khiu nomu kicheghuzu shichemokeu alo.

JEREMIYA 28:4

Ino Juda kukau Jehoiakim nu Jehoiachin ngo pa gholo Juda lo akemi khije Babilon lo halesawuve keno tipaqo ghi sachile saghi nani. Iye, ino Babilon kukau kuka kumto kubolevetsu nani. Ni, AMPEU no piqhiveake.”

JEREMIYA 4:10

Tileno ino pi, “Akughushu MPEU, nono Jerusalem lo akemiqo qhoi pishiqhivae! Nono pikeuno alakishi ananike pi ikemu azutakihi no panoqo ku-o diluvae.”

JEREMIYA 43:1

Ino timiqo vilo AMPEU panoqo Lhou no panoqo vilo pipenike ipuwukeu kumtsu pesu pitave.

JEREMIYA 5:31

tungkupumino akimki likhi thono kiumu pi moe; achinemino tungkupumino ahza tsukeu lono ayehpeke; eno iwu timiqono tipaulo kiumu mopikeu kuhae. Ikemu kughono tipaqo kumtsu kuhaveni keno panonguye kishi nani kya? “

JEREMIYA 6:14

Iwu timiqo ghuzakuqoye kuxushope akeu paphi lono panonguno mla itha cheni. Kumtsulo akivishimono akelo ghi panonguno, ‘Kumtsu vi ani’ ipi cheni.

EZEKEL 13:6

Panongu kungunhetsu ye kichileuke eno panonguno ashe azu shi pikeu tsaye akimkike. Panonguye itsa kepi picheni ikemu niye panongu puwumoke, ikeghi panonguye panoqo tsa kuchou shiaghi penishi acheni!

MICAH 2:11

“Timi hipaqoye tungkupmi khunoqono akimki ngo pishikiqhino chhitoi xapusu iqho iqi cheni keno tikithipu lunishi cheni. Tungkupuuno ishi picheni, ‘Ino tungkuptsa pitsu anike atsayiji eno akuptsu tsayi jino nongu ghengu qole qolei nani.’ ”

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

ZAKINIU 29:19

Mutsumishei shilo ike ishi tsalalo hile akemi lakhi nomu tsaqui piputovekeu tsa hipaqo chiluve keghi pa likhi pa ghoshi xu wuve aye pa ghenguno thwokha kumtsu akivipu shinani kepi kumsu kevilo. Tino nongu kumtsu akivimi eno alhoksami aphiphishi kutsave nanike.

1 John 5:10

Ikemu khuno Alhou Nu shou pulubeni keno pa mlolo hipau shepe acheni; ikemu khunono Alhou shou pulubemo nikeno pa pesu akimkiu shivetsu cheni, kughengu Alhou no pa Nu ghili pikeulo pulubemo kehue.

SAMUEL ATUGHIU 6:9

Tishipuzu khikudau wuveniala jukuto alo; tsala tipauno Bet Shemes kudau wuve aye Israil Lhou no alhoksa ghime hipau nongu lau tsupuwu ipi ithivelo. Ikemu tsala hipauno tikudau wumove aye Israil Lhou no pusa hipau ningu tsupuwu mono pakutoshino hishi sholu kepu shive kena ipi ithiniae.”