JEREMIYA 5:10 - BAIBEL (BSI)

¹⁰ Iwu timiqo tsayilu kutsavetsu penike ino aghumi puwu nani, ikemu tipaqo qhoyi kutsavepe monani. Alokaqo likhi xidive penike ino panoqo vilo pinani, kughengu aloka tipaqoye iwu kumoke.

Sumi Naga CL (Re-edited) Bible (BSI)

¹⁰ “Li tsaibo ajoshi akeu lo wuno kütsaleve lo, ikemu kishekhave tsü kevilo; li lokaqo kixive lo, kughengu panongu ye AMPEUw kumoe.

JEREMIYA 5:10 ပူးပေါင်းရင်းမြစ်များ

YEKIKITHI AKINIU 12:4

Pano Juda lo putukhasu puakeu phughiqo leluve eno Jerusalem kutolo ighive.

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

JEREMIYA 2:21

Kishekidelu keu tsayibo, alothi akiviu lono ipeghikeu lakhi toi ino oshosuke. Ikemu noye kiu shiuvea kela julo! noye tsuwuveno amekuhave keu tsayibo toivae.

JEREMIYA 25:9

‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 30:11

“Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsaleve nani, ikemu niye nongu kutsale vemo nani. Niye nongu ghimemono puwuvemo nani; ikemu ino nongu ghimeqhi keulo aghibiu lono shi nani.”

JEREMIYA 39:8

Tishive puzu, Babilonmino akukau kighikiqo ngo timino achekeu ki pitileqhive tsu eno Jerusalem putupuakeu tule qhivetsu.

JEREMIYA 4:27

(AMPEU no pikeuno ayeghiqha kumtsu asa itsumo keu shive nani, ikemu paye tipau qhoi shipusa khavemo nanike.)

JEREMIYA 46:28

Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsave nani, ikemu niye nongu kutsamo nani. Niye nongu ghimemono puwuvemo nani; ikemu ino nongu ghimekeulo niye aghibiu lono shi nani. Ni, AMPEU no piveake.”

JEREMIYA 5:11

Israil ngo Juda lo akemiqono ikughapesu qhoi atheshiveke. Ni, AMPEU no pike.”

JEREMIYA 5:18

AMPEU no pi, “Tipa tsalaqo loghi niye iwu timiqo qhoyi kutsakhave mo nani.

JEREMIYA 5:9

Hikithipu ghenguno niye panoqo ghimeqhimoni kesha? eno ashiayeh hikithipu shou amukhu lumoni kesha?

EZEKEL 12:16

Panoqo gholo khami likhino aghukishi, puqumiye keu eno kusukini lono ino ghupe qhitsu nani, tishi anguno panoqono mla itha chekeuye kiu toi kuchhube kutsula kela ashiayeh kutami gholo akelono panonguno kumsuchilelu nani eno niye AMPEU kepi ithikithe nani.

EZEKEL 14:17

“Momu ino aghukishi tipa ghakhu shou sughiluvi eno kutsalevekeu ghunanu puwu puzu timi ghi pichepighi ghi puhakhave peluvike.

HOSIYA 1:9

AMPEU no Hosiya vilo pi, “Pa je Lo-Ami kutsulo, kughengu Israil lo akemiqoye iwu timi kumo eno niye panoqo Lhou kumoe.”

AMUS 9:8

Ni, AMPEU Alhou ye hi axine shikicheu Israil kukaqha jukuto acheni eno ino ayeghiqha zulono hipau kutsaleve nani. Ikemu niye Jakob polo kughukomi kumtsu qhoi kutsalevemo nani.”

MATTHEW 22:7

Akukauno axuideveno pawu ghushimi puwu puzu hekiqhimiqo pithive eno panoqo phughi pitivetsu.