JEREMIYA 49:7 - BAIBEL (BSI)

⁷ Edom ghenguno AMPEU no pikeu hike: Edom lo kuamiqoye aloqhiyi kughathalu chekeu puhavea kesha? Pano lau akukumsu tsuchekemiqoye kiu shikepu keno pitsu chemovea kesha? Panoqo lokutsu kumtsu hauve akesha?

Sumi Naga CL (Re-edited) Bible (BSI)

⁷ Edom ghenguno. Aqokitikhi MPEU no ishi piani: “Teman lo alokütsü kühave akeo? Alokütsümi launo mijekütsü kühave akeshea? Pano lokütsü hauve akeshea?

JEREMIYA 49:7 ပူးပေါင်းရင်းမြစ်များ

BOTHUBO 25:30

Paye kulamuve eno Jakob vilo pi, “Niye muzuthive ake ipelo ti huchui keu yekulho chupelo.” Tighenguno pa je Edom ipi kutsue.

BOTHUBO 27:41

Tithiuye Esao no Jakob mithiwuve, kughengu pawu kukumgha papuh no Jakob tsuvekehu. Esao no ishi kumsue, “Ipu ghenguno mloqa kepu do kupunu wocheae; tithiuno ithikuzuu Jakob ghiqhi nani.”

BOTHUBO 32:3

Jakob no aghinimi hapuwu puzu Seir yeghi kudau Edom ghakhulo pamu Esao lau puwuve.

BOTHUBO 36:11

Elifaz nuliqo no Teman, Omar, Zefo, Gaetam ngo Kenaz ishi.

BOTHUBO 36:15

Atomi hipaqoye Esao laghalomi. Esao nu anoghiu Elifaz nuliqono, Teman, Oman, Zefo, Kenaz,

BOTHUBO 36:34

Jobab thive kethiu Teman noghami Husham no pa thelilo ayeh pe.

BOTHUBO 36:8

Ikehu Esao ye Seir naghuto lo acheuve, paye Edom ke.

YEKIKITHI ATUGHIU 1:53

Kenaz, Teman, Mibzar,

JOB 2:11

Timi hipano kuthu ye Job shou noqo ke - Elifaz no Teman phughilomi, Bildad no Shuwa ghakhumi eno Zofar no Nama no ghakhumi. Job no aghime sholu ani pikeu chilu kelo panonguno pa mlo vepiqi eno pa lokughuno tsunike pututa-a qhiveno kumtsa ighie.

JOB 4:1

Ino atsa pini kelo olokumopu shimoni ma? Niye atsa pimono ngomlavae?

LESHELE 137:7

AMPEU, Jerusalem leilo-hepho akelo Edumiami no kiushi keno kumsululo, panonguno, “aboqha kutolo hepho pinyive tsulo” ipi piakeu hu kumsululo.

ISAIAH 21:11

Hiye Edom ghenguno atsape lakhike. Milakhino Edom lono iku puzu pike, “Aghukheu, kughono putho tsala pai wove nani kya? Kughouno pai hipau taveni cheni keno ivilo pilo.”

ISAIAH 29:14

Tighenguno julo, ino itaghi timi hipaqono lajumono akeu ghime pesu panoqo shithughuyi nani. Khunoqono alokutsumi kepi acheni keno kughuzumi shive aghi nani eno pano shitsa jeli kumtsu adou shive nani.”

JEREMIYA 12:14

AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

JEREMIYA 18:18

Tileno timiqono pi, “Jeremiya shou kiuala shiveni nolo! Achinemino pulhapuju ayezah nikutsu nani, alokutsumino kumsukulu nitsu nani eno tungkupmino Alhou tsape pesu asheshu nanike. Ningu pa ghekucho keu tsa pi pukuni nolo eno pano kiu pinikeno lakhimu initsumoni nolo.”

JEREMIYA 25:9

‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 49:20

Tighenguno Edom lo kuamiqo shou ino kughupe qhikeu eno Teman lo akemiqo pesu kiu kishiveniye kumsupu ani keno iniju khalo. Panoqo tianuli ghi sunhe sawuve nani eno timi kumtsuno thughuive nani.

JEREMIYA 8:9

Nogholo alokutsumi shikukujove ani; panoqoye avehu kughuzu shivepe eno meluve cheni. Panonguno itsaqo peveke itehiye kiu lokutsu anani kya?

AKUMLO 4:21

Edom ngo Uz lo akemiqo nu alo; nonguno shiluke thaqhu alovi alo. Nongu shou ghi kutsakungo keu chenike; nongu ghi kujo kelauno aphikumsa kulokuloive nani.

EZEKEL 32:29

“Edom ye tilau ani, li kukami ngo li shou ayehkipemi sasu anike. Panonguye akuka kumto ghushimike ikemu itehi panonguye kithimi yeghiqhalo aphighu yiko ghamokemi aghushi lono thivekemiqo gholo ihozu anike.

DANIEL 11:41

Pano ashoqhi yeghiqha lepuzu qhethonheno qhethonhe heqhive nani, ikemu aphughi, Edom, Muab eno Amun hipaqoye itshuluve nani.

JOYIL 3:19

“Ijip ye asayeqha shiwuve nani, Edom yeghiye shipusape adou shive nani, kughengu panonguno Juda yeghi leighike eno tipaulo kiu lhoksa mu shimokemi ghiqhike

HABAKUK 3:3

Alhou ye itaghi Edom kudauno cheni; akimthe Lhou ye Paran naghuto kudauno cheni. Pa jukuvuno kungughaqo nhake; eno ayeghilo pa sheqhekeuno chhitoi ani

ZAKINIU 23:7

“Edommi jumithi kevilo; panonguye nosholokumiqo ke. Ijipmi jumithi kevilo, ghuthu lakhilo nonguye pano yeghilo xuacheke.