JEREMIYA 49:19 - BAIBEL (BSI)

¹⁹ Abongushu lakhino Jordan vekudalo aghasa lono achu kumzapu atsuni akeu yeghilo ipeghikeu toi ino ighi nani eno Edommi pelo zuleno pano yeghi lono kohapovepe nani. Tipathiuno ino kishelukeu sakipheu pelo tipa shiayeh shou ayehpe pe nani. Isasu kimighilu kepu khuu ani kya? Khuno ighumono ikhu lunani kya? Ayehkipemi kiutoi keuno imujolu nani kya?

Sumi Naga CL (Re-edited) Bible (BSI)

¹⁹ Julo, abongshuu lakhi no Jordan ghasa lono atsüni kümtsha-a lo ipeghi ketoi I no Edommi pelo züleno pano yeghi lono povepe nani. Tithiu no I no kishelu keu pelo tipau shou ayepe penani. Kughengu I toike khuu ani kea? Khuu no I khülu nani kea? Ambekheu khuu no I mjolu nani kea?

JEREMIYA 49:19 ပူးပေါင်းရင်းမြစ်များ

YEKIKITHI ATUGHIU 12:15

Ampe lakhi aqhi atughiulo kughou Jordan lo azuno akhuki yimiqo ipeghi keno panonguno aghoki katha eno aghoki kipelau kulolau abokhulo timi akeqo kumtsu hapiyepighive.

YEKIKITHI AKINIU 20:6

eno ighamuku akighini shi, “O AMPEU, nipuasuqo Lhou, nono kungugha lono ayeghiqha lo shiyeh kumtsu shou ayeh pe ani. Noye akuka kumtou eno akughushuu ke, timi khumu omujochile mlake.

JOB 41:10

Khunomu pa nguno ayikusau shi aghi puzu pa haputhu mlae. Ikeno khuno pa zulo puthugho kulupu kya?

JOB 9:19

Ino anguka vesuni keno, Alhou shou anguka vesu kulupu kumo, ino pa sasu kughakutha-alo wuni keno, khuuno pa kuwu kulupu kumoe.

JOB 9:21

Niye mzuchoi aphie, ikemu ikuxu palokutoae; niye ikuxu jukuchhube auvae.

LESHELE 143:2

Ni oqeu pelo thaiqho thaiqi keu zulo ilopekevilo; kughengu timi lakhimu ozulo pimimokeu kuhae.

LESHELE 76:7

Ikemu AMPEU, noye kumtsuno musa ighuke, nono axuide akelo khunomu ozulo puthugho mlake.

LESHELE 76:8

Kungugha kudauno nono owu kughakutha ithipeke; ayeghiqhaye musae eno inaqhoiveke.

LESHELE 89:6

Kungughalo otoikemi lakhimu kuhae, O AMPEU; kungughami khumu oqhemi kuhae.

LESHELE 89:8

AMPEU Alhou Akughushuu, khumu otoi akughushu kuhae; thwokha thimelo noye amikuchoke O AMPEU.

IPEKULU 15:11

“AMPEU, alhouqo gholo otoikeu khuu ani kya? Akimtheno akumzapu ke, omihikeu khuu ani kya? Khuuno nono shikeu toi akumzapu kumla eno amichipu shiluni kya?

ISAIAH 40:25

Khuuno akimthe Alhou sasu kimghi kulupu kya? pa toikeu kutau khuu ani kya?

ISAIAH 46:9

Kha-ghilo kiu shive keno kumsululo; ilikhino Alhou eno itoikeu kutau kuha kepi ithi luvelo.

JEREMIYA 12:5

AMPEU no pi, “Jeremiya nono timi sasu pokuxu kelo lhove aye, noye kishi puzu khurshiqo sasu pokuxuluni kya? Nono aqalo thotsu puthughomla aye, Jordan phivilo aghasalo noye kishiveni kya?

JEREMIYA 25:9

‘Niye timiqo ghenguno ashiayeh ahuu akeqo kupuwuni cheni eno Babilon lo akukau iqeu Nebukadnezar kupuwuni cheni. Ino panoqo pelo Juda ngo tile akemiqo eno tipau cheaxulo ashiayeh akeqo sasu aghushi penike ino panoqo sasu ighini cheni. Niye ashiayeh hipau eno hipau cheaxulo akemiqo kutsanike ighini cheni eno panoqoye alhokupujulo hexapinyi qhive nani, akumsapu eno jukichi kepu shipe nani. Ni, AMPEU no piqhive anike.

JEREMIYA 30:21

Panoqo shou ayehkipeuye panoqo shiayeh lono ighi nani, pano sakipheuye pano timi gholono ipeghi nani. Ino pa kukusu shikelo pano ikupunu ighi nani, kughengu khuno kukusu shimoamu ighikeu ighumoni kya?

JEREMIYA 4:7

Abongushuno pa kughutshua lono cheke toi, ashiayeh kukutsau lakhi chevae. Paye Juda kutsanike cheni. Juda lo aphughiqoye ixapiniyi qhive nani eno tipaqolo khumu kughuna move nani.

DANIEL 7:4

Atughiuye abongushu toi ithulu, ikemu aluqu chishibo pu. Ino tipau jupulano, achishibo ita ikiqive. Tughashi khape puthu puzu timi toi puthughovepe. Timi kukumsu pa lolo suvetsu.

NAHUM 1:6

Kughou pano axu ideni keno khuno xukulupu kya? khuno pa loghu pukulupu kya? Pano pa loghu amikuyiqu toi leqhike; pa zulo atuquye ipopinyi amkhu shiveke.

ZEKHARIA 11:3

Ayehkipemino amlo ghime launo igha; panoqo jekipiye chevae! Abongushuqo ghugha inijulo, Jordan hokumxalo panoqono ngochekeu ghasuye kutsakhave ake!

AKIKIHI 16:5

Tishieno pano Kora ngo pa pape chekemi vilo pi; “Thoghiu AMPEU no khunoqono pawu keno pano ningu piyeni cheni; khuuno pawu keno, tipau kiqiye pano kisheluve akeno tipau pelo akiptia lo pa kupunu ighipe nani.

Piyeküsü 6:17

kughengu panongu loghu tsala ighivae eno khuno tipaulo puthugho kulupu kya?”