JEREMIYA 48:47 - BAIBEL (BSI)

⁴⁷ Ikemu ighinikeu tsalalo AMPEU no Muab pesu itaghi kinikulu shi nani. Hipaqo kumtsu Muab shou shi nani kepi AMPEU no piveake.

Sumi Naga CL (Re-edited) Bible (BSI)

⁴⁷ Ikeghi hithiu tsala lo I no Moab ngukümgha tsüchile nani, ipi Ampeu no sheshu,” Hi no Moab shou küghakütha ke.

JEREMIYA 48:47 ပူးပေါင်းရင်းမြစ်များ

JOB 19:25

Ikemu ino ithi ani, ixakuluuye xuanie, eno ashekhalo pano ayeghi shou puthugho nani.

ISAIAH 18:7

Tipa ghulokiloye aghokiqono kijetha akeu yeghi kudauno, akuka akumto shiayehqono, hi chuqumughai keu eno ayiko hipuleyi kemi ayeghiqha kumtsuno musaighu chekemiqo launo aqokitikhi MPEU lau akumllagho peighi nani. Panonguno Zion toghi, khilehi Aqokitikhi MPEU mlla cheni keno tilehi ighi nani.

ISAIAH 23:18

Lino lhidi lhighi shikeu lono qelukeu pisa pesu AMPEU kumlapu ghenguno tsu nani. Liye tipau kikepe qhivemo nani ikemu khunono AMPEU mlla cheni keno tipaqono li wu pisa pesu panonguno avehupushi akeu chuqupu ngo aphimini qhunani.

ISAIAH 25:11

Panonguye azugha akeshi panongu u-sukhope chhopuwu nani ikemu Alhou no panoqo ghakumpave nani eno panonguye kiumu shi mlaveno ilove nani.

ISAIAH 45:20

AMPEU no pi, “Ashiayehlo timiqo, kumqo pesu ighilo, akukaqha ikiqive kelo ghupe puaghikemiqo; atsa kughatha kepushi nonguye ighilo! Asuno ajulho shikeu pesu kulobide piye chekemiqo eno panoqo xamlakeu lhou lau khuchekemiqo, kiumu mthakemiqo!

JEREMIYA 12:14

AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

JEREMIYA 12:15

Ikemu panoqo ikhisawuve kethiu ino panoqo shou kimiye qhiyikeu anani. Ino ashiayehqo lakhikhi pututa yeghi eno pututa ghakhulo saideghi nani.

JEREMIYA 23:20

pano kiu shiniye kutopesu ani keno shikhave moke kutolo tiye tavemo nani. Ighinikeu tsalalo pawu timiqono hipau thebei vethalu nani.”

JEREMIYA 30:24

Hiye pano kiu shinikeu shi kumsupu ani keno shi khavemoke kutolo tiye ashekha shimo nani. Ighinikeu tsala lo paw timiqono hipau mutsumishei vethaluve nani.

JEREMIYA 46:26

panoqo pithive nishi chekemi ulo suvetsuni cheni, tiye Babilon kukau Nebukadnezar ngo pawu ghushimiqoke. Ikemu hithiuye Ijip lo itaghi timi kughunauve nani, wovekeu ghulokilo panongu acheke toi. Ni, AMPEU no piveake.”

JEREMIYA 49:39

Ikemu hithiuno ino Elam lo kuami pesu itaghi kinikulu shitsu nani. Ni, AMPEU no piveake.”

JEREMIYA 49:6

“Ikemu hithiuno ino itaghi Amun pesu kinikulu shitsu nani. Ni, AMPEU no piveake.”

EZEKEL 38:8

Ampe kutomo thiu ino ahza pa tsu puzu aghakhu lakhi lewupe nani. Tipau ghakhulo timiqoye ashiayeh kutamiqo launo kumqo saghi puzu aghukishi musamono xuache keqoke. Pano Israil naghuto leighi nani tipaqoye ado kushuwa piyighive eno kughukughaleive ke, ikemu itehi timiqoye tilehi sushokulu shi kughunaluve ake.

DANIEL 10:14

Ino olau ighi akeuye owu timiqo shou kiu ighi nani keno opelo ithive peniyeke. Hipau kungunhetsu nono ithulu keuye ighinikeu ghilike.”

DANIEL 11:41

Pano ashoqhi yeghiqha lepuzu qhethonheno qhethonhe heqhive nani, ikemu aphughi, Edom, Muab eno Amun hipaqoye itshuluve nani.

DANIEL 2:28

Tishiaye kungulo kuau Alhou lakhi akeuno tuqhou ghili piyesutsu cheni. Ozulo kiu ighi nani keno pano akiqheu akukau lau piyesu tsu ke. Ino itehi osamo kiu pumolu keno pini, tiye nono kungunhetsu lono ithulu keuke.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

AKIKIHI 24:14

Balam no Balak vilo pi, “Itehi niye niwu timiqo lau idewove niake ikemu ino wumphi lono Israilmino ighinikeu lo nowu timiqo shou kiu shinani keno ino okutughuve tsunike.”

ZAKINIU 31:29

Ino ithi anike ino thive kethiu timiqoye kixikula shive nani eno ino pano shikakeu peive nani. Ighini keu ghulokilo panonguye kutsakungo keu sholu nani kughengu panonguno AMPEU no shikevilo pi lakha keu shike lono pa pelo aloghu idevepe nanike.”

ZAKINIU 4:30

Nonguno shilusa akelo eno hupaqo kumtsu nongu lau shitave kethiuno nonguye ashekhashi AMPEU lau ideghi nani eno pa gholu nanike.