JEREMIYA 48:42 - BAIBEL (BSI)

⁴² Muab ye kutsaleve nani eno ashiayeh lakhi shi achekeu kuhave nani, kughengu tipauno ihebideke.

Sumi Naga CL (Re-edited) Bible (BSI)

⁴² Moab ye kütsaleve eno ashiaye achekeu kühavae nani, kughengu pa no Ampeu hebide ghi pa sheqhe ke.

JEREMIYA 48:42 ပူးပေါင်းရင်းမြစ်များ

AHOLE 16:18

Aqhekuzano shikupsalo sawu cheni eno qhezalaki keuno xaqhikulu cheni.

ISAIAH 16:14

Itehiye AMPEU no piani, “Loi ampe kuthu lono Muab wu kinikulu kumzapu hu hauve nani. Tipaulo timi kutomo achekeu hu aghulo likhi ghuluni cheni eno panongu ghi miqemileyikemi shive nani.”

ISAIAH 37:23

Noye khuu thaigha eno pipusa ani kepi kumsu ani kya? Noye ni, Israil Lhou akimtheu, iqhoqhumo mithe ke.

ISAIAH 7:8

Kughengu Siriya ye tipau phughitou Damaska nguno akumtou kumoke, eno Damaska ye Akukau Rezin nguno akumtou kumoe. Israil ghenguye ampe lhotsugho pungu dolono ipopinyive nani eno ashiayeh lakhi shi puxuamlave nani.

JEREMIYA 30:11

“Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsaleve nani, ikemu niye nongu kutsale vemo nani. Niye nongu ghimemono puwuvemo nani; ikemu ino nongu ghimeqhi keulo aghibiu lono shi nani.”

JEREMIYA 48:2

Muab jekipiye kuhave. Aghumino Heshbon khasuluvae eno Muab shiayeh kutsalenike kuchughu ani. Madmen taunye inaqhoivepe nani; aghushimino tipau shou leighi nani.

EZEKEL 35:13

Nonguno aqhekuza kuchhomashi, ishou atsa zalepuku keu ino chiluvae.”

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

MATTHEW 7:2

Kughengu nonguno kutami shou kughathabe keu pesu Alhou no nongu shou kughathabe nani, nonguno kutami shou kiu qhemi mighibeni keno Alhou no tipa qhemi nongu shou mighibe nani.

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.

Piyeküsü 13:6

Tipauno Alhou je eno pano achekeu-a eno kungughalo kuamiqo shou thaighakeu tsa pini keu shive.