JEREMIYA 48:26 - BAIBEL (BSI)

²⁶ AMPEU no pike, “Muab shokumzulo kughengu tipauno ihebideke. Muab ye pa likhi pano mughulekeulo ihi nani eno timino junu nani.

Sumi Naga CL (Re-edited) Bible (BSI)

²⁶ “Moab shokümzü lo, kughengu pa no Ampeu lachile ghi pa ampi sheqhe, ikehu pa ye pa kumghu lo ihi nani eno pau ghi timi no junu nani.

JEREMIYA 48:26 ပူးပေါင်းရင်းမြစ်များ

JOB 15:25

Kughengu pano a-u pesu Alhou kutotsu piye eno Tuchomujokutsuu phimo ke.

JOB 9:4

Alhou ye alokutsue eno akuka kumtoe mujochilekemi khu-u no xusulu kya?

LESHELE 2:4

Kungugha kuka-lakhulo akeu AMPEU no junu ani eno panongu kukughu shou jukunathave ani.

LESHELE 59:8

Ikemu O Alhou, nono panoqo junu acheni; nono aye kumthami shiayeh qo jukunatha cheni.

LESHELE 60:3

Nono owu timiqo pelo shishe aghime sholupeke; ninguye shomzupu ake shi izuvulayive.

LESHELE 75:8

AMPEU no pa ulo ajukhu tsuqupe ani, tipaulo pa loghu kighide chhitoi supe puani. Pano tipau lephe kelo kixikilami kumtsuno yeke; panonguye tipau kighiji ashekhau kutolo yenanike.

IPEKULU 5:2

Ikemu akukauno pi, “AMPEU ye khuu kya? Niye kushiye patsa inini kya? eno Israilmi pelo wuvepeni kya? Niye AMPEU mthae eno niye Israilmi puwumoe.”

IPEKULU 9:17

Ikeghi noye qheza laki ani eno iwu timiqo puwomono anike.

ISAIAH 10:15

Ikemu AMPEU no pike, “Amughuye pa peitha akeu nguno akijeu kepi pikulupu kesha? Kuxuyi ye timi khuno tipau pesu kuxu chenikeno tipau nguno akhotou kesha? Asuthaluno timi lakhi ikhiqhe chemoe timiuno asuthalu ikhiqhe cheni.”

ISAIAH 19:14

AMPEU no panoqo pelo kubang keu kukumsu tsu anipe ke. Ikehu Ijip ye thwokha kumtsu akumou shi ani eno shokumzumi lakhino pano mughule keu nekiphelu akeshi ani.

ISAIAH 28:8

Panonguno ngoakeu akibepu kumtsu mughule puku keuno chhitoive eno a-a lakhimu niqhunighulai mokeu kuhave.

ISAIAH 29:9

Izuphokicheyi alo eno hevulalayi alo! Anhethi iche alo! Atsayiji sumokeu pesu shomzupu alo! Aji shomzumo amu izuvulayi alo!

ISAIAH 51:17

Jerusalem; ida thughivelo! Olikhi okudaputhulo eno ithughi velo! AMPEU no pa loghu lono nongu pelo shopenike aghime jukhu tsukeu nonguye shomzuvae; Nonguno tipau yekhave eno tipau no opelo izuvulaive peke.

ISAIAH 63:6

Iloghu lono ashiayehqo kumtsu ino qodaqhi eno panoqo kubopinyive. Ino panongu kuxu ji ayeghilo peleqhi.”

JEREMIYA 48:39

Muab ye shikukujove! Tiye ixapinyi ani eno sukumxalo ashiayehqono tipau junuqhi anike. Ni, AMPEU no piveake.”

JEREMIYA 48:42

Muab ye kutsaleve nani eno ashiayeh lakhi shi achekeu kuhave nani, kughengu tipauno ihebideke.

JEREMIYA 50:29

“Asuzu kipemi vilo Babilon lelo pilo. Timi khijeno asuzu ngo apiji pethi akhani keno tipaqo puwulo. Aphughi suhuluvelo eno milakhi pelomu pojolupe kevilo. Tipaulo kiu shipepuani keno lochilelo eno kutami peitha puakeu toi tipau peithalo kughengu tipauno ni, Israil lo akimtheu shou aqhekuza shi mlaitha puanike.

JEREMIYA 51:39

Panonguno aghulhu lakhi kutotsu nani eno panoqo shokumzu eno alopivitsu nani. Panonguye zunike wuve nani eno khilemu idathughimove nani.

JEREMIYA 51:57

Ino tipaulo ayehkipemiqo - alokutsu akemi sakiphemi eno ghushimiqo shokumzu nani. Panonguye zu nike wuve nani eno khilemu idathughimo nani. Ni, akukauno pianike, Niye Aqokitikhi MPEU ke.

JEREMIYA 51:7

Babilon ye i-ulo shunano shikeu jukhu lakhi toi ayeghiqha shokumzu anike. Ashiayeh jeliqono tipaulo aji akeu shove eno panoqo kukumsu ye chevae.

AKUMLO 1:21

‘Ino kishi sukutu igha ani keno inijulo: khunomu ikuphuni kemi kuhae. Nono kutsakungo keu ishou su ighi kepi ighumiqono chiluno alovi akhani. Nono tushoqhi puakeu tsala hu sughitsulo eno ighumi pelo itoi shilusa pelo.

AKUMLO 3:15

Pano angukashi ikughokilo khumtsayikeu zu sutsu eno khumtsayikeu kuchu kusho sutsuke.

AKUMLO 4:21

Edom ngo Uz lo akemiqo nu alo; nonguno shiluke thaqhu alovi alo. Nongu shou ghi kutsakungo keu chenike; nongu ghi kujo kelauno aphikumsa kulokuloive nani.

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 5:23

Nono kungughalo kuau hebide ghi achineki lono sughikeu ajukhu eno akhuqo peithake. Nono owu kijemi, onipuqo eno olojilimi sasu tipau lono aji sho eno shuna, tsandi, alazayi, ayi, asu eno atuno shikeu lhou akishe tsuveke, tipaqo lhouye ithulu momu chilu chemo eno kiumu ithi chemoke. Ikemu noye Alhou khuu okuxu puatsuni pina, puhave tsunipimu pa ghoshi cheni keno eno thime jeli kumtsu shou ampeu Alhou keno pa gihumoveke.

DANIEL 8:10

Pa kukaye kungughalo aghushimi sasu kithe kulupushi thuwuve, ayepuqo ghi sasu shieno panongu dolo hami kughape ayeghilo vepiqiveno nedave.

NAHUM 3:11

Nineve, noghi shomzu izuvulayikeulo ilove nani! Noghi noghumi launo posu wuveniye pukaputsa nani.

HABAKUK 2:16

Oshelo noghi agigihupu zuqhulo akukujono onhapu nani. Olikhi noghi shopusu kulokuloyive nani. AMPEU no opelo aghime jukhu shope nani eno ogihu chekeu huye akukujopushi kughulhove tsu nani.

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.

Piyeküsü 16:19

Aphughi kije huye aqe kuthushi suphove eno ayeghi kokuthaqo phughiqoye kutsapiniyive. Alhou no Babilon akijeu hu kumsuchilelu eno pa loghu kighide ji li pelo pa jukhu lono shopeke.