JEREMIYA 44:2 - BAIBEL (BSI)

² Aqokitikhi MPEU, Israil Lhou no pike, “Jerusalem ngo Juda lo taun akeqo kumtsu shou ino kutsaleve keu sughikeu nongu ampino ithuluve ake. Itehi kutolo tipaqoye ixa pinyi achephike eno khuumu tile ngomovae.

Sumi Naga CL (Re-edited) Bible (BSI)

² “Aqokitikhi MPEU, Israel Lhou no ishi piani: Jerusalem ngo Judah lo mishighüna kümtsü I no kütsave keu nongu no ithuluvae. Julo, ishi tipaqo ye pighive no khumu tile ngo movae,

JEREMIYA 44:2 ပူးပေါင်းရင်းမြစ်များ

KUKAMI AKINIU 21:13

Ino Samaria lau aghime tsuketoi Jerusalem shou ghi puwuni, Israil lo kukau Ahab eno pa laghaqo lau shiketoi aghime tsuni. Ino Jerusalem lono timiqo akhu sukimitheve ketoi eno pishiqho pesu qhiveketoi mithemithei hapheve nani.

IPEKULU 19:4

“Ni, AMPEU no Ijipmi shou kiu shive keno nonguno ithuluvae. eno aluquno kishi achishibo lono ati xapukeno tishi ino nongu xapuke eno nongu sasu hile ighi anike,

ISAIAH 24:12

Aphughiye ixapinyi ani eno tipau liwo kikhaye ipopinyivae.

ISAIAH 6:11

Ikelo ino iniju, “AMPEU , Khitotohi hitoi shia nani kya?” Pano khochile, “Aphughiqo ixapinyive eno kumsa shivemoke kutolo, akiqolo kughunamoveke kutolo, aluza ghi kughukughaleyive moke kutolo.

JEREMIYA 25:11

Hipau yeghiqha kumtsu ixapiniyi qhive nani eno jukichi kepu shive nani, acheaxulo akeu shiayehqoye ampe lhotsuni ghenguno Babilon kukau qe nani.

JEREMIYA 34:22

Ino ahza tsunani eno panonguno aphughi hipaulo ideghi nani. Ino Juda lo taun akeqo pesu asayeqha khunomu xumlakeu toi shivetsu nani. Ni, AMPEU no piveake.”

JEREMIYA 4:7

Abongushuno pa kughutshua lono cheke toi, ashiayeh kukutsau lakhi chevae. Paye Juda kutsanike cheni. Juda lo aphughiqoye ixapiniyi qhive nani eno tipaqolo khumu kughuna move nani.

JEREMIYA 44:22

Ishi tsalalo ghi noyeghiye ixapinyi ani eno khuu nomu tipaulo achemoke. Tiye timino juighukeu-a shi ani eno timino musuini keulo tipau je peitha anike, kughengu AMPEU ye nongu kixikila lhoksa pepimhe ache keu xapuqhe khamlaveke.

JEREMIYA 44:23

Ishi kutolo kutsakungo keu hipau nongu shou ighi ani kughengu nonguno kutau lhouqo lau akumllagho tsuke eno AMPEU shou axine shi anike tiye pano ahza tsukeu kumtsu papemokeu lonoke.”

JEREMIYA 7:34

Aghakhuye asayeqha shive nani. Juda phughiqolo eno Jerusalem laghilalo alokivishi aloinokeu sutsa eno kulakupu ghulhulo alokivi sutsa kumtsu ino kuhavepe nani.”

JEREMIYA 8:3

Hi lhoksakugha shiyehmi khunoqo thikhamono xuaghini keno ino panoqo halepuwuvekeu yeghilo xu aghikhani keno tipaqoye xu anikeu nguno thivekeu pavi kumsulu nani. Ni, Aqokitikhi MPEU no piqhiveake.”

JEREMIYA 9:11

AMPEU no pi, “Ino Jerusalem pesu ixapinyi kumqove nani, sherqo kungo-a shitsuni; Juda lo aphughiqoye asayeqha shive nani timi khunomu ngomovekeu-a shive nani.”

AKUMLO 1:1

Ghuthu lakhiye timi chhitoi achekeu phughi Jerusalem ye kughukughaleivae! Ghuthu lakhiye ayeghiqhano gihu cheke, itehi liye chimemi toivae; Aphughiqo gholo akiqheu huye aquaxelo ikiqi ilovae.

AKUMLO 1:16

‘Hi ghenguno ino qa ani eno inhethi lono anhezu qole ani. Khunomu ilokughuno tsu mlake, khunomu ishikumto mlae. Aghumino itheqhiluvae, iwu timiqoye kughu kughaleivae.’

AKUMLO 5:18

kughengu Zion toghiye piyighiveno yenguyelei kehu eno tungtughano tipau ixapinyi akeu katha iqho iqi anike.

DANIEL 9:12

Nilau eno nikusau lau kiu shiniepi keno tipau shive cheni. Nono Jerusalem aghime tsukeuhu hipa yeghiqhalo aphughi lakhimu titoi ithulu mphi.

ACHINE 26:31

ino nophughiqo xalepinivetsu nani, nonguno mllachekeu a kutsalevetsu eno nonguno aghashikeu ikhilutsumo nanike.

ACHINE 26:43

Tishiepimu, atughushi aghakhuye tile timi akeqo puhave masake, tishianguno tipau ye aghakiqishi akulhoqhilu nanike eno panonguye iyezahqo ngo ino ahza tsukeu pevetsukeu ghenguno tipau jume qhoi lomaye sake.

MICAH 3:12

Tishiaye nongu ghenguno Zion ye aluqa toi hokideve nani, Jerusalem ye ixapinyi pesu kumqove nani eno Achineki toghiye aghasu ilhove nani.

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

ZAKINIU 29:2

Muse no Israilmi kumtsu kukutsu puzu panoqo vilo pike, “AMPEU no Ijip lo akukau shou, pawu kijemi shou eno pa ghakhu shou kiu shive keno nongu ampino ithuluvae.

JOSHUA 23:3

Nongu Lhou AMPEU no nongu ghenguno shiyeh kumtsu lau kiu shikeno nonguno itehiye ti ithivae.