JEREMIYA 43:12 - BAIBEL (BSI)

¹² Ino Ijipmi lhou chinekiqolo ami suvetsu nani eno Babilon kukauno panoqo lhouqo pitilevetsu nani momu tipaqo xapuwuve nani. Bherikhemi no aphiminilo axu juvekeshi Babilon kukauno Ijip yeghi shikimtheveno tokulushi cheve nani.

Sumi Naga CL (Re-edited) Bible (BSI)

¹² I no Egypt lhouqo chineki lo ami süvetsü nani, Babylon kükau no pano lhouqo pitive tsüno tipaqo pewuve nani. Ambekheu no pa phimini lo axü shikimthe keshi pa no Egypt yeghi shikimtheve no iqüghai cheve nani.

JEREMIYA 43:12 ပူးပေါင်းရင်းမြစ်များ

SAMUEL AKINIU 5:21

Kughou Filistiyamino povekeno panonguye asu atu lhou panongu thiu qhiveno cheve ikehu David ngo pawu timiqono tipaqo pesu wuve.

ESTHER 6:9

eno akuka kutsu kuqho pa pipelo eno kukami pulou shikemiye akukauno ishi gihu cheniepi akukau wu kijemi lakhi pichebeveno pa pelo pa zulono asheshu atoghilalo sawu pelo.”

JOB 40:10

Ogihu kepu eno okijivilepu pepu julo, eno jukighilepu ngo mulapuyi keu upiyeju lo.

LESHELE 104:2

Noye akuvu pesu okuzupu anike, nono aphiki sukho ketoi kungugha xakhoke.

LESHELE 132:16

Tilehi achinemiye ino xakulupu pepipe nani eno Alhou wu timiqono alokivi launo ighamuku alephe nani.

LESHELE 132:18

Pa ghumiye ino akukujo xapipe nani, ikemu pa kukaqhaye kinikulu shi nani eno pekhowolu anani.”

IPEKULU 12:12

Tipaji, niye Ijip yeghi qhalo wunani, timi na lhoxu pinamu kiptimi anoghiu heqhini cheni eno Ijip lo alhouqo kumtsu ghimeqhi ni cheni. Niye AMPEU ke.

ISAIAH 19:1

Hiye Ijip ghenguno atsape lakhike. AMPEU ye khungkusu shou iku puzu muthuthei Ijip kudauno cheni. Ijip lo ajulho akeqoye pa zulo khokhoshi ani eno Ijip lo akemiqoye amlo kuloghi hauveno ani.

ISAIAH 21:9

Zuleno panongu cheghive! Timino khurshi shou iku puzu ajo kinini shi. Aghukheuno asutsa pipuwu “Babilon ikiqivae! Panonguno ajulho mllachekeu kumtsu ayeghi shou kubo kighiniyi ikiqivae.”

ISAIAH 46:1

“Babilon lhouqoye ashekhalo hitoive nani! Bel ngo Nebo ghuthu lakhiloye itsaiqi mlla chekehu itehiye gadahaqo shou musho pipe nani, akulhoshive keu lhoxuqo ghutsu qaqhi nani.

ISAIAH 46:2

Ajulhoqoye pano likhi pano xamlake; panoqo tsuquluveno pusu wuve nani. Babilon lhouqoye hitoi ashekha shive nani!

ISAIAH 49:18

Vehomxa julo eno kiu shiani keno julo! nowu timiqoye kuhokumqo anike eno panonguye aki kudau cheake! Kuchouno niye xuakeu Lhou keghenguno nonguye nowu timi jupesu akijivilo nani, tiye kulaliuno liwu achila jupesu akijivilokeu toi nani.”

ISAIAH 52:1

Jerusalem mutolulo eno itaghi kije shiluvelo! Alhou phughi akimtheu, jukighilepu jukivi pepuluvelo! Mithekumomiye khilemu ohuki khalo itaghi ilomo nani.

ISAIAH 59:17

Pano aghunanu phimini pepu akeshi kuchou xakutha pepu eno tokulu pesu ayikutsuqho toi pepu nani. Thime achipishi apenike eno timi akumou lono aghime shichekeu amkhu lutsuni eno shikighime nike pano muqhumuzaike.

ISAIAH 61:10

Jerusalem ye AMPEU no kiu mlatsu keno tipaulo alovi akhani. Liye kulaliu lakhino kulakupu ghenguno aphimini pepu pesu aketoike. Alhou no xakulu ngo tokulu pesu li puuke.

ISAIAH 61:5

Iwu timiqo, inaghamino nongu qe nani. Panonguno no tsu-aqu khetsu nani eno nolu kumlami shi nani eno notsayilu chitsu nani.

JEREMIYA 10:11

(Noye panoqo vilo pimoaye sake, ike ayeghi ngo atsutsu mlapuamokeqo lhouqoye kutsaleve nanike. Panonguye ayeghi shou khile khile pinamu qhimove nanike.)

JEREMIYA 10:15

Panonguye ame kuhae eno jumithi kepue; AMPEU no panoqo ghimeqhi kelo panoqoye kutsaleve nani.

JEREMIYA 25:19

Kutami khunoqono ajukhu lono shokepu shikeno tipaqo kumtsu je hitoi apasu shi ani: Ijip kukau eno pawu kijemi eno sakiphemiqo; Ijipmi eno inaghami Ijip lo akemi kumtsu Uz ghakhulo kukami kumtsu; Filistiyami phughi Ashkelon, Gaza, Ekron eno Ashdod lo ghupe puaghi keqolo kukami kumtsu; Edan ngo Muab eno Amun lo akemi kumtsu; Tur ngo Sidon lo kukami kumtsu; Meditereniya sukumxa yeghilo kukami kumtsu; Dedan, Tema eno Buz phughiqo; Timi khunoqono asa ikhonhei tsave cheni keno tipaqo kumtsu; Arabia lo kukami kumtsu; Asayeqhalo akeu shiayehqo shou kukami kumtsu Zimri, Elam eno Media lo kukami kumtsu; Kukami ahuu, putou eno akupunu lo lakhino lakhi shelo akeu kumtsu. Ayeghiqhalo ashiayeh akemi lakhikhino tipau jukhu lono shokepu shinani. Ashekhashi Babilon kukauno tipau sho nani.

JEREMIYA 43:13

Pano Ijip yeghilo Heliopolis ipikeu-alo atu pesu koghekughu shipuakeu kutsaleve nani eno Ijipmi lhou chinekiqo pitileqhive nani.”

JEREMIYA 46:25

Aqokitikhi MPEU, Israil Lhou no pianike, “Ino Thebemi lhou Amun ghimeqhini cheni eno tipa gholo Ijipmi kukami ngo tipau lhouqo ghi. Ijip lo akukau ngo pa pukhuchekemi kumtsu ino sawo

JEREMIYA 48:7

“Muab noye okuka kumto ngo okinikulu shou pukhupe acheni; Ikemu itehiye noghi leluvepe nani; Nongu lhou Khemosh ye hapupovekeu shiuveni cheni, pa gholo sakiphemi ngo achinemiqo wuve nani.

JEREMIYA 49:27

Ino Damaska putukha pe akeulo ami suvetsu nani eno Akukau Benhadad kikuloghi pitilevetsu nani. Ni, Aqokitikhi MPEU no piveake.”

JEREMIYA 50:2

“Ashiayehqo gholo asutsa kithe pilo! Tipau pesu asheshulo! Kutughu-keu michi shilo eno sutsa kithe vekuphalo! Tipau pesu kusupe qhive kevilo! Li lhou Marduk ye kubokighi-niyivae! Babilonw asu-atu julho- ye kujokepu shivae, liwu ajulho niqhunilayi keqo ye mukhu-muno shivae!

JEREMIYA 51:44

Ino Babilon lhou Bel ghimeqhi nani eno tipau pelo pano pukalu puakeu nhemghaqo phevepe nani; ashiayehqoye tipau mlla kithemove nani. “Babilon putupuakeu ikiqivae.

EZEKEL 29:11

Timi lhoxu na kutau lhoxu namu tipau kathasu wumla nani. Ampe lhobidi kutolo kiunomu tile xumla nani.

EZEKEL 29:19

Tighenguno ni Akughushu MPEU no kiu piani keno tiye hike: Niye Ijip ghakhu pesu akukau Nebukadnezar tsu ani. Pano tipau tuleqhino xupuwuve nani eno pawu ghushimi tha tsunikeu shi Ijip wu kinikulu kumtsu xapuwuve nani.

EZEKEL 30:13

Akughushu MPEU no piani, “Memfi lo asu-atu julho ngo kichileu lhouqo ino kutsaleve nani. Ijip lo ayehpekemi lakhimu kuhave nani eno ino timi kumtsu shithughuyi nani.

DANIEL 11:8

Panongu lhou auno mlakeu eno shuna tsandiyino shikeu nhemgha alhou tsuve keu xapu chile Ijip lo wuve nani. Ado kusholo kulakishi achepuzu,

ZEFANIA 2:11

AMPEU no panoqo shikumsa nani. Pano ayeghi hipaulo alhou kepi chekeqo kumu kuhakeu shivepe nani eno tithiuno pututa shiayeh pututa yeghi lono pa mlla nani.

Rommi 13:12

Putho wokhaveni cheae, atsala ipe cheae. Akuzulo mla ithachekeu ninguno qhiveni nolo eno akuvulo aghu shikepu nanu pepuni nolo.

Ephesiami 4:24

nonguye alhoaye akitheu pepuve masae, hiye Alhou kimihi lono lhokeu kuchou kudauno ighikeu, amikucho eno akimthe lono shipepiye cheni.

Ephesiami 6:11

Tughakusa muqu mugha lhoksa shou nonguno puthugho luve kepushi Alhou launo ighikeu ghunanu kumtsu pepu alo.

Kolosiami 3:12

Alhou no nongu kimiyeno, pawu shipenike kisheluvekemi akehu, kimiyeqhiyikeu, kutami kupukeu, akumtsha, akughuvu eno kutuukulu pepulo.

Kolosiami 3:14

Hipaqo kumtsu nguno alauno kikimiye pepulo, kughengu kikimiyeno thwokha, kupukulupushi tsugha kuqhatsu cheni.