JEREMIYA 43:10 - BAIBEL (BSI)

¹⁰ Tipathiu panoqo vilo pilo, ni, Aqokitikhi MPEU, Israil Lhou no iqeu Babilon kukau Nebukadnezar hipa-alo saghi nani pilo, eno pano atuqu hipaqo nono qhapuakeuqo shou pa kuka lakhu qhi nani eno akukau phiki atuquqo shou xakho nani.

Sumi Naga CL (Re-edited) Bible (BSI)

¹⁰ eno panoqo vilo pilo, ‘Aqokitikhi MPEU, Israel Lhou no ishi piani: Julo, I no I qeu Babylon kükau Nebuchadnezzar puwu no pa kükalakhü pesü I no atu qhopüa keu shou ghotsü nani, eno pa no atuquqo shou pa küka pushonha xakho nani.

JEREMIYA 43:10 ပူးပေါင်းရင်းမြစ်များ

KUKAMI ATUGHIU 20:12

Benhadad no pa gholo suakemi eno kutami ayehkipemi kuqhano panongu phikilo ngono sho akelono Ahab wu khokichile sutsa ithulu. Pano pawu timiqo mtazu aghili kutono aphughi lelopi ahza tsu, ike panonguno kuto kughoi pesu cheve.

KUKAMI ATUGHIU 20:16

Benhadad no pa saphu akemi panongu shighi kini kuqhano sasu aphiki lono aji sho akelono puchouno ighino lethuve.

LESHELE 18:11

Paye akuzu-kutho pesu pa kuzupue, zuchiyikeu khungkusu, azu chhitoi keuno pa kuzupue.

LESHELE 27:5

Shiluksa tsalalo pano isushope kusuluve nani; Pa chineki qholo pano ipesu kusuluve nani; eno atuqu qhemghai keu shou pano ipe qhive nani.

LESHELE 31:20

Timino pithiveniye kumqu akeu lono nono akivishi panoqo kusuluve cheni, aghumino axishi keu lono okicheqho kivilo panoqo kusuluve cheni.

ISAIAH 44:28

Ino Cyrus vilo pike, ‘Nono ighenguno ayehkipeu shini; Opelo ino kiu shipenishi keno nono shi nani. Jerusalem shikithe nikeu nono ahza tsu nani eno Achineki boqha qha wonikeu nono ahza tsu nanike.’ ”

ISAIAH 45:1

Cyrus pelo akukau shipenike AMPEU no pa kisheluvae! Ashiayehqo lelupenike AMPEU no pa susu puanike; kukamiqo kuka liluve penike pa puwuke; pa pelo ilolupenike AMPEU no aphughiqo khagho khaqhitsu nani. AMPEU no Cyrus vilo pi,

JEREMIYA 1:15

kughengu ahuu ashiayeh akemi kumtsu ighipe nike ino ku anike. Tipaqo shou ka akemi qono Jerusalem khaghoqo ngo tipau puwu puakeu homxa pesu akuka lakhu qhiwo nani, eno Juda lo aphughi kutau akeqo loghi qhiwo nani.

JEREMIYA 43:9

“Atuqu hami suwo hilau aphughilo yehpeka kikuloghi hukikha zulo atumuno pesu qhapuakeulo qhope qhilo eno Israilmi khami pelo nono tipau shiakeu ithulu pelo.

JEREMIYA 46:13

Kughou Babilon kukau Nebukadnezar no Ijip lenike ighi keno AMPEU tsa ilau ighi. Pano pike,

JEREMIYA 49:38

Ino panoqo shou kukami ngo sakiphemi kutsaleve nani eno tilehi ikuka lakhu qhi nani.

EZEKEL 5:12

Owu timi kikije kuthulo lakhiye kusukini ngo akhuava shipuzu aphughi lono thi nani; kikije kuthulo lakhiye aphughi nguno khalauno azutano ghiqhile nani; eno kikije kuthulo lakhi ashekhau huye ino amlhulo halesu nani eno azutakihi pesu panoqo haqhi nani.

DANIEL 2:21

Atusho aghulokiye pa ghakusu qholo ani; Akukau shipenimu shipemovenimu pa gho lono shi cheni Alokutsu akighithi tsuche keu huye pake.

MATTHEW 22:7

Akukauno axuideveno pawu ghushimi puwu puzu hekiqhimiqo pithive eno panoqo phughi pitivetsu.