JEREMIYA 42:10 - BAIBEL (BSI)

¹⁰ ‘Nonguno aghakhu hipaulo xu achenishi aye ino nongu xaqhepuku nani eno nongu tuleqhivemo nani; ino nongu shosu nani eno nongu nhuvemoke. Ino nongu shou kutsakungo keu sughikeuno imlo ghime kije shivetsuake.

Sumi Naga CL (Re-edited) Bible (BSI)

¹⁰ Nongu no aghakhu hipau lo xüaye, I no nongu sünheqhi mono xaqhe pukuni; I no nongu nhüve mono shosüni; kughengu I no nongu shou kütsakungo süghi keu lo Ni ye amlo ijuvae.

JEREMIYA 42:10 ပူးပေါင်းရင်းမြစ်များ

SAMUEL AKINIU 24:16

Kughou AMPEU wu kungumino Jerusalem ghi shipsave tsuniye kuto akelono AMPEU no timiqo ghimeqhi akeu lono pa mlo kiliveno kungumi panongu heqhi pithi akeu vilo ishi pive, “Tavelo! Ti kughomae!” Tile kungumi huye Arauna, Jebusimi niqalo ngoveke.

LESHELE 102:16

Kughou AMPEU no Zion shiqheki theni keno tileno pano paye kiutoi kijekeno pephepiye nani.

LESHELE 106:45

Panoqo ghenguno pawu puloshoqhi kumsuchilelu, eno pawu kikimiye kije akeu lono pa mlo ighiveche.

LESHELE 37:3

AMPEU lau pukhukeu alo eno akivi mlalo; tishianguno ayeghilo xulu nani eno sushokulu anani.

LESHELE 69:35

Pano Jerusalem xalu nani eno Juda yeghilo taun akeqo putu kithe nani. Pawu timiqono tilehi kughuna nani eno ayeghi pighilu nani;

IPEKULU 32:14

Ike AMPEU no pa kukumsu kilive eno pawu timiqo shou kutsa kungo nikeu shi shikichi akeu sughimove.

JEREMIYA 24:6

Ino panoqo jukutope khe anani eno hipau ghakhulo panoqo sachile saghi nani. Ino panoqo shiqhepuku nani eno panoqo suthapiniyivemo nani; ino panoqo shosu nani eno panoqoye nhuvemo nani.

JEREMIYA 26:19

Akukau Hezekiya ngo Juda lo akemiqoye Mika pithiveke kumoe. Tishinike zuqhulo, Hezekiya no AMPEU sumsave eno pa pulou shilu nike pukaputsake. AMPEU no panoqo shou kutsakungo keu sughi nikeu shi pipuakeu lono pa kukumsu kilive. Itehi ghi ninguno ni likhi nishou akumsapu kutsakungo keu sughiniye anie.

JEREMIYA 27:11

Ikemu ashiayeh khipaqono Babilon kukau qholo ngoluveni keno, tileno ino tipau pelo pano yeghilo ngoalu, tile alu chilu eno tilehi kughuna lu pe nani. Ni, AMPEU no piqhiveake.”

JEREMIYA 31:28

Ino panoqo nhuve, tulaqhi, haleqhi, kutsale eno tulenikelo kutokupui shike toi ino jukutokugho puzu panoqo shosuni eno panoqo xaqhepuku nanike.

JEREMIYA 33:7

Ino Juda ngo Israil pesu kinikulu shitsu nani eno panonguye puzuu kishi akeno titoi ino panoqo xaqhepuku kithe nani.

JEREMIYA 43:4

Ikehu Johanan pina aghushimi kijemi momu timiqo pinamu AMPEU no ahza tsukeu gholu puzu Juda yeghilo auvenikeu shimove.

EZEKEL 36:36

Tileno acheaxulo ashiayeh akeqo puxupe puaghi keqono ni, AMPEU no aphughiqo ixapinyive keu shipuku kithevetsu, aluza hailovekeu shosukithetsu kepi panoqono ithi nani. Ino hipau shitsu nani kepi ni, AMPEU no tushoqhivae eno ino shitsuni putsake.”

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

JOYIL 2:13

Nongu mlo kughuta shikeu huno nongu mlokusa piyelo; Nongu phimini suxuve keuno lumkhake kumoe.” Nongu Lhou AMPEU lau idechile ighilo. Paye kimiyekini eno kupukeuno chhitoike; paye kheakulu eno pano piqhivekeu pecheni; Paye pulhapujulo axine pevetsunike kutope ani eno ghimeqhimo nanike.

AMUS 7:3

AMPEU no pano kumsupu akeu kiliveno ishi pi, “Nono kiu ithulu akeno tipauye shipemo ake.”

AMUS 7:6

AMPEU no pano kumsupu akeu itaghi kilive eno ishi pi, “Hipau ghi shipemo ake.”

JONAH 3:10

Panonguno kiu shikeno Alhou no ithulua; panoqono ghushoghili lhoksa shichekeu qhivekeu pano ithuluve. Tighenguno pano kumsupu akeu kiliveno panongu ghimeqhini pipuakeu shimove.

JONAH 3:4

Jona no aphughi kathasu wuno ghulo lakhi lache thiu pano ishi asheshu, “Atsala lhobidi dolono Nineve ye kutsaleveni cheni!”

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

Apostolmi 15:16

‘Hipa tikhau ino xaideghi nani; eno David ki ilaqivekeu ino shikithetsu nani. Hi ixapinyi akeu ino shikithetsu nani eno hipau pelo itaghi puthugholupe nani.

ZAKINIU 32:36

AMPEU no pawu timiqo xaphelu nani tiye pano kuka kuhave keu pano ithulu kethiuno. Paqe chekemi shou pano amlo ighiqhiyi keu anani; tiye panoqoye akukuphu kuhakeu pano ithulu kethiuno.

XAKUTHAMI 2:18

Kughokughomu AMPEU no xakuthau lakhi tsu aye, AMPEU no pa kuphuno aghumi ulono timiqo xaphe luno pa kuxu tivilo aloinolu chepeke. Ghichhe ghimeno qhasupe akeu lono igha khuke ghenguno AMPEU no panongu kimiyeve cheke.