JEREMIYA 41:5 - BAIBEL (BSI)

⁵ Shekhem ngo Shilo eno Samaria kudauno timi lhotache ighive. Panonguye panoqo kichi mhi miyeve, panoqo phimini suxuleve eno pano likhi panoqo phi au kiheleve. Panonguye Achinekilo akumllagho tsunike athi ngo tsungquikeu ta pesu cheke.

Sumi Naga CL (Re-edited) Bible (BSI)

⁵ Shechem, Shiloh, eno Samaria lono timi lhotache akichimhi miyeve, aphimini ixü, eno aphimpi kihelepe athi kümllagho ngo axokütsüngü pesü achineki lo Ampeu lau ighi.

JEREMIYA 41:5 ပူးပေါင်းရင်းမြစ်များ

BOTHUBO 33:18

Mesopotamia lono ide susu chekelo Jakob ye kiumu kupunamono Kanan yeghilo Shekem phu tolue. Eno tipa phu kipela kudau pa phiki shipe qhie.

BOTHUBO 34:2

Tipaqhalo ayehkipeu Hamor nu Shekem no li ithulu no sunheluveno li sasu zuve eno li shikuchhubeveke. Paye tipa qhalo atou shiacheke.

BOTHUBO 37:12

Josef pamunoqoye panongu papuh wu bheri loji sasu achukumzaniye Shekem lo wuve.

SAMUEL AKINIU 10:4

Tileno Hanun no David qemi kughaluveno panongu kichimhi tuxa miyevetsu eno panongu phikukuzu aikughi kutolo suxulave tsu panongu hachile puwove.

KUKAMI ATUGHIU 12:1

Rehoboam ye Shekhem lo wuve, Israil shiyeh ahuu akeqo kumtsu kuhono pa pesu akukau shiluve.

KUKAMI ATUGHIU 12:25

Akukau Jeroboam ye Shekhem taun Efraim yeghi toghelo ake aliwo aloqhi putuveno tilehi ado kitila ache. Tipathiu a-a tipau qhiveno Penuel taun lo aliwo putuveno tile ngoluve.

KUKAMI ATUGHIU 16:24

eno tsandiyi 6,000 pesu timi lakhi paje Shemer ipikeu launo Samaria toghi qhulu. Omri no tipau toghi homxa aliwo shive eno taun tile mlasuluve, tipau taun pesu inahuu tipau to pighiu Shemer je lono Samaria ipi aje kuvetsu.

KUKAMI ATUGHIU 16:29

Asa no Juda lo kakeu mipe shighi akutacheu shi ake lono Omri nu Ahab no Israilmi shou akukau shiluveno paye Samaria lo ampe muku kini ayehpelu.

KUKAMI AKINIU 25:9

Pano Jerusalem lo Achineki, akukaki eno timi atomiqono ngochekeu ki kumtsu pitikhavetsu,

YEKIKITHI ATUGHIU 19:4

Ike Hanun no David tsapemi sunheluveno panongu gilo amkhumhi miyelevetsu, panongu phimini apukhu kutolo suxula piniyive tsuno panongu kighide puwove.

LESHELE 102:14

Oqemino li kimiye cheni, liye kutsapinyive ayeathono; liye ixapinyive pinamu panonguno li kupukeu ani.

LESHELE 78:60

Pano Shilo lo achekeu akumlla phiki phevetsu, tile ngo puzu ningu sasu achekeu alo.

ISAIAH 15:2

Dibon lo kuamino chiniche keu alo qa-mloni aye naghutolo iqhoke. Muabmino Nebo ngo Medeba phughi shou amlo kusashi qahke; panonguno amlokusa launo akutsusa ngo akichimhi miyeveke.

JEREMIYA 16:6

Hipau yeghilo kinimi ghi kumlhomi ghi thive nani, ikemu milakhinomu panoqo kumo shiqho momu panoqo ghenguno qani mlomo nani. Timi khuumu amlo kusa shi akeushi ashi aji ghalekeu momu akutsusa miyevemo nani.

JEREMIYA 41:4

Tishiwo thoghiu, timi khunomu Gedaliya ghiqhivekeu mtha aphi lono,

JEREMIYA 47:5

Gaza lo akemiqo shou amlo kusapu kije ighivae, eno Ashkelon lo akemiqoye inaqhoivae. Filistiya halau akeqoye khitotohi muloqa anani kya?

JEREMIYA 48:37

Panoqo kumtsu panoqo kutsusa miyevae eno panoqo kichimhi tsalevae. Panongu kumtsu panoqo ulo kihethale pesu ani eno kumtsu ghano yeqhiye phi uani.

JEREMIYA 7:12

Shilo lo wulo, mlla penikeu-a ino kishelu tughiu-a lakhike, eno iwu timi Israilmi xine ghenguno ino tipau pesu kiu shive keno julo.

JEREMIYA 7:14

Tighenguno Shilo shou kiu shikeno nonguno pukhu achekeu ichineki hipau shou ghi ino shitsu nanike. Ino nongu puasu ngo nongu tsukeu-a hipau lono ino Shilo shou shike paphi lono ino tipau shinanike.

JOYIL 2:13

Nongu mlo kughuta shikeu huno nongu mlokusa piyelo; Nongu phimini suxuve keuno lumkhake kumoe.” Nongu Lhou AMPEU lau idechile ighilo. Paye kimiyekini eno kupukeuno chhitoike; paye kheakulu eno pano piqhivekeu pecheni; Paye pulhapujulo axine pevetsunike kutope ani eno ghimeqhimo nanike.

ZAKINIU 14:1

“Nonguye AMPEU Alhou wu timiqoke. Tighenguno thivekemi ghenguno nonguno mloqa kevilo, kutamino shicheke toi noshi ghale momu nokutsulo asa agizuu akeu miyele kevilo.

JOSHUA 18:1

Panonguno ayeghi leluveke thiu, Israil shiyeh kumtsu Shilo lo kuho eno AMPEU no ngoche keu phiki shive.

JOSHUA 24:32

Josef sukumoye Israilmino Ijip lono peighi eno Shekhem lo qhove, tipa yeghiye Jakob no Shekhem papu Hamor nuliqo launo ghuka 100 pe qhukeu yeghike. Tipau yeghiye Josef tianuliqo mheghi shive keuke.

XAKUTHAMI 18:31

Mika wu ajulho lhou ye Shilo lo Aphiki lono Alhou mllauve kethiu kuto lo qhipua cheke.

XAKUTHAMI 9:1

Gideon nu Abimelek ye Shekem taun lo wuve, khilehi pa ngulimi no achekeno, eno panongu pelo

SAMUEL ATUGHIU 1:7

Hitoi ampe kushuwa tishi cheuve, kugho kughomu pama kumtsa AMPEU kilo wu aye Peninna no Hanna mlo ighono shipsave tsuno Hanna ye qakeghi qauveche eno kumu chusho move che.