JEREMIYA 41:2 - BAIBEL (BSI)

² Ishmael ngo pa gholo timi chighi akeqono panoqo zutakihi sujo pesu Gedaliya ghiqhive.

Sumi Naga CL (Re-edited) Bible (BSI)

² Nethaniah nu Ishmael ngo pa gholo timi chighi chekeqo no panoqo zütakikihi süjope Babylon kükau no süsü keu angh Gedaliah ghiqhive.

JEREMIYA 41:2 ပူးပေါင်းရင်းမြစ်များ

SAMUEL AKINIU 3:27

Kughou Abner no Hebron lo ighilu keno Joab no khagho lono pa vilo kiwana tuqhou tsa pinike toi pa kupunu susu ighino tipa alono apo lono pa jiqhi pithive. Hitoi shi no Abner heqhi pithive kughengu pano Joab thikuzuu Asahel heqhi pithi puakehu.

KUKAMI AKINIU 25:25

Ikemu tipa mpelo aqhi akutsuniu lono Nethaniya nu Ishmael eno Elishama tilimi, kije lagha lono ighikeu kibolomi huno pa gholo timi chighi sasu Gedaliya le ighino pa pithive. Pano Israilmi ghi eno Babilonmi Gedaliya gholo ngo aghikeqo ghi heqhivetsu.

LESHELE 109:5

Panonguye akivi zuqhulo alhoksa eno kikimiye zuqhulo kimthikeu pesu itsuchile ani.

LESHELE 41:9

Ishou kiviu, khikhi ino pukhube acheni keno eno isasu kuchukusho lakhi shichekeu thotsu ilau chhophekugha vesu auvae.

JEREMIYA 40:14

pa vilo pi, “Amun kukau Balis no oghiqhive penike Ishmael puwukeu noye mtha kesha?” Ikemu Gedaliya no tipau pulutsumoe.

JEREMIYA 40:16

Ikemu Gedaliya no ishi khochileve, “Tipau shikevilo! Nono Ishmael ghili kiu piani keno tiye kuchou kumoke!”

JEREMIYA 40:5

Ino kiumu khochilemo kelauye Nebuzaradan no pi, “Ahikam nu Gedaliya lau idewovelo, pasuye Shafan ke; Babilon kukauno pa pelo Juda lo taunqo shou ahng shipe qhipuanike. Noye pa gholo ngolu nani eno timiqo gholo xuachelo momu nono khile khilemu wukepushi kumsulukeulo wulu nanike.” Tishi puzu pano agho lakhi itsuke eno ipelo wuvepeke.

JEREMIYA 40:7

Judami kijemi ngo ghushimi khamiye qhoi liqhipe tsuvekeu shimove. Babilon kukauno Gedaliya pesu aghakhulo Ahng shivepekeu eno tipa ghakhulo kumlhomi khijehi Babilon lo sawumono qhivekeno tipaqo shou ampiu shipe nike Gedaliya pichevekeu panonguno chiluve.

JEREMIYA 40:8

Ikehu Nathaniya nu Ishmael, Kareya nu Johanan, Tanhumet nu Seraiya eno Netofa lo Efayi nuliqo eno Maaka lo Jezaniya ishino panoqo wu timi sasu Mizpa lo Gedaliya lau wu.

JEREMIYA 41:3

Ishmael no Mizpa lo Israilmi khijehi Gedaliya gholo aghikeno tipaqo kumtsu ghiqhive eno Babilonmi ghushimi tilehi aghikeqo ghi ghiqhikhave.

John 13:18

Niye nongu kumtsu ghenguno piamoe; ino khunoqo kishelukeno ino ithi anie. Ikemu kuchoyesulo akeu kupuve masa kehu, ‘Igholo kumtsa chukeu timi huno ishou chhophisue.’