JEREMIYA 4:31 - BAIBEL (BSI)

³¹ Totimino anga atughiu punu nikelo ighakeu sutsa lakhi toike. Tiye Jerusalem no atuthu sheku- kunokeu ghughake, lino au chhopesu, “Ighenguno ahakusapue! Panonguye iheqhiniye chenike!” ipike.

Sumi Naga CL (Re-edited) Bible (BSI)

³¹ Topumi no apunu küsü ghügha shi aketoi I no chilu; li no anga punu tüghülo ijuke toi Zion limi ye atuthu shekukuno qa ani, li u chhopuwu ani, “I hasapue! Ghikiqhimi zülo ni ye thiqhi ani.”

JEREMIYA 4:31 ပူးပေါင်းရင်းမြစ်များ

BOTHUBO 27:46

Rebeka no Isak vilo pi, “Esao nipu Hatilimi qo ghenguno ikuxu azuzuvae. Tsala Jakob ghi Hatilimi lu napi aye ikuxu xu akuzupu kumoe.”

JOB 10:1

Ikuxu ju ingaghai vae, imlo kishikumo kuqhole niae, ikuxu kukhu kimji qhemi lono piniake.

LESHELE 120:5

Nongu gholo xunikeuye Meshek lo alhoksa shi xuake toike, momu Kedar timiqo gholo aketoi.

ISAIAH 1:15

“Kughou nonguno au peqhe pe inikhuni keno niye nongu lau jupuwumo nani. Nonguno khijejehi inikhu anamu niye initsumo nani kughengu nongu ulo aji dapusu anike.

ISAIAH 13:8

Panongu kumtsu thughuive nani eno akusu ghimeno panongu tshuluve nani tiye totimino apunu kusu suakeshi nani. Panonguno musaqhiyi lakhino lakhi junani eno akukujono panoqo gi pitiqhi nani.

ISAIAH 21:3

Kungunhetsu lono ino ithulu eno chilu keuno akuighupu eno sakutui keuno ichhitoivae, hiye totimi lakhino punu niaye su akeu kusu toike.

ISAIAH 26:17

No, AMPEU no ningu pelo totimino apunu kusu suakeshi aghime launo igha peke.

ISAIAH 42:14

Alhou no pi, “Ado kushuwalo niye inaqhoi ngoveke; niye iwu timiqo putsamoveke. Ikemu itehiye ino shimasakeu do ighivae; totimino apunu kusu suake toi niye ighamuku ani.

ISAIAH 6:5

Tileno ino pi, “Ighenguno ahakusapuake! Niye puhaveniake! kughengu niye akichi mithemokemi ke eno niye akichi mithemokemi gholo xua chenike. Ikeghi, inhethi ampino Akukau, aqokitikhi MPEU ithuluveake!”

JEREMIYA 10:19

Jerusalem lo akemino ighamuku pi, “Shishe akumsapu shi ninguye izavae! nizakuqoye vimo nani. Ninguno kumsukeuno ninguye hipau puqhekulupu shi nani kepi acheke!

JEREMIYA 13:21

Kughono nongu shompami kepi nonguno kumsu chekeqono nongu leluve eno nongu shou ayehpe aye nonguye kiu pinani kya? Nonguye totimino punua kelo toi aghime kusu shi nanike.

JEREMIYA 14:18

Kughou ino aluzalo wuju keno, aghukishi lono thivekemi sukumo ino ithulu; kughou ino taunlo wuju keno, akhu-ava lono thivekemi ino ithuluke. Tungkupmi ngo achinemino pano kumla mla ake ikemu panonguye kiu shiani keno panonguno ithi amoe.”

JEREMIYA 15:18

Kushiye niye ishi ime akepushi kya? Kushiye ighuzakuye vimlakeu kya? Kushiye vimla nikeu shiauve kya? Noye mutsu tsalalo aghoki lakhi qhaiveke toi ilo shipusu tsu nike kumsupu ani kesha?”

JEREMIYA 18:21

Ikemu itehiye O AMPEU, panoqo tianuli pelo akhuava shi thive pelo; panonguye aghukishi lono pithive pelo. Totimiqo pelo panoqo kimi ngo atianuli puhave pelo; kiptimiqo pelo kusukini lono thive pelo eno lhothemiqoye aghukishi lono pithive pelo.

JEREMIYA 22:23

Libanon kudauno Kedar sughikeu gholo nonguno sushokulushi ngo cheke; ikemu kughono akusupuno nongu hekuluni keno nonguye amlo kiyighipu shi nani, sakutukeu tiye totimino apunu kusu shiake toi nani.

JEREMIYA 30:6

Itehiye ngovelo eno kumsujulo! kiptimi lakhiye anga punulu nani kesha? Tishiaye kushiye timi kumtsuno pau pesu achita tsuqupesu totimino pununiye suake shi ani kya? Kushiye timi kumtsu ighono phalai ani kya?

JEREMIYA 45:2

Tileno AMPEU, Israil Lhou no pikeu pesu ino pa vilo pi, “Baruk, nono piakeuno

JEREMIYA 48:41

eno taunqo ngo aliwo qoghe kumtsu khasupe leluve nani. Tipa tsalani, Muab lo ghushimi qoye totimino apunu kusu suake toi musa-ichive nani.

JEREMIYA 49:22

Aghumino aluquno achishibo sukhopesu ihi iqighi keshi Bozra leighi nani. Tipa tsalalo Edom wu ghushimiqoye totimi no punu akeshi kichiqhipe ngove nani.”

JEREMIYA 49:24

Damaska lo kuamiqoye miqemileike eno thughuyi musaveno kohavae. Panonguye totimino punu akelo toi su ani eno kumsa kimishipulo ani.

JEREMIYA 50:43

Babilon kukauno sutsa kithe chilu, eno pa phi-au thizumuyive. Amlo kukupunano pa meluve, tiye totimino apunukusu suakeu toike.

JEREMIYA 6:2

Zion phughiye jukivike ikemu tiye kutsaleve nani;

AKUMLO 1:17

‘Ino i-u sukhopesu ake, ikemu khunomu ilokughuno tsumlae, AMPEU no acheaxulo kuami kumtsu pesu ighumi shipe; Panonguno niqhunilai keu nhemgha toi ipeitha.

AKUMLO 1:20

“O AMPEU, imlo ghujushi akeu jutsulo, imlo kusashi akeu jutsulo! Ino hebidekeu xine shike ghenguno imlo ipopinyive ake. Alaghilalo ghiqhile ani eno aki sholokuu ghi akithipu ani.

AKUMLO 2:21

Ahelomi ngo kitemi aphiphishi alaghilalo thi ani, Apumi ngo ilimi aghumi zutano pithive. Omlo kighide tsalalo kimiyemo puzu nono panoqo ghiqhive.

HOSIYA 13:13

Israil ye xukulupu dokivi sholuke eno tipau lunikeulo izuzuveke, anga lakhi pununiye shiakelo atita lono ipemopi auvekeu toike.

MICAH 4:10

Jerusalem lo akemiqo, totimi lakhino pununiye akelo toi pidepukhu ihi puzu ighalo, kughengu nonguye aphughi qhive no aluzalo auniake. Nonguye Babilon lo wukepu shinia ikemu AMPEU no aghumi launo nongu xalu nani.

MICAH 4:9

Noye kushiye tishi vekipighi igha ani kya? Noye kushiye totimi apunukusu su akemi toi shilukusa shiani kya? Tiye nokukau kuhake ghenguno keo akukumsu tsuchekemiqo thive kehu kesha?

MICAH 7:1

Niye ahakusapuke! Niye muzuthi kemi lakhino asubolo axathi kuhave aghikeu eno atsayibolo atsayithi kuhave aghikeu sholu akeu toike. Atsayithi kumtsu eno khughuthi chukivi kumtsu xoluve aghikeu sholu akeshike.

MATTHEW 21:5

“Zion phughi vilo pilo: Julo, okukau olau cheni, Paye ivunheyikemi eno gadaha lakhi shouno cheni, Paye gadaha ti lakhi shouno cheni.”

1 Kor. 9:16

Kughengu ino lokivipu tsa asheshuke ghenguno ikijivilopu kiumu akuzupu kuhae, kughengu tishi penike ahza itsu puanike. Ino lokivipu tsa pesu asheshumo aye ighenguno tiye kiutoi akuighupukela!

1 Thes. 5:3

Kughou timi no, “Thwokha iquneyi eno achipishi akhanie,” ipi akelono zuleno shiluksa puluksano totimino anga pununiye suakeshi timiqo shou ighi nani eno panonguye povemla nani.