JEREMIYA 4:27 - BAIBEL (BSI)

²⁷ (AMPEU no pikeuno ayeghiqha kumtsu asa itsumo keu shive nani, ikemu paye tipau qhoi shipusa khavemo nanike.)

Sumi Naga CL (Re-edited) Bible (BSI)

²⁷ Kughengu Ampeu no ishi piani, “Ayeghi kümtsü pighive niae, tishimu Ni ye qhoi kishekhave tsümo nani.

JEREMIYA 4:27 ပူးပေါင်းရင်းမြစ်များ

YEKIKITHI AKINIU 36:21

Tighenguno AMPEU no tungkupu Jeremiya vechewo kiu pipuakeno tipau ye shikupuve: “Ayeghi ye ampe lhotsuni kughukughaleive nani, tiye Sabat kulhokiqhi ikhilu mono achekeu shilu peniyeke.”

NEHEMIA 9:31

Tishimu okikimiye ye kije kehu noye panoqo qhivemoe momu panoqo pughave moe. Noye kupukini eno kimiyekini Lhou ke!”

ISAIAH 17:6

Timi aghulo likhi ghupuaghive nani eno Israil ye oliv subo lakhilo athi kumtsu xoluveno akkelo kinia kuthua likhi ghuvekeu toi nani momu aloka aqhou akeulo alothi lakhia kinia ghuvekeu toi nani, Ni, AMPEU Israil Lhou no piani.”

ISAIAH 24:1

AMPEU no ayeghi hepho pinyiveni cheni eno kughukughalei qhive nani. Pano ayeghi gi suchighi nani eno tipaulo timiqo kutholeve nani.

JEREMIYA 18:16

Panonguno hipau yeghi pesu jukichi kepu eno pulhapujulo jukimthipu shive tsuake. Tipau veche wuchekemi kumtsuno jukichipe kutuxoxoke. Panonguno akumzaqhiyi kelauno akutsu kunguke.

JEREMIYA 25:11

Hipau yeghiqha kumtsu ixapiniyi qhive nani eno jukichi kepu shive nani, acheaxulo akeu shiayehqoye ampe lhotsuni ghenguno Babilon kukau qe nani.

JEREMIYA 30:11

“Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsaleve nani, ikemu niye nongu kutsale vemo nani. Niye nongu ghimemono puwuvemo nani; ikemu ino nongu ghimeqhi keulo aghibiu lono shi nani.”

JEREMIYA 4:20

Kutsakungokeu lakhino lakhi papecheni; aghakhuqha kumtsu shipusa khavetsua. Zuleno niphiki kutsakhave, tipau nhaqhi phi suxupinyivetsu.

JEREMIYA 4:7

Abongushuno pa kughutshua lono cheke toi, ashiayeh kukutsau lakhi chevae. Paye Juda kutsanike cheni. Juda lo aphughiqoye ixapiniyi qhive nani eno tipaqolo khumu kughuna move nani.

JEREMIYA 44:6

Tighenguno ino imlo kighide ngo iloghu pesu Juda lo taunqo shou eno Jerusalem laghilalo lepukuke eno ino tipaqo shou ami suvetsuke. Tipaqoye ixapinyi qhiveke eno jukumsapu shivetsu, ishi kutolo tishi anike.

JEREMIYA 46:28

Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsave nani, ikemu niye nongu kutsamo nani. Niye nongu ghimemono puwuvemo nani; ikemu ino nongu ghimekeulo niye aghibiu lono shi nani. Ni, AMPEU no piveake.”

JEREMIYA 5:10

Iwu timiqo tsayilu kutsavetsu penike ino aghumi puwu nani, ikemu tipaqo qhoyi kutsavepe monani. Alokaqo likhi xidive penike ino panoqo vilo pinani, kughengu aloka tipaqoye iwu kumoke.

JEREMIYA 5:18

AMPEU no pi, “Tipa tsalaqo loghi niye iwu timiqo qhoyi kutsakhave mo nani.

JEREMIYA 7:34

Aghakhuye asayeqha shive nani. Juda phughiqolo eno Jerusalem laghilalo alokivishi aloinokeu sutsa eno kulakupu ghulhulo alokivi sutsa kumtsu ino kuhavepe nani.”

JEREMIYA 9:11

AMPEU no pi, “Ino Jerusalem pesu ixapinyi kumqove nani, sherqo kungo-a shitsuni; Juda lo aphughiqoye asayeqha shive nani timi khunomu ngomovekeu-a shive nani.”

AKUMLO 2:7

AMPEU no pawu akiptia peve eno pa kimthe chineki kughukughalei vetsu; Pano aghumi pelo tipau putukha keu hepholeqhive penike pulosuvetsu. Ghuthu lakhi lo nino alokivishi mlla che keualo aghumino huttiauve.

EZEKEL 11:13

Ino tungkuptsa pi akelauye Pelatiya ye ikiqi thive. Ino igi pishiqhope ayeghilo dape puzu ighamuku pi, “O Akughushu MPEU, khilemu kumoe! Noye Israil lo ghu puaghikeqo kumtsu pithiveni kesha?”

EZEKEL 20:17

“Ikemu niye panoqo jupe amlo ighiqhive, eno timi kughuna moke-alo panoqo kutsalevemo nikeu momu panoqo pughavemo nikeu ino kughathave.

EZEKEL 33:28

Ino aghakhuqha pesu kughukughalei hauvekeu shivetsu nani eno panonguno akuka kumtoshi qheza chekeuye kishekhavetsu nani. Israil lo naghutoqoye shishe aghasa shive kehu khunomu tipaqo kathasu iqho iqimlave nani.

EZEKEL 6:14

Ino panoqo shou iu chopuwuno panoqo ghakhu kutsave nani. Apeu asayeqha lono ahuu Ribla phughi kutolo, Israilmino khilehi kughuna aghini keno a-a lakhimu ghutsumo no shipsa khavekeu yeghi ino shivetsu nani. Tithiuno kumtsuno niye AMPEU kepi ithi nani.”

ACHINE 26:31

ino nophughiqo xalepinivetsu nani, nonguno mllachekeu a kutsalevetsu eno nonguno aghashikeu ikhilutsumo nanike.

ACHINE 26:44

Ikemu tishive kelomu, panonguno pano ghumi yeghilo achephilo pinamu niye qhoi panoqo qhivemo momu kutsavemo nanike. Tishini keloye panoqo sasu ino puloshoqhi shikeu ashekha shiveni ake eno niye panoqo Lhou AMPEU ke.

ZEFANIA 1:18

AMPEU no pa loghu piyeke tsalalo, pano wu shunayi ngo tsandiyi kumtsu tsunamu panoqo xamla nani. Ayeghiqha kuchopu pa loghu mikuiquno pitileve nani. Pano ayeghilo akemiqo kumtsu zuleno akuxu shekha shivetsu nani.