JEREMIYA 4:15 - BAIBEL (BSI)

¹⁵ Dan phughi ngo Efraim lo naghuto akeqo kudauno asutsa kipemino alomokeu sutsa pikulha ani.

Sumi Naga CL (Re-edited) Bible (BSI)

¹⁵ Dan lo asütsa lakhi asheshu ani, eno Ephraim naghuto lono aküküpna kütüghü ani.

JEREMIYA 4:15 ပူးပေါင်းရင်းမြစ်များ

ISAIAH 52:7

Naghutoqo kathasu aghinikishimi ighikeuye kiutoi akumzapushi jukivipu kelae! Atsakiviu pecheni, alakishi sutsa kithe! Toluvekeu pano asheshu eno Zion vilo pi, “OLhou ye Akukauke!”

JEREMIYA 10:22

Inilo! Asutsa ighivae! Ahuu akeu shiayeh lakhilo muqhu- akeu kije ipeghi ani; tipaulo ghushimi lojino Juda lo aphughiqo asayeqha kughulhovetsu nani, eno sherno ngokeu-a shivetsu nani.”

JEREMIYA 6:1

Benjamin lo akemiqo, xulukepu shi polulo! Jerusalem launo polulo! Tekoa lo afuko kuyighalo eno Bet Hakherem lo amichipushi ami shilo. Kutsakungokeu eno hepho pinyikeuye ahuuno ighiniye kuto ani.

JEREMIYA 8:16

Ni ghumiye Dan phughilo iloghivae; panoqo wu khurshi no khur khur shi igha keu ninguno chilu ani. Kughou panoqo-u khurshi ighi keno aluzaqha kumtsuno itha ani. Nighumino niyeghi eno tile aghikeu kumtsu eno niphughi ngo tile timi akeqo kumtsu kutsave nike ighi ani.”

JOSHUA 17:15

Joshua no khochile, “Tsalatsa nonguno kutomo shive aghi aye eno Efraim yeghiqhano nongu ghenguno tulalove aye Perizimi ngo Refaimmi yeghi ghasulo ilolo eno nongu ghenguno a-a ghephelo.”

JOSHUA 20:7

Tighenguno panonguno Naftali to yeghiqhalo Galil lo Kedes eno Efraim yeghiqha tolo Shekhem eno Juda yeghi qha tolo Kiriatharba Hebron ipikeu kophelu.

XAKUTHAMI 18:29

Panonguno aje ghi Lais pe panosu Jakob nu jelono Dan ipi kukideve.

XAKUTHAMI 20:1

Israil yeghi ahuu Dan lono iqi Bersheba kuto, kipelau Gilead yeghi kuto lono Israilmi thaqu ye aghushinikeu kutothuve. Panongu kumtsuno Mizpa lo AMPEU zulo kumtsa amqo shi hekutsulu.