JEREMIYA 4:13 - BAIBEL (BSI)

¹³ Julo, aghumino khungkusu toi cheni. Pawu aghushi khurkulu ye miyitsu lakhi toike, eno pawu khurshiqoye aluqu nguno akumthuuke. Nighenguno ahakusapuke, ninguye thini putsake!

Sumi Naga CL (Re-edited) Bible (BSI)

¹³ Julo, pa ye khüngküsü toi cheni; paw khurkuluqo no miyitsü toi; paw khurshiqo no alhuqu nguno mthüthei, ningu ye ahasapue, ningu ye pühavae!

JEREMIYA 4:13 ပူးပေါင်းရင်းမြစ်များ

SAMUEL AKINIU 1:23

Saul ngo Jonathan pamaye akumzapu eno kimiyekepu kumtsa xu ache eno kumtsa thivae; aluqu nguno akumthuu eno abongushuqo nguno akumtou ke.

ISAIAH 13:5

Panonguye ayeghi aghache lono ighi, ayeghi shekha lono ighi ani. Pa loghu lono AMPEU ye ayeghi kumtsu hexa pinyive nike cheni.

ISAIAH 19:1

Hiye Ijip ghenguno atsape lakhike. AMPEU ye khungkusu shou iku puzu muthuthei Ijip kudauno cheni. Ijip lo ajulho akeqoye pa zulo khokhoshi ani eno Ijip lo akemiqoye amlo kuloghi hauveno ani.

ISAIAH 3:8

Kughengu Jerusalem ye xale qhivae! Juda ye ikiqivae! Panonguno pi shikeu kumtsu AMPEU hebide anike; panonguno kumtsu nhekithe lono AMPEU phimo gihumoke.

ISAIAH 5:28

Panoqo piji ye tsughaminhei eno panoqo suzuye kapuwu nike kutope ani. Panoqo wu khurshi pukhu mutsuye atu kumka toi mughachhoi ani eno panoqo wu khurkulu ye miyi tsutsu toi poveholu ani.

ISAIAH 66:15

AMPEU ye ami gholono ighi nani. Paye pano aloghu ide akemi ghimeqhinike pasapagha chishibo shou iku nani.

JEREMIYA 10:19

Jerusalem lo akemino ighamuku pi, “Shishe akumsapu shi ninguye izavae! nizakuqoye vimo nani. Ninguno kumsukeuno ninguye hipau puqhekulupu shi nani kepi acheke!

JEREMIYA 4:12

AMPEU no ahza tsukeu lono ighikeu mulhuye tinguno akumkau shi nani! Tiye AMPEU ampino pawu timiqo shou kughakutha pibe anike.

JEREMIYA 4:31

Totimino anga atughiu punu nikelo ighakeu sutsa lakhi toike. Tiye Jerusalem no atuthu sheku- kunokeu ghughake, lino au chhopesu, “Ighenguno ahakusapue! Panonguye iheqhiniye chenike!” ipike.

JEREMIYA 46:18

Ni, Aqokitikhi MPEU no akukauke, niye xuachekeu Lhou ke. Tabor naghutono naghuto kutau nguno qhemghai akeshi, Karmel naghutono azughi shou chuqumughai akeshi, ole ighi nikeu kuka kumtoye titoike.

JEREMIYA 48:40

AMPEU no tushoqhive ake aluqu lakhino pa chishibo sukhopesu tsu-iqi keshi ashiayeh lakhino Muab shou iqighi nani

JEREMIYA 49:22

Aghumino aluquno achishibo sukhopesu ihi iqighi keshi Bozra leighi nani. Tipa tsalalo Edom wu ghushimiqoye totimi no punu akeshi kichiqhipe ngove nani.”

JEREMIYA 6:23

Panonguye panoqo suzu eno azutakihi pepuluvae; panoqoye ayikusa eno kimiyemo mithe kemike. Panonguno khurshi shou chechekelo tiye azughi ghugha toi asutsa shicheni. Panonguye Jerusalem shou aghu shi nike kutope ani.”

JEREMIYA 9:19

Zion lo ighakeu sutsa inilo, “Ninguye hephokicheivae! Ninguye qhoi shikukujo khavae! Ninguye nighakhu qhive masavae; nikiqoye hexapinyi tulaqhivae.”

AKUMLO 4:19

Aluquno kunguuno kutsukhoi ihi qighikeu nguno akumthuushi panonguno ningu hakuqoqhi. Panonguno naghutolo nipapesu ighive, asayeqhalo paikhavino panonguno nihaluve.

EZEKEL 26:10

Panowu khurshi qono ithakeu lono khughu ikughikeuno nongu nhapholuve nani. Panowu khurshi qono akho sunhekeu eno khurkulu sunhekiche sasu aphughi ixapinyive keu kikha vechewu chekeu sutsano nowu akuptu atupikiye sukughutha nanike.

EZEKEL 38:9

Pa eno pawu aghushimiqo eno pa gholo ashiayeh kutami kutomo akeqono pasapagha toi leighi nani eno khungkusu lakhi toi ayeghi nhaluve nani.”

DANIEL 11:40

Siriya lo akukau ghenguno atsala ashekha ighi nike kupunu sheveke mtsa, Ijip lo akukauno pa leighi nani eno Siriya lo akukauno pa kuka pagho pephe mujo chile nani, aghu kishi khurshi eno zukilu peitha nani. Pano aphughi kutomo amghazu kuqo toi ighino le nani.

DANIEL 7:4

Atughiuye abongushu toi ithulu, ikemu aluqu chishibo pu. Ino tipau jupulano, achishibo ita ikiqive. Tughashi khape puthu puzu timi toi puthughovepe. Timi kukumsu pa lolo suvetsu.

HOSIYA 8:1

AMPEU no pi, “Kutughukeu sutsa shilo! Aghumino aluqu toi iyeghilo tsuiqighi ani! Iwu timiqoye ino panoqo sasu puloshoqhi shikeu kuboleve eno ino kutsupiye keu shou kumjo anie.

MICAH 2:4

Tipau ghuloki ighiaye, timino nongu ghili pesu kutsakungokeu kichekipiye shi-ghi lhewo nani eno nonguno puju shiju akeu phewo nani. ‘Ninguye qhoi shipsakhavae! AMPEU no niyeghi ikhiluvetsu nikugha sasu akughu shiuvekemi lau tipau tsuvae.’ ”

NAHUM 1:3

AMPEU ye mlalei aloghu ide chemoe, ikemu paye akuka kumtouke, eno kuquvekeu khilemu ghime- mono puwuve chemoe. AMPEU no khile chewuni keno pasapagha ipeghi cheni; khungkusuye pa pukhuno hekutho keu mukhuke!

HABAKUK 1:8

“Pano wu khurshiqoye angushu nguno akumthuu, muzuthi akeu tine nguno ayikusauke. Pano wu khurshi shou ikuno ala kushuwa lono ighi ani; pano khurshiqono ayeghi pighe. Aluquno achuyi yiluni kelo toi panonguno fufushi iqighi cheni.”

ZEKHARIA 6:1

Ino kungunhetsu kutau lakhi ithulu. Hipau tuqhuloye khurkulu bidi alazayi naghuto kini dolono ipecheghi keu ino ithulu.

MATTHEW 24:30

Tileno Timi Nu michipu atsutsulo ipeghi nani, ayeghilo ashiayeh kumtsu mlo-qah nani, Timi Nu no khungkusu lo akuka eno akimthe jukuvu lono chekeu timiqono ithulu nani.

ZAKINIU 28:49

Ayeghi shekichi kudauno AMPEU no ashiayeh lakhi nongu shou saighi nani, tipau shiayeh tsa nonguno mthake. Panonguno aluqu toi nongu shou kuptshupe ikughi nani.

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.