JEREMIYA 4:1 - BAIBEL (BSI)

¹ AMPEU no pi, “Israil lo akemiqo, nonguno ideighini aye ilau xaideghilo. Nonguno ino jumithichekeu julho ikhipeve aye eno ilau amikucho shi aye

Sumi Naga CL (Re-edited) Bible (BSI)

¹ “Nono ideighini aye, O Israel, Ampeu no asheshu, no ye I lau ideighi masae. Ow aphikümqhüpu thimeqo nono I zülono ikhive no ithamo aye,

JEREMIYA 4:1 ပူးပေါင်းရင်းမြစ်များ

BOTHUBO 35:2

Ike Jakob no pa kibolomi eno pa gholo akemi kumtsu vilo pi, “Nongu gholo inami lhouqo khije ani keno qhivelo, nongu likhi-nongu shikimthevelo eno nongu phimini kilivelo.

KUKAMI AKINIU 23:13

Josia no akukau Solomon no Jerusalem kipela kudau Oliv to chhiliu akumlla-a shikeu khipa-a lono aghuthikusu lhou Astarte, Sidonmi lhouliu, Khemos Muabmino mllachekeu lhou eno Amunmi lhou kumlla-a hipaqo kumtsu kughukughalei qhivetsu.

KUKAMI AKINIU 23:24

Achinetou Hilkiya no Achineki lono ithulukeu yezah kakulo yepua ketoi pimhe wonike ghenguno akukau Josia no Jerusalem lo eno Juda yeghiqhalo tusatumo eno saqhi-sali shichekemi, akilo qhichekeu lhouqo, asu-atu eno ayekumthalo pimhe chekeu khuayeh kumtsu ikhi pevetsu.

YEKIKITHI AKINIU 15:8

Oded nu Azaria no tungupu tsa pikeu Asa no chilu keulo paye amlo kumto shiluve. Pano Juda ngo Benjamin ghakhulo ajulho aghikeqo kumtsu pevekhave eno Efraim ato yeghilo aphughiqo lono ajulho lelukeqo ghi kumtsu peve khave. Pano achineki kikhalalo AMPEU wu akiptia akeu ghi shikitheve.

YEKIKITHI AKINIU 33:8

Israilmi no aghokulu shi ino ahza tsukeu pelu eno iqeu Muse no panoqo tsukeu Ayezah kumtsu pelu aye tithiu no ino panoqo puasu tsukeu yeghi lono panoqo haphevemo kepu shi nani ke.”

YEKIKITHI AKINIU 34:33

Akukau Josiya no Israilmi ghakhulo aphi kumqhupu suatu julho akeu kumtsu kutsaleve ke eno pano xuake thaqhulo timiqo pelo AMPEU panoqo puasu Lhou qepemasa kepu shitsu.

ISAIAH 31:6

AMPEU no pi, “Israil lo akemiqo, nonguno ishou axine shike eno imujochileke. Ikemu itehiye ilau ideghi lo!

JEREMIYA 15:19

Ishipikeulo AMPEU no khochile, “Nono xaide ghi aye, ino osachilelu nani eno noye itaghi iqeu shipe nani. Akukumsu kuhakeu tsa pinikeu zuqhulo nono amekuapu tsa pesu asheshu aye noye itaghi iwu tungkupu shiluve nani. Timiqono olau ideighi nani eno noye panoqo lau wukepu shimo nani.

JEREMIYA 15:4

Ino ayeghiqhalo akemi kumtsu pelo panoqo jupesu akumsano kutuxoxoyivepe nani tiye kughenguno kumono Hezekiya nu Manase no Juda lo akukau shiakelo Jerusalem lo shikeu ghengunoke.

JEREMIYA 18:11

Tishiaye, itehiye Juda lo ngo Jerusalem lo akemiqo vilo niye panoqo shou akumou shinikeu pughupe ani eno panoqo ghimeqhi nikeu kutope anike pilo. Panoqo vilo axine shikeu kuxu qhivelo pilo eno panongu laghi kililuve eno panoqono shichekeu kililuvelo pilo.

JEREMIYA 24:9

Ino kutsakungo keu lakhi pakutakeu panoqo shou sughikeulo ayeghiqhalo ashiayeh kutami kumtsuno thughuive nani. Timiqono panoqo thaigha nani eno panoqo pesu azukutunupu lakhi shinani, panoqo thakepu shi nani, eno ino panoqo halepuwu vekeqha kumtsulo panoqo je pesu musuinikeu lakhi shi peitha nani.

JEREMIYA 25:5

Panonguno nongu vilo kixikila kuxu laghi lono eno alhoksa kumla shiakeu lono tsughu ighive penike nongu vilo picheke tishianguno alhokupuju mheghipu shi AMPEU no nongu eno nopuasu tsukeu yeghilo xualu kepu shilupeniyeke.

JEREMIYA 3:1

AMPEU no pi, “Timi lakhino pa nipu sasu ixave aye eno lino pa launo wuve puzu kutami nipu shive aye paye li sachilelu kithe mlake. Tishiaye, tipa yeghi qhoi shipixive niake. Ikemu Israil, nonguye alojipumi kutomo auve puzu itehiye ilau ideighi nishi ani kesha?

JEREMIYA 3:12

Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

JEREMIYA 3:14

“Amikucho kumomiqo; nonguye iwuke. Aphughi lakhikhi lono ino nongu milakhikhi luni eno alagha lakhikhi lono mikinini luni eno ino Zion Toghilo sachile saghi nanike.

JEREMIYA 3:22

Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

JEREMIYA 35:15

Ino tamono nongu lau iqemi tungkupmi kumtsu puwu acheni eno panonguno nongu vilo nongu laghi lhoksa pheveno kiuno achipi keno tipau shilopi cheni. Panonguno nonguye kutau lhouqo mllapemo eno qepemo nike kutughu acheni, tishianguno ino nongu eno nopuasuqo tsukeu yeghilo xuache peniyeke. Ikemu nonguno ino pikeu initsumoe momu ilau amlo tsukeu kuhae.

JEREMIYA 36:3

Ishiake, kughono Juda lo akemiqono ino panoqo shou kutsalekeu kumtsu sughiniye kutope akeu chilunikeno panonguye panoqo laghi lhoksa qhiveno ideighive luvike. Tileno ino panoqo lhoksakugha eno panoqo xine pevetsu nanike.”

JEREMIYA 4:4

Now puloshoqhi isasu shilo, niye nongu MPEU ke eno nonguye ikhipesu itsuvelo nongu Juda ngo Jerusalem lo akemiqo, nonguno tishimo napiaye nonguno axine shiveke ghenguno iloghuye ami toi iqu nani. Tipauno iqu nani eno khunomu tipau pinhemla nanike.”

JEREMIYA 7:3

“Nonguno xuchekeu laghi eno mlaithache keu laghi kilivelo eno ino nongu pelo hilehi xu acheuve penike.

JEREMIYA 7:5

“Nono xuchekeu laghi kilivelo eno nonguno shichekeu thimeqo shikevilo. Nongu lakhino lakhi lau achipi lono peithakilelo.

JEREMIYA 7:7

Nonguno kililuve aye ino nopuasu mheghipushi tsupepuakeu yeghilo ino nongu pelo xuachepe nanike.”

EZEKEL 11:18

Panonguno kughou ideighini keno panonguye aphikumqhupu, kuchhube kutsula julho jeli ithulukeu kumtsu pevemasa nani.

EZEKEL 18:13

akighishe lu-ghi puna cheni, eno alau luchenike. Paye xulu nani kesha? Moe, paye xumla nani. Paye kuchhube kutsula hipaqo kumtsu shiveake ikehu paye thiniake. Pa kithiye pa makho shiniake.

EZEKEL 43:9

Itehiye panonguno kutau lhouqo mlla chekeu tave masae eno pano kukamiqo sukumo ikhisuwuve masae. Panonguno tishiaye niye alhokupujulo panoqo gholo auve nani.”

HOSIYA 14:1

Israil lo akemiqo, nongu Lhou AMPEU lau ide ighivelo. Nongu xineno nongu kupuxape eno veqhipeke.

HOSIYA 2:2

Itianuliqo, ozaye inipu kumovea eno niye likimi kumovea kemu li putsatsulo. Lino kutuqha eno salha shupu chekeu qhivelopi li putsatsulo.

HOSIYA 7:16

Panonguye ilauno tsughususu akuka kumto kuhakeu lhou lau wuve acheni. Panonguye asuzu kughuho lhoksa toi pukhubemlake. Panongu sakiphemiqono aqhekuza tsa kipi ghenguno panonguye ghuyi kithi sholu nani eno Ijipmino junuqhi nani.”

JOYIL 2:12

“Ikemu itehino pinamu amlo tsuqhiyi shipuzu kumvukeu ngo qanimlokeu eno amlo itapinyi shieno xaideghilo eno ilau ideghilo.

ZEKHARIA 1:4

Nongu puasuqo toi shikevilo. Khaghilo tungkupumino panoqo vilo hinguno hilauye alhoksa kuxu eno axine shikeu kuxu xukevilo pi itsape pesu panoqo tsuke ikemu panonguno itsa inimoe eno igholumoke.

ZAKINIU 27:15

“‘Timi khuuno asu atu momu ayi pesu ajulho shisuno tipau mllani keno Alhou no musuini keu pa shou ani; AMPEU ye ajulho mllakeu mithi chenike.’ Eno timi kumtsuno khochileni, ‘Amen!’

ZAKINIU 4:30

Nonguno shilusa akelo eno hupaqo kumtsu nongu lau shitave kethiuno nonguye ashekhashi AMPEU lau ideghi nani eno pa gholu nanike.

JOSHUA 24:14

Joshua no pikibe ghi pi, “Tishiaye itehiye AMPEU sumsa eno kuchouno pa qelo. Nopu asunoqono Mesopotamia eno Ijip lo mllachekeu lhouqo hu phevelo eno AMPEU likhi qelo.

XAKUTHAMI 10:16

Ikehu panonguno tusumi lhouqo ikhipeveno AMPEU mllathuve; eno pa ghi Israilmiqo ghime ghenguno pa mlo imeve.

SAMUEL ATUGHIU 7:3

Samuel no Israilmi vilo pi, “Tsala nonguno amlo kumtsu suno AMPEU lau xatsughu ighinishi aye, shoinami lhouqo kumtsu eno Astar lhouliu julho kumtsu phevemasa. Nonguye AMPEU lau kumtsu ikhiphe pesu tsuvelo eno pa likhi mllalo, tishi aye pano Filistiyami kuka lono pano nongu xaphe luve nani.”