JEREMIYA 39:5 - BAIBEL (BSI)

⁵ Ikemu Babilon ghushimino panoqo hasusu ighive eno Jerikho phivilo akhila lono Zedekiya kughaluve. Tipathiu panoqono Zedekiya sasu Akukau Nebukadnezar lau sawu, paye Hamat lughi kudau Ribla phughilo aghike, tileno Nebukadnezar no Zedekiya shou hitoi kughakutha shivetsu.

Sumi Naga CL (Re-edited) Bible (BSI)

⁵ Ikemu Chaldeami ghüshimi panongu hawuno Jericho qa lono Zedekiah haluve. Panongu no pa küghape Hamath yeghi Riblah lo Babylon kükau Nebuchadnezzar lau saghi, pa ghimeni keu za tsüve.

JEREMIYA 39:5 ပူးပေါင်းရင်းမြစ်များ

SAMUEL AKINIU 8:9

Hamat lo akukau Toi no David no Hadadezer wu ghushimi kumtsu theqhiluvae pikeu chilu.

KUKAMI AKINIU 17:24

Asiriya lo akukauno Babilon Kut, Ivva, Xamat eno Sefarvaim qolono timiqo ikhiluno panongu sawo Samaria phughilo kughuna luvepe, Israilmi kugha sasu akughu shiwuvekeqo alo panongu pelono kughuna luvepe. Tipaqono aphughiqolo ngoluve eno tile xuluve.

KUKAMI AKINIU 23:33

Pa kukaye kughou Ijip kukau Neko no pa kughaluveno Hamat yeghilo Ribla lo akughu shipe niye sawuve keno tileno kishekhaveno paye Judamiqo pelono ampelo agho tsandi kilogram 3,400 eno shunano kilogram shighi bidi ishi pesu Ijipmi tsupenikeu shive.

KUKAMI AKINIU 25:6

Zedekia sasu akukau Nebukadnezar khuu Ribla phughilo ngo akeno tilau sawuve eno tileno Nebukadnezar no pa shou atsakugha.

YEKIKITHI AKINIU 33:11

Tighenguno AMPEU no Asiriyami ghushimi shou ampimi pelo Juda le ighipe. Panonguno Manase kughaluve, ayi kughuhono pa fuluve, ayi kichhe pe tshuluve eno Babilon lo pa sawuve.

ISAIAH 22:3

Nowu sakiphemi kumtsu koha poveke eno panonguno apiji lakhi likhimu kapuwu mphi lono kugha lukhaveke.

JEREMIYA 21:7

Ikemu no ngo owu kijemiqo eno timi khunoqono aghukishi, puqumiyekeu eno kusukini lono puxupe aghini keno nongu kumtsu ino akukau Nebukadnezar ngo pawu timi noghumiqo pelo kughalukhavepe nani, nongu kuxuluve tsuniye phuchekemi ulo suvetsu nani. Pano nongu pithi khave nani. Pano nongu lakhimu ghumo nani momu nongu kimiyeqhiyikeu piyemo nani. Ni, AMPEU no piqhiveake.”

JEREMIYA 24:8

“Ikemu Juda kukau Zedekiya ghengu eno pa gholo ayehpekichemi khunoqono Jerusalem lo kuami kutamiqo khunono ayeghi hipaulo ngoauve momu Ijip lo iqesuwuve keno, hi alomo keu khughuthi, chunike chusa kutukeqo toi ni AMPEU no panoqo peitha nani.

JEREMIYA 38:18

Ikemu nonguno qhoi liqhipe suvemoaye hipau phughiye Babilonmi lau tsuveni cheni eno panoqono hipau pitileve nani eno noye panoqo launo povemla nanike.”

JEREMIYA 38:23

Ino highi pikuphake, “Owu totimi ngo atianuli kumtsu Babilonmi lau saipeve nani eno no ampi ghi panoqo launo povemla nani. Noye Babilon kukauno akughumi shi sawuve nani eno hipau phughiye ayeghi kutolo pitileqhive nani.”

JEREMIYA 4:12

AMPEU no ahza tsukeu lono ighikeu mulhuye tinguno akumkau shi nani! Tiye AMPEU ampino pawu timiqo shou kughakutha pibe anike.

JEREMIYA 44:30

Ino Ijip kukau Hofra pesu pa ghumi pa pithive nishi akeu ulo tsuve nani, tiye ino Juda kukau Zedekiya pesu Babilon kukau Nebukadnezar ulo suvetsukeu toi nanike; paye Zedekiya ghumike eno pa pithive nishi acheke.”

JEREMIYA 49:23

Damaska ghenguno AMPEU no pikeu hike: “Hamat ngo Arpad phughilo kuamiqoye asutsa lhoksa chilukeu ghenguno amlo kusa shi eno amlo kupuna pesu ani. Kutakihi keuno azughi lakhi toi panoqo shou ilu ikughi ani eno panonguye iquneimlano anike.

AKUMLO 1:3

Juda lo achekeqoye shikighime keu quaxemi, pano ghakhu lono halepuwuve kemi. Panonguye kutami yeghilo xu acheni, pano yeghi kepi pilukepua kuhae, Aghumino veho pesu pokulupu lah kuhae.

AKUMLO 4:20

Nikuxu puxutsu chekeu, AMPEU no nukishekuluu akukau hu kughaluve, Ningu leighikemi launo nisusholu penike pukhu achekeu hu kughaluve.

EZEKEL 23:24

Panonguno aghushimi kutsasa aghushi khurkulu ngo pukishekeu yeghikilu sasu ighi puzu ahuu kudauno ole ighi nani. Azuto ngo akutsu kuqho pesu sushopuluve puzu panonguno osuhuluve nani. Ino panoqo ulo no ikhisuvetsu nani eno panonguno pano yezah kiqi lono oshou kughatha nani.

HABAKUK 1:7

Panonguye akumsa eno ichivekeu pekulha cheni eno pano qhekuza launo panono kiu yezah penishi keno pano gho shive nani.

AKIKIHI 13:21

Ikehu timiqono ahuu no xususu Zin sayeqha apeu Hamat Kita phivilo Rehob kutolo wuke.

JOSHUA 13:5

Gebalai shiyeh yeghi, Libanon kuchopu lono wo kipelau Balagad kuto khikhi Hermon naghuto lono Hamat la kuto aphike.

JOSHUA 4:13

AMPEU nhethe lono timi 40,000 toikeno aghu shinike Jerikho kupunulo aqa vecheve.

JOSHUA 5:10

Kughou Israilmino Jerikho phivilo Gilgal alo aqalo aghazu shi akeno panonguno tipau qhi chighi abidiniji Hechekulu ikhilu a.

XAKUTHAMI 3:3

Tiye Filistiya phughi pungu lo Kananmi, Sidoniyami eno Havimi Libanon naghuto lo kughuna kuami Ball Hermon to lono Hamat Kita kutolo akemi pelo Israilmi ghakhu lo ngovepe ke.