JEREMIYA 37:21 - BAIBEL (BSI)

²¹ Ike akukau Zedekiya no ikughape akukau kilo kughaki bolo ikhathave nikeu ahza tsuve. Niye tilau ache eno tsala kipetsulo asho kumlaki lono ashopa lakhikhi itsuche, aphughilo asho kuhamitheveke kutolo tishiche.

Sumi Naga CL (Re-edited) Bible (BSI)

²¹ Ikehu Akükau Zedekiah no azah tsüno Jeremiah pesü akhemi bokütha lo qhive. Tishino mishighüna lo asho kühave moke kutolo tsalakipetsü asho kümla laghila lono ashopa lakhi süwo pa tsüche. Ikehu Jeremiah ye akhemi bokütha lo ngove.

JEREMIYA 37:21 ပူးပေါင်းရင်းမြစ်များ

KUKAMI AKINIU 25:3

Tipau mpelo aqhi abidiu lo atsala atokuu ghulokilo, puqumiyekeu ighono shilukusa ighi eno timiqoye kumu chukepu kuhave,

JOB 5:20

Puqumiye ighi kelo pano opuxulu nani, eno aghukishilo azuta angu zulo oxachilelu nani.

LESHELE 37:19

Alhoksa tsala ighikelo panoye shiluksashi kujomzamo nani; puqumiyeke tsalalo panoye kughokumo nani.

LESHELE 37:3

AMPEU lau pukhukeu alo eno akivi mlalo; tishianguno ayeghilo xulu nani eno sushokulu anani.

AHOLE 16:7

Kughou nono AMPEU pulou shini keno noye oghumi pesu shompami shilu nani.

AHOLE 21:1

AMPEU no mlalei aghoki qowukeula wulupe ketoi akukau kukumsu ghi ghakutsupe ani.

ISAIAH 33:16

Nonguno hishiaye nongu xaluve nani; nongu aliwo kumtolo ngolu keshi nonguye ithamokepu shi nani. Nonguno chukepu achuqupu ithulu nani eno yekepu azu ananike.

JEREMIYA 20:2

pano iheqhipe nike eno Achinekilo Benjamin Khagho lashouto phivilo ayikichheno phepe qhipe nike pano ahza tsuke.

JEREMIYA 32:2

Tipa ghulokilo Babilon kukau ghushimino Jerusalem leighi ake eno niye akukau kikuloghi bokutha bocholo ikhathasupe puake.

JEREMIYA 32:8

Tileno AMPEU no pike toi Hanamel no tilehi kughatha chekeu bocho akeulo ighino ivilo alu qhuluvelo pike. Ikehu AMPEU no kuchouno iputsa kepi ino ithive.

JEREMIYA 33:1

Kughakutha bocholo ikughape akughu shipe pua kelo AMPEU tsape itaghi ilau ighi.

JEREMIYA 38:13

eno panonguno aqoh lono isunhepheve. Tipathiuye ikughape kughaki khagho lalo qhike.

JEREMIYA 38:28

Ike Jerusalem khasupe leluvemoke tsala kutolo niye akukau kughaki kikhalalo qhipe puache.

JEREMIYA 38:6

Ike panonguno ikughape akighi lono Akukapuu Malkhiya zukikhe qoh akukau kilo kughaki khagho lalo akeulo suve. Aqoh tipaulo azu kuhae eno aniba likhi ake niye tipau alou nephoilove.

JEREMIYA 38:9

“Akughushuu, timi hipaqono kiu shive akeno tiye pimi anike. Panonguno Jeremiya kughape azukikhe qohlo supuani, tilau paye akhuamzuno thinia putsake, kughengu aphughilo achuqupu kuhave ake.”

JEREMIYA 52:6

Tipa mipelo aqhi abidiu atsala atokuni lo, puqumiyekeu shishe ihulove puzu timiqoye chukepu kiumu kuhave keulo,

AKUMLO 5:10

Puqumiye keuno piti puza qhi ani, eno niyikoye amiphoki shukuthui keu toi acheni.

MATTHEW 6:33

Ikemu Alhou yehkipe eno pa chipiu mikucho paghi nonguno phulo, tishiaye hipaqo kutau kumtsu nongu kupha tsu nani.

Apostolmi 12:5

Ikehu Pitor ye akughuki alou ghi khekutokupuyi pesu qhie. Ikemu akukuhouno pa ghenguno shishe Alhou vilo inikhu ae.

Apostolmi 24:27

Ikemu ampe kini wove kethiu Porkio Festa no Feliks zuqhulo ighive; eno Judamiqo lopu shitsunishi kelauno Feliks no Paul pesu akughushipe qhive.

Apostolmi 28:16

Kughou Rom lo ninguno ighikeno, Paul ye ghushimi lakhino pa kheghi pa likhi pa kutashi ngolupe nikeu pulovetsu.

Apostolmi 28:30

Ampe kini kutolo Paul ye pa likhi pano ame su-ghi ngokeu ki lakhilo ache, eno pa sasu kushoniye ighikemi kumtsu sasu kushokile che.

Ephesiami 4:1

Tishiaye, ni Paul, Ampeu ghenguno akughumi shi achekeuno nongu qhuiniju anike, Alhou no kiu qhemilo nongu kuluve akeno tipaulo akuzupushi xulo.

Ephesiami 6:20

Kughengu hi ghenguno niye akughu shianamu lashikamike. Niye pimayesa putsake ghenguno ipelo musa ighumono pilupenike inikhu tsulo.

2 Tim. 1:8

Tishiaye, niMpeu shepe shinikeu ghenguno kujo-mza kevilo momu pa ghenguno ino akughushia keu jupesu kujo-mza kevilo. Ikemu Atsakiviu ghenguno aghime shikeulo Alhou kuka kumto lono osaje lulo.

2 Tim. 2:9

Highenguno niye heqhi-buqhichekemi lakhi toi aghime shiani eno ayikichheno tshupe anie. Ikemu Alhou tsaye ayikichhe pe tshuve mlae,