JEREMIYA 36:9 - BAIBEL (BSI)

⁹ Juda lo Jehoiakim no akukau shikeu ampe apunguu aqhi atokuulo timiqono AMPEU lopu lunishi kelauno kumvu ke. Kumvukeu tipauye Jerusalem lo akemi kumtsu eno Juda lo taunqo lono ighikemi kumtsuno ikhiluake.

Sumi Naga CL (Re-edited) Bible (BSI)

⁹ Josiah nu Judah kükau Jehoiakim yepe mpe apunguu aqhi atokuu lo Judah mishighünaqo lono Jerusalem lo ighi kemi kümtsü no Ampeu zülo kümvü nike kütüghü.

JEREMIYA 36:9 ပူးပေါင်းရင်းမြစ်များ

YEKIKITHI AKINIU 20:3

Jehosafat ye msa ichive eno pa kichetsu penike AMPEU lau akighini shike. Tithiu aghakhuqha kumtsulo kumvu penike pano ahza tsu.

NEHEMIA 9:1

Tipau qhi atsala muku abidiulo Israilmino panongu xine ghenguno amlo ghime piyenike kumvu nike kuho kumqolu. Panonguye inaghami launo panoqo kutashi luve. Panonguno yeqhiyephi uluveno amlo ghime michishi ayeghi mukhu pe akutsulo ebeluve. Tishieno panonguno puthughono panongu eno pano puasuno axine shivekeqo piphe thuve.

ESTHER 4:16

“Wulo eno Shusa phughilo Judami jeli hekutsulo eno nonguye tsala kuthu ighenguno putho pucho chumo shomono kumvulo titoi ni eno igholo ilimi aqemiqo ghi tishini eno ayezah kiqilo kumomu ino akukau lau wuni eno pithive kepushi namu thiniake.”

JEREMIYA 36:1

Josiya nu Jehoiakim no Juda lo akukau shikeu ampe abidiulo AMPEU no ivilo pi,

JEREMIYA 36:22

Tiye susu tsala kighikilo ami phivilo iqa ake.

JEREMIYA 36:6

Ikemu kughou timiqono hi ighinikeu ghulokilo kumvu niye akelo niye opelo tile wupenishi anike. Noye likuzu kaku asutsa qhemghai shipuzu phisulo tishianguno AMPEU no ivilo pikeu eno ino ovilo apasu shi pitsukeu panonguno chilu penike. Noye timi kumtsuno nono phisukeu chilukepua lono hipau shilo eno tiye Juda lo akemiqo pututa taun lono ighikeqono akelono tipau shilo.

JOYIL 1:13

Yeqhiyephi pepuno qanimlolo, nongu achinemi, akipti-alo mlachekeqo! Achinekilo ilolo eno puthotsu mloqalo! Nongu Lhou mlla kepu thi momu atsayiji kuhake.

JOYIL 1:14

Kumvu penike ahza tsulo; kuhokumqo kepushi kulo! Juda lo sakiphemi ngo timiqo kumtsu AMPEU nongu Lhou chinekilo ku-kumqolo eno pa lau igha qalo.

JONAH 3:5

Nineve lo akemiqono Alhou tsape puluveno kumtsuno kumvu nikeu asheshuve; eno akijeu lono akitilau kutolo panoqo kuxu xachile ighivekeu kiqishi yeqhiye phi uke.

ZEKHARIA 8:19

“Aqhi abidiu, apunguu, akutsuniu eno achighiu lo kumvu chekeu huye Juda lo akemiqo ghenguno alokivi eno alokiqipu tsala shive nani, eno alakishi kupukimiye masake.”

XAKUTHAMI 20:26

Tishike lono Israilmi kumtsu Bethel lo wupuzu mloqa. Panonguno AMPEU zulo iqa eno tipani kijiliu shiveke kutolo kumu chumo. Panonguno Kuposhukeu Ghakishi kumlla ngo akuchopu Piti mllakeu ghakishi shipesu AMPEU zulo tsulu.

SAMUEL ATUGHIU 7:6

Ikehu panongu kumtsu Mizpa lo hekutsupe ngolu. Panonguno azu shopesu ighino akumllagho tsukeu kiqi shi AMPEU lau leqhi tsu eno tipa tsala kupuju kumvulu. Panonguno pi, “Ninguye AMPEU zulo axine shiva,” (Hi Mizpa alono Samuel no Israilmi dolo kiyimuto chekeu xakuthau shilue.)