JEREMIYA 33:7 - BAIBEL (BSI)

⁷ Ino Juda ngo Israil pesu kinikulu shitsu nani eno panonguye puzuu kishi akeno titoi ino panoqo xaqhepuku kithe nani.

Sumi Naga CL (Re-edited) Bible (BSI)

⁷ I no Judah ngo Israel kinigha athoputho tsü nani, eno pano küxü atüghü lo toi shiqhe tsü nani.

JEREMIYA 33:7 ပူးပေါင်းရင်းမြစ်များ

LESHELE 126:1

Kughou AMPEU no Jerusalem lo ni sachile saighi keno tiye asamo lakhi toike!

LESHELE 126:4

O AMPEU, ni kuakini gha ni tsuchile lo zuha ghulokilo azu qoile ighi veke toi.

LESHELE 14:7

O Zion lono Israilmi lau xakulupu ighilupeke aye! Kughou AMPEU no akumgha pawu timiqo lau suchile sughi tsuni keno. Jakob no alovi nani, Israilmino amlokiqi shilu nani.

LESHELE 85:1

AMPEU, noye oyeghi shou kimiyeqhiyikeu ake; nono Israil pelo itaghi kinikulu shilu anipe.

ISAIAH 1:26

Atughulo shicheke toi ino kughakuthami nongu tsuchileni eno kha-ghi abothulo toi mije kutsumi nongu tsuni. Tileno Jerusalem ye amikucho eno pukhukulu phughi ipi kuluve nani.”

ISAIAH 52:8

Khunoqono aphughi ghukhe shiani keno ighamuku ani, alokivi launo ighamuku ani! Panongu nhethi ampino Zion lo AMPEU ideghikeu ithuluni chenike!

JEREMIYA 23:3

Ino khipaqo yeghilo iwu timi halepuwuve keno ghupe puaghikeqo tikudauno hekutsukumqo nani eno ino panoqo sasu pano kialu yeghilo saide ighi nani. Panonguno atianuli kutomo shi nani eno timi kutomo shive nani.

JEREMIYA 24:6

Ino panoqo jukutope khe anani eno hipau ghakhulo panoqo sachile saghi nani. Ino panoqo shiqhepuku nani eno panoqo suthapiniyivemo nani; ino panoqo shosu nani eno panoqoye nhuvemo nani.

JEREMIYA 29:14

Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

JEREMIYA 30:18

AMPEU no piani, “Ino iwu timiqo pano yeghilo sachilesaghini eno akibokumtsu shou kimiyeqhiyi nani. Jerusalem ye shiqhe kitheve nani, tipaulo kukami kiye thosulo toive nani.

JEREMIYA 30:20

Iwu timiqo shiayeh kha-ghi kuka ino tsuchile nani eno tipau itaghi mutotoi qhi nani; Panoqo qodaneda kemi kumtsu ino ghimeqhini.

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 31:28

Ino panoqo nhuve, tulaqhi, haleqhi, kutsale eno tulenikelo kutokupui shike toi ino jukutokugho puzu panoqo shosuni eno panoqo xaqhepuku nanike.

JEREMIYA 31:38

AMPEU no pianike, “Jerusalem qha kumtsu iphughi kepi shipuku kithe luvenikeu ghuloki wocheni, tiye Hananel Liwo ghukhea kulolauno Acheku Khagho kutoke.

JEREMIYA 31:4

Itaghi ino nongu xaqhepuku kithe nani. Itaghi nonguno amuqu lebo ikhilu puzu alokivi launo ilhe nani.

JEREMIYA 32:44

Timiqono tipaqo qhu nani eno kughakutha kaku yemichi shi, mekhave eno thopi shikeu shinani. Hiye Benjamin lughi bocho lono shini cheni, Jerusalem sukumxalo aphu akeqolo, Juda lo taun akeqolo eno atokujolo taun akeqolo, naghuto pukhu kuxalo eno Juda apeu kudaulo shini cheni. Ino timiqo pano yeghilo sachilesawo sunani. Ni, AMPEU no piqhiveake.”

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

JEREMIYA 33:26

niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

JEREMIYA 42:10

‘Nonguno aghakhu hipaulo xu achenishi aye ino nongu xaqhepuku nani eno nongu tuleqhivemo nani; ino nongu shosu nani eno nongu nhuvemoke. Ino nongu shou kutsakungo keu sughikeuno imlo ghime kije shivetsuake.

JEREMIYA 50:4

AMPEU no pi, “Kughono tipa ghuloki ighini keno Israil ngo Juda kumalo kuamiqono qasusu ni panoqo Lhou phususu ighi nani.

AKUMLO 4:22

O Zionmiqo, nongu xine ghenguno ghime keuye tava, paye hinguno alauye nongu halepuwumoae. Ikemu Edommiqo, noxine ghenguno ghime nani; eno no xineqo lhephetsu nani.

EZEKEL 39:25

Akughushu MPEU no pike, “Ikemu itehiye ino Jakob laghami Israil lo akemiqo shou kupuqhiyi nani, eno panoqo itaghi kinikulu shitsu nani. Ino ije kimthe susho nani.

HOSIYA 2:15

Ino itaghi atsayilu li tsuchileni cheni, lino achekeu hu eno Akupuna Khila pesu lajupu hukikha lakhi shitsu nani. Lino lhothemi shiakelo, tiye lino Ijip lono ipeghike ghulokilo iputsa ketoi lino tilauno itaghi iputsa chile nani.

ZEFANIA 3:20

Aghuloki wocheni! Ino notimi apanagha akemi aghakhulo saghi nani. Ino ayeghiqhalo akemi zulo nonguye ajekipipu shi tsu nani, eno nongu pelo itaghi kini kulu shilupe nani.” AMPEU no pivae.

ZEKHARIA 1:17

Kungumino ivilo highi pesu asheshulo pike: “Aqokitikhi MPEU no pike pa phughiqoye itaghi kinikulu shive nani eno pano itaghi Jerusalem kuphu kithe eno aphughi huye pawu kepi pukhaluve nani.”