JEREMIYA 33:6 - BAIBEL (BSI)

⁶ Ino aphughi hipau launo tsughusu wuvekeuye tipaulo timiqono alhoksa jeli shikeu ghengunoke. Ikemu ino aphughi hipau ngo tile akemiqo shipivi nani eno vithai akeulo panoqo sachile saghi nanike. Panoqo lau iquighai keu ngo sushokulu lukumkhashi ino piye nani.

Sumi Naga CL (Re-edited) Bible (BSI)

⁶ Julo, I no ashiaji kivi eno shikipivi süghi nani, eno I no panongu shipivi no kupukuno küakini eno sükusho pephe piye nani.

JEREMIYA 33:6 ပူးပေါင်းရင်းမြစ်များ

LESHELE 147:3

Pano amlo ipopinyive kemiqo shipivi eno panongu zaku khavetsu.

LESHELE 37:11

Aqhokighemino aki alu pighilu nani eno kinikulu ngo iqu-ghayikeu kuxulo alokivi shi nani.

LESHELE 67:2

tishianguno ayeghiqhano opulou ithipelo; tishianguno ashiayeh kumtsuno owu xakulu ithipelo.

LESHELE 72:7

Pa kuxu thaqhulo amikuchono thuwulu pelo, eno aqhino akuvu ake kutolo alokughuno no chhi apelo.

IPEKULU 34:6

Tithiu AMPEU no pa gizuuno hechesu wu eno ishi kuke. “Ni, AMPEU ye kimiye qhiyikeu eno kupukeu no chhitoi akeu Lhouke, mllalei axu ideve chemoe eno kikimiye ngo pukhukulu kutsasa piye chekeuke.

YETSAPIU 3:3

heqhipithi pekepu do eno shipivipe kepu do, hephove pekepu do eno shipuku pekepu do.

ISAIAH 2:4

Pano ashiayeh dolo kughatha nani, eno timi kutomo ghenguno xatha tsu nani. Panonguno azutakihi hepha pesu akuphu shive nani; eno panongu ngu pesu asubo kikixi zutachi shive nani. Ashiayeh qoye khilemu aghulalo wukithemove nani, khilemu aghukishi ghenguno kutokupui keu shimo nani.

ISAIAH 30:26

Aqhino tsukinhe toi vuqaleive nani eno tsukinheno puzuu nguno ghuthu tsuni vuqalei kitheve nani, tiye ghulo tsuni kuvu ghulo lakhi lono ipeghikeu toive nani. Hipaqoye kughou AMPEU no pawu timiqo ghuzavekeu khavetsuno shipivini keno tileno hi kumtsu shinani.

ISAIAH 39:8

Akukau Hezekiya no pa kuxu tiviloye iquighayikeu eno sushokulu anani kepi vethaluve ikehu pano ishi khochile “AMPEU nono ivilo pivekeu huye aloke.”

ISAIAH 54:13

“Ni ampino nowu timi shikapiye nani, eno kinikulu ngo alakishi panoqo tsu nani.

ISAIAH 55:7

Kixikilamino panonguno xuche keu kuxu qhivelo eno panongu no kumsuchekeu kilivelo. Panonguno niLhou AMPEU lau ideghilulo; paye kupuqhiyi cheni eno paye axine qhive tsu nanike.

ISAIAH 57:18

“Panonguno kishi xuchekeno ino ithuluvae ikemu ino panoqo shipivi nani. Ino panoqo saphe eno kuphuni eno panongu khunoqono qa mlo aghini keno ino alokughuno tsuni.

ISAIAH 57:19

Kupunu aghikemi na putosuu aghikemi namu kumtsu lau ilokiqi tsuke! Ino iwu timiqo shipivi nani.

ISAIAH 58:8

“Tileno inaqhe tsukinhe toi imlo kiqi nongu shou yepuvutsu nani eno nongu ghuzapiyi itheno vive nani. Niye nongu xalunike pulhapuju nongu gholo anani; ijukuvuno sukumxa kumtsu ngono nongu susho nani.

ISAIAH 66:12

AMPEU no pi, “Ino haumokepu kinikulu nongu lau sughitsuni; aghoki qotamoke toi ashiayehqo kinikulu nongu lau qoighipe nani. Anga lakhi azano tuchomujo, liuno khape eno kimiyeqhiyikeu tsuke toi nongu peitha nani.

JEREMIYA 17:14

AMPEU, ishipivilo eno niye atho putholughi viluve nani; ihakholuvelo eno niye xaluve nani. Noye ino sheqhe chekeuke!

JEREMIYA 29:11

Nongu ghenguno kughu puakeu nongu lau kutsakungo keu kumo puzu kinikulu sughinikeu, nonguno ighini keulo laju achekeu sughi tsunikeu kughu puakeqo ilikhino ithi ani.

JEREMIYA 3:22

Xaideghilo, AMPEU launo wuvekemi nongu kumtsu ighilo; pano nongu shipivi nani eno nongu pesu amikucho shitsu nani. Nonguno ishi pilo, “Iye, ninguye AMPEU lau cheni kughengu paye ni Lhou ke.

HOSIYA 6:1

Timiqono pi, “Ningu AMPEU lau xaidewoni nolo! Pano ningu ghuzake ikemu kuchouno pano ningu shipivi nani; pano nighuzake ikemu pano nighuzaku khavetsu nani; paye tishimo nani kesha?

HOSIYA 7:1

“Ino Israil lo iwu timiqo shipiviniye eno panoqo pelo itaghi kinikulu shipenishi kelauye, niye panoqono kixikila kumla shikeu eno panonguno alhoksa shikeu likhi ithulu ani. Panonguno lakhino lakhi pishiqhikile; panonguno aki-xu ilo puka; eno alaghilalo heqhino suxaluke.

MICAH 4:3

Pano ashiayehqo dolo kughathatsu nani, akuka kuloghimi akupunulo na putou aghikemi dolo pimu. Panonguno azutakihi hephapesu akuphu shive nani eno panongu ngu hephapesu asubo kikixi zutachi shive nani. Ashiayehqoye khilemu aghulo wukithemo nani, aghu shikepu shi khilemu kutokithemo nani.

MICAH 7:20

Nono amikucho ngo owu iqemokeu kikimiye pesu owu timiqo, Abraham ngo Jakob polo kughukomi lau piye nani, tiye kha-ghino nono nipuasu vilo piqhipuakeu toi shi nani.

MALAKI 4:2

Ikemu nongu igholu chekemi ghenguye iwu xakulupu kukano tsukinhe toi nongu shou ikughi nani eno tsukinhe kuvuno yekeshi shikipivi sughi nani. Nonguye amshiti aki lono khalau pipe kelo toi ililai eno alokivishive nani.

John 10:10

Kupukamiye puka heqhi eno kutsanike ghengu likhino ighi cheni. Ino ighikeuye panongu pelo akuxu apenike eno akuxu tipau kupukunoshi apeni yeke.

Ephesiami 6:23

Apu Alhou eno Ampeu Jisu Khristo no alokiqi ngo kimiyekini eno akupulu athikuzumiqo tsupeniu.

ZAKINIU 32:39

“Ni eno ilikhino Alhou; kutau lhouye kuchou kumoe. Ino pithive cheni eno ino puxu luve cheni, ino ghuzano shipivi cheni, ino kiu shini keno milakhinomu mujochile mlae.

1 Peter 1:3

Ningu Mpeu Jisu Khristo paPu Alhou shikimthilo! Kughengu pano kimiyeqhiyi kehu akithi lono Jisu Khristo xuchile puthu vekeu vechewo ninguye xuakeu lajupulo akuxu kithe shiluvae,