JEREMIYA 32:44 - BAIBEL (BSI)

⁴⁴ Timiqono tipaqo qhu nani eno kughakutha kaku yemichi shi, mekhave eno thopi shikeu shinani. Hiye Benjamin lughi bocho lono shini cheni, Jerusalem sukumxalo aphu akeqolo, Juda lo taun akeqolo eno atokujolo taun akeqolo, naghuto pukhu kuxalo eno Juda apeu kudaulo shini cheni. Ino timiqo pano yeghilo sachilesawo sunani. Ni, AMPEU no piqhiveake.”

Sumi Naga CL (Re-edited) Bible (BSI)

⁴⁴ Pisa pesü aluza qhülu nani, Benjamin yeghi lo eno Jerusalem hokümxa lo, Judah mishighünaqo lo eno atoghi lo mishighünaqo lo, Shephelah mishighünaqo lo, eno Negeb lo mishighünaqo lo ayeghi küqhü xakütha shipe qhinani eno jemchi ngo thopi shipe qhinani, kughengu I no pano kinigha tsüchile nani, ipi Ampeu no sheshu.”

JEREMIYA 32:44 ပူးပေါင်းရင်းမြစ်များ

ISAIAH 44:26

Ikemu kughou iqeuno asheazu tsa pini keno, kughono ino aghinimi puwu no ikukughu lhepiye peni keno, akukughu tipaqo eno ashe-azu tsa tipaqo ino kuchou lono shiche nipeke. Jerusalem lo timiqo kughuna kithe nani kepi ino pike, eno Judia lo aphughiqo shipuku kithe nani kepi pike. Aphughi hupaqoye ixapinyive keu lono ithughive nani.

JEREMIYA 13:19

Juda lo apeu akeqo taunye aghumino bothape le ani; timi khumu tipau vechesu panoqo lau wulu amoe. Juda lo akemi kumtsu halepuwuve keulo sawuvae.”

JEREMIYA 17:26

Juda lo taun akeqo lono eno Jerusalem sukumxalo akemi timiqono ighi nani; Benjamin lughi bocho kudauno, naghuto sumxape akeu kudauno, naghuto qo kudauno eno Juda apeu kudauno timiqono ighi nani. Panonguno iAchine kilo akuchopu pitimllakeu kumllaghoqo pesu ighi nani.

JEREMIYA 30:18

AMPEU no piani, “Ino iwu timiqo pano yeghilo sachilesaghini eno akibokumtsu shou kimiyeqhiyi nani. Jerusalem ye shiqhe kitheve nani, tipaulo kukami kiye thosulo toive nani.

JEREMIYA 30:3

Kughengu ino iwu timi Israil ngo Judami sachile saghinikeu ghuloki wochenike. Ino panoqo puasu tsukeu yeghilo panoqo saideghi nani eno panonguno tipau pighicheuve nani. Ni, AMPEU no piveake.”

JEREMIYA 31:23

Aqokitikhi MPEU, Israil Lhou no piani, “Kughou ino timiqo pano yeghilo sachile saghini keno, panonguno itaghi Juda lo taun akeqo yeghi lo ishi pinani. ‘AMPEU no Jerusalem toghi akimtheu kumghatsu peniu, akimthe-a khilehi pano achekeualo,’ ”

JEREMIYA 32:10

Kughathalu keulo ino jemichi shipukuve, tipau mekhave eno thopimi saghi puzu akimighipu lono pisa mighivetsu.

JEREMIYA 32:37

Ino iloghu kighide lono ayeghiqha khilehi panoqo hale puwuve keno tikudauno timiqo hekutsuni cheni eno hipa-alo panoqo sachile saghini cheni eno kiunomu kupuna pemono panoqoye hile kughuna peni cheni.

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

JEREMIYA 33:13

Naghutolo taun akeqolo, naghuto kuxalo, Juda apeu kudaulo Benjamin lughi bocholo, Jerusalem kumxalo aphulo eno Juda lo taun akeqolo bherikhemino itaghi pano bheri kihikithe nani. Ni, AMPEU no piveake.”

JEREMIYA 33:26

niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

JEREMIYA 33:7

Ino Juda ngo Israil pesu kinikulu shitsu nani eno panonguye puzuu kishi akeno titoi ino panoqo xaqhepuku kithe nani.

Obadiah 1:19

“Juda lo apeu akemiqono Edom qhasuluve nani; Kulolau naghuto pukhu kuxalo akemiqono Filistiya khasuno leluve nani, Israilmino Efraim ngo Samaria yeghi bocho pighiluve nani; Benjamin lo akemiqono Gilead luve nani.

Obadiah 1:20

Hapupovekemi ghushimi muqono Israil ahuuno ideighi puzu ahuu Zarefat kutolo Fonika yeghi leluve nani. Jerusalem lono hapiye pighive kemi Sardis lo akeqono Juda yeghi apeu taun akeqo khasuno leluve nani.

ZEFANIA 2:7

Juda lo timi puxu puaghi keqono noyeghi lo ngoluve nani. Panonguno tilehi pano wu bheri loji achukumza nani eno Ashkelon lo aki akeqolo zu nani. AMPEU panoqo Lhou no panoqo sasu anani eno panoqo pelo itaghi kinikulu shilupe nani.

ZEKHARIA 7:7

Kughou Jerusalem ye kinikulushi eno timi kumzapushi akelono eno tipau sukumxa taun lo likhi kumo puzu apeu qhalo eno kulolau naghuto kumxalo ghi timi kumzapu ake ghuloki lono AMPEU no azuumi tungkupmi vechewo hipau pikeuke.