JEREMIYA 32:37 - BAIBEL (BSI)

³⁷ Ino iloghu kighide lono ayeghiqha khilehi panoqo hale puwuve keno tikudauno timiqo hekutsuni cheni eno hipa-alo panoqo sachile saghini cheni eno kiunomu kupuna pemono panoqoye hile kughuna peni cheni.

Sumi Naga CL (Re-edited) Bible (BSI)

³⁷ Julo, I no I mlokighide, I loghu eno axukighide lono hapupove keqo aghakhu kümtsü lono xukumqo nani, eno I no panongu pelo sükusho lono xülupe nani.

JEREMIYA 32:37 ပူးပေါင်းရင်းမြစ်များ

LESHELE 106:47

Ni xalulo, O AMPEU niLhou, ashiayehqo launo ningu sachile saghi tsulo, tishianguno ninguye oshikimthini eno oje kimthe sheqhenike.

JEREMIYA 12:14

AMPEU no pi, “Niye Israil cheaxumi khunoqono ino iwu timi Israilmi tsukeu yeghi shipusave keno tipaqo shou kiuala pikepu ani. Timi lhoksa kughami hupaqoye ino pano ghakhu lono ikhisawuve nani asubo akuhu lono nhuve keshi nani, panoqo launo ino Juda hakholuve nani.

JEREMIYA 16:14

AMPEU no pi, “Aghuloki wochenie, kughono timiqono tushoqhini eno Alhou no Ijip yeghi lono Israil saipeghikeuye xuanike ghenguno ipi pimo nani.

JEREMIYA 16:15

Tipa zuqhulo, panonguno tushoqhi keulo Alhou no ayeghi ahuu akeu lono eno ayeghi kutau kumtsu khilehi pano panoqo hakughutsuve keu lono Israil saighikeuye xuanike ghenguno ipi pi nani. Ino pano yeghilo panoqo sachile saghi nani, ti panoqo puasuqo lau ino tsukeu yeghilo. Ni, AMPEU no piqhive ake.”

JEREMIYA 21:5

Ikumto, iloghu kighide, ixu kighide eno ino muqhu mzakeu kumtsu pesu nongu shou aghushipuku nani.

JEREMIYA 23:3

Ino khipaqo yeghilo iwu timi halepuwuve keno ghupe puaghikeqo tikudauno hekutsukumqo nani eno ino panoqo sasu pano kialu yeghilo saide ighi nani. Panonguno atianuli kutomo shi nani eno timi kutomo shive nani.

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

JEREMIYA 23:8

Tishinike zuqhulo panonguno ikugha pesu ashoqhi shikeulo ishi pinani, ‘Ahuu akeu yeghi eno ayeghi kutau khilehi ino panoqo halepuwuve keno tipaqo kudauno Israil lo akemi sasu ighikeuye xuakeu Lhou ke’ ipi nani. Tileno panoqoye pano yeghilo kughunalu nani.”

JEREMIYA 24:6

Ino panoqo jukutope khe anani eno hipau ghakhulo panoqo sachile saghi nani. Ino panoqo shiqhepuku nani eno panoqo suthapiniyivemo nani; ino panoqo shosu nani eno panoqoye nhuvemo nani.

JEREMIYA 29:14

Iye, ino piani, nonguno iphulu nani eno ino noyeghilo nongu sachilesawo qhi nani. Ino khile nongu hale puwuve keno tipaqo-a kumtsu lono, tipaqo ghakhu lono ino nongu hekutsu kumqo nani, eno khipa yeghi lono ino nongu hapupove keno tilau ino nongu sachile saghi nani. Ni, AMPEU no piqhiveake!’

JEREMIYA 30:18

AMPEU no piani, “Ino iwu timiqo pano yeghilo sachilesaghini eno akibokumtsu shou kimiyeqhiyi nani. Jerusalem ye shiqhe kitheve nani, tipaulo kukami kiye thosulo toive nani.

JEREMIYA 31:10

AMPEU no piani, “Ashiayehqo, itsa inilo, eno putosuu azughi phivilo itsa pesu asheshulo. Ino Iwu timiqo haleveke ikemu ino panoqo hekutsu kumqo nani eno bherikheuno pawu bheri loji khekuto keshi ino panoqo khe nani.

JEREMIYA 32:15

Aqokitikhi MPEU, Israil Lhou no pikeuno hipau yeghilo itaghi aki alu eno atsayili kuqhukili shinanike.”

JEREMIYA 33:16

Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

JEREMIYA 33:7

Ino Juda ngo Israil pesu kinikulu shitsu nani eno panonguye puzuu kishi akeno titoi ino panoqo xaqhepuku kithe nani.

EZEKEL 11:17

Tighenguno ni, Akughushu MPEU no piakeu pesu panoqo vilo pilo. Khilehi ino panoqo kutholesuve keno tipaqo yeghi lono ino panoqo hekutsu nani eno Israil yeghi pesu panoqo tsuchile nani.

EZEKEL 20:34

Ino ikuka eno iloghu kighide nongu piye nani, tiye aghakhu khilehi nongu kuthole puwuve keno tilauno ino nongu xukumqono nongu sachile saghi keu lono piye nani.

EZEKEL 28:25

Akughushu MPEU no pike, “Ino ashiayeh kutami khunoqo gholo Israil kuthole puwuve keno tipaqo launo Israilmi sachile saghi nani, ashiayeh kumtsuno niye akimthe kepi ithi nani. Israilmiye pano ghakhulo xucheuve nani, tiye ino iqeu Jakob tsukeu ghakhuke.

EZEKEL 28:26

Panonguno kiumu kupunamono xulu nani. Panonguno aki shisu eno atsayilu chisu nani. Pano cheaxulo kuami khunoqono panoqo thaigha chekeno ino tipaqo ghimeqhi nani, Israil ye sukusho qholo anani. Tileno niye panoqo Lhou AMPEU kepi panonguno ithi nani.”

EZEKEL 36:24

Ashiayeh eno aghakhu kutau akeu gholono ino nongu salu nani eno noyeghilo sachile saghi nani.

HOSIYA 1:11

Juda lo akemi ngo Israil lo akemiqoye pekuqhave nani. Panonguno kuqhano panoqo wu sakipheu lakhi kisheluve nani eno itaghi panonguye pano yeghilo thuwuve eno alau ikowove nani. Iye, Jezrel tsalaye atsala kije lakhi shi nani!

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

JOYIL 3:20

Ikemu Juda ngo Jerusalem ye alhokupujulo timi kughuna cheuve nani.

ZEFANIA 3:20

Aghuloki wocheni! Ino notimi apanagha akemi aghakhulo saghi nani. Ino ayeghiqhalo akemi zulo nonguye ajekipipu shi tsu nani, eno nongu pelo itaghi kini kulu shilupe nani.” AMPEU no pivae.

ZEKHARIA 14:11

Timi qoye akupuna kuhaveno tilehi ngolu nani, shikupsa no panoqo shikichiqhimono ngoluve nani.

ZEKHARIA 3:10

Kughou tipa tsala ighini keno, notsayili ngo khughuthibono nongu suhope puzu nongu milakhi khino pa kusami vilo alokughuno eno sushokulu lokivi shilopi ku-kusu shi nani.”