JEREMIYA 32:35 - BAIBEL (BSI)

³⁵ Panonguno Hinom Khila lo Baal lau eno panongu tianuliqo Molek lhou lau heqhi mllanike akipti-aqo mlape qhike. Niye hipau shipenike ahza tsupuamoe eno panonguye hikithipu shipuzu Juda lo timiqo pelo axine shipe nanike pikeu ikukumsulo pinamu iloghi moke.”

Sumi Naga CL (Re-edited) Bible (BSI)

³⁵ Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 32:35 ပူးပေါင်းရင်းမြစ်များ

KUKAMI ATUGHIU 11:33

Ino hishi akeuye Solomon no imiliveno inami lhou hipaqo mllaveke ghenguno: Sidonmi lhouliu Astarti, Muab lhou Khemos, Ammunmi lhou Milkom. Solomon ye igholumovae; pano mla pimi auve, papu David toi mono paye iyezahqo eno ahza kutsu pemovea.

KUKAMI ATUGHIU 11:7

Jerusalem lono kipelau ato lakhilo Muabmino mllachekeu aphi kumqhupu lhou Khemos mllape nikeu a shitsu eno Ammunmino mlla chekeu lhou Milkom aghuthi kusupu mlla penikeu-a ghi kutotsu.

KUKAMI ATUGHIU 14:16

AMPEU no Israil qhive nani, Jeroboam no axine shiveno Israilmi axinelo sailovetsu ke.”

KUKAMI ATUGHIU 15:26

Pa zuu papu toi pa ghi axine shive eno AMPEU kimthimi shiveno Israilmi sasu axine lo ilove.

KUKAMI ATUGHIU 15:30

Hi shivekeuye Jeroboam no AMPEU, Israil Lhou mulo shikighideve tsukeu lonoke, pano axine shiveno Israilmi ghi axinelo pulovetsu.

KUKAMI ATUGHIU 16:19

Hi shive keuye pano AMPEU mithi axine shivekeu ghengunoke. Pa zulo achekeu Jeroboam toi pa ghi pa xine ghenguno AMPEU pulou shimlave eno Israilmi sasu axinelo pulovetsue.

KUKAMI ATUGHIU 21:22

Okibolomi ghi akukau Jeroboam Nebat nu toi, eno akukau Baasha Ahija nu toi khavepeni, kughengu nono Israilmi sasu axine lo ilovetsu keuno imlo shikighideve tsuae.’

KUKAMI AKINIU 21:11

“Akukau Manasse ye Kananmi xine nguno kuthokuzuu xine shivae; eno pawu asu-atu pesu Judami sasu axinelo sailove.

KUKAMI AKINIU 21:4

Pano AMPEU kumlla-a Achinekilo hu asu-atu kumlla kiptia mlavetsu.

KUKAMI AKINIU 23:10

Akukau Josia no Hinnom qalo Tofet mllache keu-a ghi hexavetsu, tishino khuu pelomu anu momu anga pesu ighino Molek lhou lau akiptia kumllagho tsupe nikeu shimove.

KUKAMI AKINIU 23:15

Josia no Bethel lo akukau Jeroboam Nebat nu no Israilmi sasu axinelo ilove keu kumlla-a ghi kubolevetsu. Josia no akumlla-a tulavetsu eno atupikiyeqo tuleveno atuqo kubo piniyivetsu eno mukhumunoshi asaye kughulhovetsu eno Ashera julho ghi pitivetsu.

KUKAMI AKINIU 3:3

Tishimu Nebat nu akukau Jeroboam pa zuu achekeu toi pano Israilmi sasu axinelo ilove eno tamono tishi auve.

YEKIKITHI AKINIU 33:6

Pano panuqo pesu akipti kumllagho shi Hinom Khila lo agha shi heqhike. Pano saqhisali ngo kuduu pepimhe, auye kujumi pichekemi eno tumumi sasu kusholu che. Pano AMPEU shou ighono axine shike eno pa loghu shikighide ke.

YEKIKITHI AKINIU 33:9

AMPEU no pawu timiqono azuu haighi kelo ashiayeh khunoqo pano hapheve keno tipaqo nguno alaushi axine alhoksau Manase no Juda lo akemiqo pelo shipeke.

YEKIKITHI AKINIU 36:14

Tipa shouno, Juda lo sakiphemi, achinemi eno timiqoye panoqo sukumxalo ashiayeh akeqo xine kuxu pape ghi asu-atu julho mllauve eno AMPEU ampi no akimthe shive tsukeu Achine ki panonguno shipixive tsu.

IPEKULU 32:21

Pano Aron vilo pi, “Timi hipaqoye olau kiu shive keno noye panoqo pelo axine lhoksa hikithipu shipe kya?”

ISAIAH 57:5

Nonguno nongu chine suboqo qholono ashi aji kutuqhakeu lono apiti kighishe lhouqo mlla cheni. Nonguno aghokitiqa phivilo atuki akeulo nongu tianuli pesu aghakishi heqhipe mlla chenike.

JEREMIYA 19:2

Alitsa Khagho vechesu Hinom Khila kudau wulo pike eno tilauno pano atsape itsunikeu shi akeu pesu ivilo asheshulo pike.

JEREMIYA 30:14

Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.

JEREMIYA 44:4

Ino nongu lau iqemi tungkupmi puwu acheke eno panoqo no nongu vilo ino jumithi chekeu thime kusakugha hipau shikevilo pi picheke.

JEREMIYA 7:30

“Juda lo akemiqono alhoksapu lakhi shipuani. Panonguno panoqo su-atu julho khikhi ino jumithi cheni keno tipau pesu ichinekilo qhike eno tipau kitiqeveke.

JEREMIYA 7:31

Hinom khilalo panonguno akipti-a lakhi Tofet ipi keu shipe qhi, tishianguno panonguno pano nu ngo angaqo amilo heqhi mllaniyeke. Niye panoqo vilo hipau shilo pi ahza tsumoe, tiye ikukumsu loghi kuhake.

EZEKEL 23:37

Pamaye salhakeu ngo ghiqhikeu shivae, asu-atu julho sasu salhakeu eno anuli punu itsukeu ghiqhike. Pamano inuli heqhi pesu pano su-atu julho lau mllave ke.

ACHINE 18:21

Molek lhou mllakeulo peitha peniye nongu tianuli khilemu tsupuwu kevilo, kughengu tiye shiputhakeu AMPEU Alhou je shou sughive nanike.

Apostolmi 7:43

Moe, ti Molek phi-ki nonguno pekishe che, eno nongu lhou Refan wu ayepu pekishe cheke. Nonguno tipaqo lau itsaiqi mllaniye nongu likhi nonguno ajulho shipe qhike. Ikehu Babilon nguno hukidiu ino nongu puwu nani.’

ZAKINIU 12:31

Panonguno pano lhouqo mllake ghola lono AMPEU nongu Lhou mlla kevilo, kughengu panoqo lhou mlla keulo panonguye AMPEU no aphimuqhu kepu jeli shi chenike. Panonguye pano tianuli ghi heqhi pesu akiptia lono aghashi piti chenike.

ZAKINIU 18:10

Nongu tianuli pesu akiptia lono piti agha shikevilo; nowu timiqo pelo hipaqo pepimhe pekevilo—saqhisali shikeu, muthu wukeu, zuluve kepu gha

ZAKINIU 24:4

khuu khuu shi aghi namu pa kimi atughiuye itaghi li sasu kughuna kithe kevilo; liye kitiqeve akepi paye kihive masake. Pano itaghi li sasu kughuna kithe aye tiye AMPEU pulou shipsave keu shinani. AMPEU nongu Lhou no nongu tsu akeu yeghilo kixikila xine tikithipu nonguye shikevilo.