JEREMIYA 32:24 - BAIBEL (BSI)

²⁴ “Julo, Babilonmino lekepu yeghi toghi shipesu aphughi sumxavae, tipau leluveniyeke eno panonguno leanike. Aghukishi, akhuava eno kusukinino aphughi pesu panoqo ulo ikiqi iloveni cheni. Nono pivekeu kumtsu kuchou shi shikupu ighinike.

Sumi Naga CL (Re-edited) Bible (BSI)

²⁴ Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 32:24 ပူးပေါင်းရင်းမြစ်များ

SAMUEL AKINIU 20:15

Joab wu timiqono Sheba ye tile akeu ithuluveno panonguno aphughi tipau khasuluveniye homxa pesu ngoluve. Panonguno khalacheu kuptu ihjeghi ayeghi pesu shonhaghi shithuve eno akuptu tipa qhouno chhuthaniye ayeghi chhuthuve tishikeu lono akuptu ilaqighive peniye shike.

ISAIAH 37:33

“Asiriya kukau tsaye kishive nani kela AMPEU ni hipau pivae: ‘Paye aphughi hipaulo iloghimo nani momu apiji lakhimu kapukumo nani. Ghushimi khuumu azuto pesu aphughi kupunu ighimo nani eno bothasu pukukeu yeghi tope hipau sumuxa shiwomo nani.

JEREMIYA 16:4

Panonguye kusukini akumsapu lono thinanike eno khunomu panoqo ghenguno mloqamo nani momu panoqo kumo shiqhoni kemi kuha nani. Panoqo kithi kumoye tubatuzu toi ayeghilo hekutsu kumqope qhi nani. Panonguye aghukishi momu puqumiyekeu lono pithive nani eno panoqo kithi kumoye aghauqo ngo tughashi chuqupu shive nani.”

JEREMIYA 20:5

Ino pano ghumiqo pelo aphughi hipau lo kinikulu akeu kumtsu xulepuwuvepe nani eno tipaulo tinhemgha eno amheghi kumtsu sunhe kicheluvepe, Juda lo kukami qono kinikulu pekutsupua keu ghi eno tiye Babilon lo thwokha xapuwuve pe nani.

JEREMIYA 24:10

Ino aghukishi, puqumiyekeu eno kusukini panoqo shou sughi nani tiye ino panoqo ngo pano puasuqo tsukeu yeghilo panoqo milakhimu kuhavemoke kutolo tipau shi nani.”

JEREMIYA 29:17

Aqokitikhi MPEU no piani, ‘Ino aghukishi, akhuava eno kusukini panoqo shou sughini cheni, ino panoqo pesu khughuthi tsuwuve puzu chumlavekeu toi shitsuni cheni.

JEREMIYA 29:18

Ino aghukishi, akhuava eno kusukini pesu panoqo hakuqoni cheni, ayeghiqhalo ashiayeh akeqo kumtsuno tipau ithulukelo kichimamave nani. Khipaqhalo ino panoqo halepuwuni keno, panoqo shou kiu shivekeno tipaulo timiqono jukichive eno musave nani. Timino panoqo thaigha nani eno panongu je pesu musuini keu lakhi shi peitha nani.

JEREMIYA 32:25

Tishimu AMPEU Alhou, nono ivilo thopimi nhekithe lono alu qhupenike ahza itsuke, aphughiye Babilon mino leluvenikeu shive keghi nono ahza itsuke.”

JEREMIYA 32:28

Niye aphughi hipau pesu Babilon kukau Nebukadnezar ngo pawu aghushimi tsuve nikeu shiani; panonguno hipau leluve nani

JEREMIYA 32:3

Akukau Zedekiya no tilehi ikughape akughu shive eno AMPEU no ishi pikeu ino pesu asheshukeu ghenguno ihakhake, tiye: “Ino Babilon kukau pelo aphughi hipau leluve peni cheni,

JEREMIYA 32:36

AMPEU, Israil Lhou no ivilo pike, “Jeremiya, timiqono piakeuno aghukishi, akhuava eno kusukinino aphughi hipau pelo Babilon kukau ulo ikiqi iloveni cheni kepi piani. Itehiye ino kutau kiu pikepushi ani keno inilo.

JEREMIYA 32:5

Zedekiya ye Babilon lo sawuve nani eno ino pa peithamoke kutolo paye tilau ache nani. Pano Babilon sasu aghushie pinamu tomla nani. Ni, AMPEU no piqhiveake.”

JEREMIYA 33:4

Ni, AMPEU, Israil Lhou no pianike Jerusalem lo akeqo eno Juda kukau kighikiqoye ghapho pinyive nani. Babilonmino ayeghi tope shipuku puakeu sasu aghu shinike ipekeu adouke.

JEREMIYA 34:17

Ike itehiye, Ni AMPEU no pianike nonguno ihebide ani: nonguye nowu timi Israilmi pano gho shipemovae. Tishiaye jualo, ino kuqhokiphe pesu nongu tsuveni: aghukishi, akusukini eno akhuava lono thinikeu kuqhokiphe tsuni. Ino ayeghiqhalo ashiayeh akeqo pelo nongu shou kiu shikeno jukichi peni cheni.

JEREMIYA 52:4

ikehu Nebukadnezar no pawu aghushimi kumtsu gholono ighi eno Zedekiya no kakeu ampe atokuulo aqhi achighiu tsala achighiu lono Jerusalem leke. Babilon ghushimino aphughi nguno khalau apusho shipe qhi eno tipau sumxa pesu ayeghi toghi ghowo,

JEREMIYA 52:6

Tipa mipelo aqhi abidiu atsala atokuni lo, puqumiyekeu shishe ihulove puzu timiqoye chukepu kiumu kuhave keulo,

JEREMIYA 6:6

Aqokitikhi MPEU no kukami hipaqo vilo Jerusalem sasu aghu pughu nike ghenguno asuboqo yeqhi puzu aqo-ghe puku penike ahza tsuke. Pano ishi pi, “Ino hipau phughi ghimeqhi nike kughengu hipaulo timi qodaqhi keu chhitoi anike.

EZEKEL 14:21

Akughushu MPEU no piakeuye hike: “Ino iwu aghimepu akusa akusau bidi pesu Jerusalem shou puwuni chenike, tiye aghukishi, puqumiyekeu, tughashi eno kusukini timi ashi-aghau aphiphishi kutsave peniyeke.

EZEKEL 21:22

Ikelo! Pau ajeuno ‘Jerusalem’ ipi amchi shikeu piji tsuqulue. Tipauno pa vilo kichetsu keuno wuno shoxu ilokepu ghasubo kiti suwoqhi, aghukishi lo ighamuku shoxu ilokepu ghasubo aliwo-khadulo qhi, ayeghi pewo atoghi kughulho eno aqoh chhuwonikeu pitsuke.

EZEKEL 21:27

Ixapinyi! Ixapinyi! Ino aphughi pesu ixapinyivekeu shi nani. Ikemu ino khuu pelo aphughi ghimeqhi penikeu shiani keno tipau ighi mphi loye hipau shimo nani. Pa ighi kethiuno ino tipau shipe nike pa tsu nani.

EZEKEL 26:8

Khunoqono azumuku yeghilo taunqolo akhani keno aghushi akelono pithive nani. Aghumino aqoh chhuwo nani, ayeghi pewo atope ghowo nani eno nongu zulo azuto toi shosuyi mlape qhi nani.

EZEKEL 4:2

Tishi puzu, khasupe lelukeu kumlho shi-ghi aqochhutha keu, ayeghi-pekumqokeu, aphiki shiwokeu eno shoxukepu subolu ishi kutopesu tipau phughi vehope qhiwolo.

HABAKUK 1:10

Panonguno kukami phitsumoe eno kijemi junuqhi cheni. Aliwo qoghe kiu nomu panoqo lakhamla, panonguno tipa shou ayeghi puwo suno tipau bothasuluve cheni.

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

MATTHEW 24:35

Atsutsu ngo ayeghiye hauve nani, ikemu itsaye khilemu hauvemo nani.

ZAKINIU 4:26

Ino atsutsu ngo ayeghi kupuzu ishi tsala lono nongu shou thopi shianipeke nonguno ighobideve aye nonguye aghakhu lono pai hauve nani. Nonguye Jordan hukukuu nonguno ngoluniye kuto akeu ghakhulo ado kushuwa xumlave nanike, nonguye ghumono kutsaleve nani ke.