JEREMIYA 32:20 - BAIBEL (BSI)

²⁰ Kha-ghi nono Ijip lo akumzapu eno amichipu kumla mlaqhi puani, ishi tsala kutolo Israil lo ngo ashiayeh kutami gholo nono tipaqo shi acheni, tishianguno itehiye aqha kumtsulo no ithi anipeke.

Sumi Naga CL (Re-edited) Bible (BSI)

²⁰ Nono Egypt yeghi lo amchipu eno akichiqhipu piye, eno ishi kutolo tishi ani, Israel lo eno timi jeli kümtsü gholo ishi ghi O jekipipu shi aphi.

JEREMIYA 32:20 ပူးပေါင်းရင်းမြစ်များ

SAMUEL AKINIU 7:23

Ayeghiqhalo khuno shiayehmu Israilmi toike kuha. Owu timi shiniye nono aquaxe lono panongu khaqhipheluve. Nono panongu ghenguno kije eno akumzapu mlatsu keu huno ayeghiqha kumtsulo ojekipi kughakuchho wove. Nono shiyeh kutami eno panongu lhouqo owu timiqono ighikithishi halevetsu, Ijipmi kughu lono owu shiniye panongu khaqhiphevetsu.

YEKIKITHI ATUGHIU 17:21

Israil shiyeh toi keu kutau hipa yeghilo kuhae, khuu nono aqemi shi akelono xapheluno panongu pesu owu timiqo shiluve keno. Nono ighono akumzapu kutomo panongu ghenguno mlakeu ghenguno ojekipi ayeghiqha kumtsulo pikulhae. Nono owu timiqo Ijipmi ulono kuqhophe eno Shiyeh kutami panongu zuuno nono haphevetsu.

NEHEMIA 9:10

Nono Akukau shou akumzapu kumla mlae, pawu kijemi eno pa yeghilo kuami shou, kughengu panonguno kishishi owu timiqo nedaqoda che keno nono ithie. Nono ishi tsalalo ojekipi aketoi tipa ghuloki loghi nono toluke.

NEHEMIA 9:11

Nono owu timiqo ghenguno azughi kijevetsu eno ayeghi qhaikeulo nepukughi azughi mta lono nono panoqo sawuke. Khunoqono panongu ha ighi keno azu kutholo putsuqhive, tiye atu lakhi azu kighidelo ikiqi iloveke toike.

LESHELE 135:9

Farao eno pa qholo akemi kumtsu ghimeqhi nike tilau pano amchipu eno akumzapu shipiyeke.

IPEKULU 10:2

Tishi anguno nonguno ngongu nuli eno notilimiqo vilo ino kishi Ijipmiqo qokughuzu eno panoqo gholo kiu akumzapu michi shikeno tipaqo vilo pipeniyeke. Tishianguno niye AMPEU kepi nonguno ithi peniyeke.”

IPEKULU 3:20

Ikemu ino ikuka peitha nani eno akuighupu jeli tilau shikeu lono ino Ijip ghimeqhi nanike. Tishike thiuno pano nongu pelo wulupe nani.

IPEKULU 7:3

Ikemu ino akukau pelo kuthovi auve pe nani eno akumsapu jeli khije jehi shinamu paye otsa initsumo nanike.

IPEKULU 9:16

Ikemu ikuka opiyenike ino opelo xuaghi anipeke tishianguno ijekipiye ayeghiqha kuchopulo vekuphawo peniyeke.

ISAIAH 63:12

Muse vechewo pa kukano thime kije shikehu, AMPEU ye khile ani kya? Azughilo azu kijethavetsu eno ashekha kuhake kutolo pa jekipi shilunike ghenguno azukutho kachesu pawu timiqo sasu wukeu AMPEU hu khile ani kya?” AMPEU no sachekeu lono panonguye khurshi toi apukhu mutotoi nesulu eno khilemu kupuxavemoe.

ISAIAH 63:14

Amshiqo aghuma khilalo sawu keshi AMPEU no paw timiqo kulhoqhitsu. Pano pawu timi zulo atughiu shi eno pa je gihukepu sughi tsuke.

JEREMIYA 13:11

Chhekhaphino achita lo tsu-tsu khapulu keshi Israil ngo Juda lo akemi pelo ilau tsuqukhoilu peni shikeu kumsupu ake. Ino hipau shikeuye panonguye iwu timi shiche peni eno akishe agigihu ilau sughi peniyeke, ikemu panonguno igholumoke.”

DANIEL 6:28

Danel ye Darus kuka ghulokilo eno Persiami Cyrus kuka ghulokilo ajekipi shi xucheke.

DANIEL 9:15

“O AMPEU niLhou nono Ijip lono owu timiqo sasu ipeghi kelono okuka pephe piyeke, eno okukaye itehi kutolo kumsulu aphi. Nino axine shive, nino pimive.

Apostolmi 7:36

Pano Ijip lono timiqo sasu ipe, eno Ijip yeghilo ngo Akuhu Zughilo eno ampe lhobidi timi kughunamoke-alo pano amchipu eno akumzapu shishe mla.

ZAKINIU 11:3

Pano Ijip lo akukau ngo pa yeghiqha kuchopu shou kiu shikeno nonguno ithuluvae.

ZAKINIU 4:34

Nongu Lhou AMPEU no Ijip lo nongu lau shike toi alhou khualano msamo puzu ashiayeh lakhi launo timi aqo lakhi salu no pawu timiqo shilu pekeu anima? Nongu nhekithe lono pano pa kuka akumto peithake; pano pusa ngo aghukishi saghike, akichiqhi akumzapu kumla shike eno akumsa akuighupu shipeke.

ZAKINIU 6:22

Ni nhethi ampino pano akumzapu kumla shikeu eno Ijipmi shou akuighupu jeli shikeu eno pano kukau ngo pawu kijemiqo shou shikeu kumtsu ithuluke.

ZAKINIU 7:19

Pusa lhoksa jeli no likhi no nhethino ithuluve keu, akumzapu akichiqhipu eno akuka kumto kije AMPEU nongu Lhou no peitha puzu nongu kuqhopuwu keu kumsululo. Pano Ijipmi kutsaleve kepaphi lono timi hipaqo itehi nonguno musa akemi kumtsu kutsave nanike.