JEREMIYA 31:7 - BAIBEL (BSI)

⁷ AMPEU no piani, “Israil, ashiayehqo gholo akijeu ghenguno alokivishi alephelo. Nonguno shekiqhe le phelo, ‘AMPEU no pawu timiqo xaluvae; khunoqo qhipuaghi keno pano xapheluvae.’

Sumi Naga CL (Re-edited) Bible (BSI)

⁷ Kughengu Ampeu no ishi piani: “Jacob ghenguno igha ale phelo, eno shiye tomi ghenguno ighamku lo; asheshu lo, akishe tsüno pilo, ‘O Ampeu, Ow timi Israelmi ghükulumi xalulo.’

JEREMIYA 31:7 ပူးပေါင်းရင်းမြစ်များ

LESHELE 106:47

Ni xalulo, O AMPEU niLhou, ashiayehqo launo ningu sachile saghi tsulo, tishianguno ninguye oshikimthini eno oje kimthe sheqhenike.

LESHELE 126:2

Kunuvuqai keuno nigi chhitoive, eno nikichino alokivishi ighake. Tileno ashiayeh kutamino ni ghili ishi kughae, “AMPEU no panongu ghenguno akumla kije mlavetsuae.”

LESHELE 14:7

O Zion lono Israilmi lau xakulupu ighilupeke aye! Kughou AMPEU no akumgha pawu timiqo lau suchile sughi tsuni keno. Jakob no alovi nani, Israilmino amlokiqi shilu nani.

LESHELE 28:9

Owu timiqo xalutsulo eno omhe ghimi kumghatsulo O AMPEU. Nono panoqo kheu shitsulo eno alhokupujulo panoqo hejulo.

LESHELE 67:1

Alhou, ningu kimiye tsulo eno nikumghatsulo; kupuqhiyi nishou jupukutsulo,

LESHELE 69:35

Pano Jerusalem xalu nani eno Juda yeghilo taun akeqo putu kithe nani. Pawu timiqono tilehi kughuna nani eno ayeghi pighilu nani;

ISAIAH 1:9

AMPEU Akughushuuno timi khami likhimu ghutsumoke aye Jerusalem ye Sodom ngo Gomora toi qhoi kutsapinyiveni cheke.

ISAIAH 11:11

Tipa tsala ighikelo, AMPEU no ghuthu akiniu ghi pa kuka peitha puzu pawu timiqo ayeghi hipaqolo qhivepuaghi keqo sachilesaghi nani: Asiriya, Ijip, Pathro, Sudan, Elam, Babilon, Hamat lo ngo zudo yeghiqolo eno azu sumxape akeqo yeghilo.

ISAIAH 37:31

Judia lo khunoqo puxupe puaghini keno tipaqoye asutsunibono ayeghilo akuhu thonhei qusu puzu alothi pithilukeu toi nani.

ISAIAH 37:4

Asiriya kukatouno pawu kijemi atou puwu puzu akuxupu Lhou thaigha anike. AMPEU oLhou pelo hi thaigha akeu chilu puzu tipau piqhi akemiqo ghime penike, tighenguno ni timi akuxu puxupe puaghikeqo ghenguno Alhou lau inikhutsulo.”

ISAIAH 44:23

Kungughaqo, alokivishi ighalo! Ayeghilo aqoh thonheikeu ighalo! Naghutoqo eno aghasulilo asubo kumtsu alokivishi ighalo! AMPEU no pawu timi Israil xalukeu lono pa kughushu pephe piyevae.

ISAIAH 52:8

Khunoqono aphughi ghukhe shiani keno ighamuku ani, alokivi launo ighamuku ani! Panongu nhethi ampino Zion lo AMPEU ideghikeu ithuluni chenike!

ISAIAH 61:9

Panonguye ashiayehqo gholo ajekipi shi nani; Panoqo ithulukemi kumtsuno iwu timiqoye ino kumghatsu kepi ithikha nani.”

JEREMIYA 20:13

AMPEU lau alephelo! AMPEU sheqhelo! Pano alhoksami kuka lono qodape akeqo sunhephelu cheni.

JEREMIYA 23:3

Ino khipaqo yeghilo iwu timi halepuwuve keno ghupe puaghikeqo tikudauno hekutsukumqo nani eno ino panoqo sasu pano kialu yeghilo saide ighi nani. Panonguno atianuli kutomo shi nani eno timi kutomo shive nani.

JEREMIYA 3:23

Nino naghuto toghilo asu atu mllakeuno kiumu nikuphuluni chemoe. Israil kukuphuye niLhou AMPEU lau likhino ighi cheni.

JEREMIYA 31:12

Panonguno Zion Tolo ighi puzu alokivi launo ale phe nani eno ino kumsagho tsukeulo azukuvu shive nani kumsagho tipaqoye athi, atsayiji, oliv teli, bheriqo ngo amshiqo. Panonguye azu akivishi suchekeu ghutu toive nani; panonguno avehupu shikeu kumtsu aluve nanike.

AKUMLO 1:1

Ghuthu lakhiye timi chhitoi achekeu phughi Jerusalem ye kughukughaleivae! Ghuthu lakhiye ayeghiqhano gihu cheke, itehi liye chimemi toivae; Aphughiqo gholo akiqheu huye aquaxelo ikiqi ilovae.

EZEKEL 6:8

“Ino panongu gholo khamiye ghiqhi keu lono poluvepe nani eno ashiayeh kutami gholo apanagha wuvepe nani,

HOSIYA 1:7

Ikemu Juda lo akemiqo lau ino kikimiye tsu nani. Ni, AMPEU panoqo Lhou no panoqo xalu nani ikemu niye aghukishi momu azutakihi momu asuzu eno apiji momu khurshi eno khurshi shou ikukemi pesu tipau shini chemoe.”

JOYIL 2:32

Ikemu AMPEU vilo kuphu lepi qhuiniju kemi kumtsu xapheluve nani. AMPEU no piveke toi, ‘Jerusalem lo ngo Zion Tolo khamiye poluve ani; Ino kisheluve kemiqoye xulupe nanike.’ ”

AMUS 5:15

Alhoksaye kiu keno tipau jumithilo eno achipiu kimiyelo eno kughakutha-alo achipiu xakutha achepelo. Ishiake, AMPEU no hipau shiayehlo timi puxupe puaghikemi shou kupu kimiye luvi ke.

MICAH 2:12

“Ikemu Israil lo akemiqo nongu khije ghupe puaghi nikeno tipaqo kumtsu ino hekutsu kumqo nani bherino bokuthabo lo ideighi keshi ino nongu hekutsu kumqo saghi nani. Aluzaqalo bheri chhitoi akeshi noyeghiye itaghi timi kumzapuno chhitoi kitheve nani.”

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

ZEFANIA 2:9

Niye mutsuqheyino Israil Lhou ke ghengu Muab ngo Amun ye Sodom ngo Gomora toi kutsaleve nani. Tipaqoye amti kuchhukhuki shive nani eno alhokupuju tishi ixapinyi auve nani eno alupino qunhave nani. Iwu timi khunoqo puxu puaghini keno tipanoqo xulepuwuve nani eno panoqo yeghi luve nani.”

Rommi 11:5

Ikehu itodolo ghi tihutoi Alhou no aghulo ghupe qhipuakemi ani, Alhou no qhuivulayi kehu kishelue.

Rommi 9:27

Isaya no Israilmi ghili ishi asheshu puani: “Israilmi no azughi saye jejehi aghipinamu, panoqo gholo aghulo likhi xalu nani;

ZAKINIU 28:13

AMPEU Alhou no nongu pelo ashiayehqo gholo sakiphemi shipe nani eno apapemi shipemo nani; nonguye pulhapujulo axukivishi anani eno khilemu tomovekeu shimo nani tiye nonguno amikucho shi pa yezah ishi tsalalo ino tsu akeu papelu keu lono tishilu nanike.

ZAKINIU 32:43

“Ashiayeh kutamiqo, nongu AMPEU wu timiqo sheqhe masae; Pano pithipuaghi kemi pano ghimeqhi nani. Pano aghumi shou amkhu lucheni eno pawu timiqo xine peivetsu cheni.”