JEREMIYA 31:40 - BAIBEL (BSI)

⁴⁰ Akhila kumtsu khilehi kithimi qho cheni eno tubatuzu pele cheni eno Kidron ghokiti ahuu kudau aluqa akeqo kumtsu kipelau Khurshi Khagho kutolo ilau akimthe shipe qhi nani. Aphughi huye itaghi khilemu hepho piniyivemo momu kutsalevemo nanike”

Sumi Naga CL (Re-edited) Bible (BSI)

⁴⁰ Akithi kumo khila eno ayevu pele chekeu kümtsü, eno aluza lono Kidron ghokiti, kipelau Khurshi Khagho cheku kutolo, Ampeulau akimthe shinani. Mishighüna ye alholo ghenguno nhüve momu kütsaleve moae.”

JEREMIYA 31:40 ပူးပေါင်းရင်းမြစ်များ

SAMUEL AKINIU 15:23

David papemino cheve kemtsa timiqono ighono ighamuku. Akukau ye Kidron ghoki kathasu ikuve eno pawu timiqono pa papesu wu eno panongu kumtsu aqoshi aghasaqha kudau wuve.

KUKAMI AKINIU 11:16

Panonguno li sunhe pesu akukaki lau sawu eno Khurshi khagho ipikeu a lono li heqhive.

KUKAMI AKINIU 23:12

Juda lo kukamino akukau Ahaz no achekeu ki tsuqalo akumlla kiptia shikeu ghi akukau Josia no xalevetsu eno tipau gholo akukau Manasse no shipuku keu kumlla kiptia eno ti Achinekilo kughaki kini kuma ghi mukhumuno shi kubo piniyive tsuno Kidron Khila lo pelevetsu.

KUKAMI AKINIU 23:6

Pano Ashera lhouliu julho Achineki lono ikhipevetsu eno aphughi lono pesu wuveno suwo Kidron Khila lono pitive eno mukhu munoshi ayevu kughulhove eno tipau pesu mishi kumo kuqho alo kutho lesuvestu.

YEKIKITHI AKINIU 23:15

Panonguno li tsuquluveno akukaki lono li sawuve eno tilau Khurshi Khagho lono panonguno li heqhive.

NEHEMIA 3:28

Achinemi aqo lakhino tipa shelo Khurshi Khagho lono ahuu kudau pututa ki zulo mlalu.

LESHELE 48:9

O Alhou, ochineki alou ninguno okikimiye iqemokeu kumsu kutoju ani.

ISAIAH 51:22

AMPEU oLhou no osuhope ani eno piani, “Ino iloghu lono nongu tsukeu jukhu niye ikhiluve ani. Nongu pelo hevulalaive pekeu itaghi nonguye itsayiji shokithepemo nanike.

JEREMIYA 1:10

Ishi tsala lono ashiayehqo ngo akukaqhaqo nhuvepe eno tulevepe nikeu, kutsave eno halevepe nikeu, shipuku eno shosupenikeu kuka ino otsu ani.”

JEREMIYA 18:7

Kughokughomu ashiayeh momu akukaqha lakhi ino nhuveni keushi, kuboleve nikeu shi momu kutsave nikeu shi ino piakelo,

JEREMIYA 32:36

AMPEU, Israil Lhou no ivilo pike, “Jeremiya, timiqono piakeuno aghukishi, akhuava eno kusukinino aphughi hipau pelo Babilon kukau ulo ikiqi iloveni cheni kepi piani. Itehiye ino kutau kiu pikepushi ani keno inilo.

JEREMIYA 8:2

Tipaqo hekutsu pesu qhovenike zuqhulo panoqo saghiye aghuma toi ayeghi shou dapesu anani. Tipaqoye tsukinhe ngo, aqhi eno ayepu zulo kuthole pesu qhinani, timi hipaqono thime hipaqo kimiye eno qe achenike eno panonguno hipaqo putsawu eno mlla achenike.

EZEKEL 37:2

Pano isasu akhila kumtsu veho sawu eno tilehi asaghi kumzapu qheakeu ino ithuluake eno tipaqoye ququyi qhai ake.

EZEKEL 37:25

Ino iqeu Jakob tsukeu yeghi shou panonguno kughuna nani, tiye panoqo puasuno achekeu yeghike. Panonguno alhokupujulo tilehi kughuna nani, pano tianuli eno atikughukomi kumtsu titoi shi nani. Akukau lakhi iqeu David toikeuno alhokupujulo panoqo shou ayehpe nani.

EZEKEL 39:29

Ino Israil lo akemiqo shou ighungu lepuku nani eno niye khilemu panoqo launo itaghi tsughusu wuvemo nanike. Ni, Akughushu MPEU no pivae.”

EZEKEL 48:35

Aphughi puwupuakeu atupikiye ako bidi kujolo akushu lau khitohi keno pekuqhaju keulo tiye miter 9,000 ke. Hinguno hilau aphughi tipau jeye “AMPEU ye hile ani!”

JOYIL 3:17

“Tishiaye, O Israil, niye nongu Lhou AMPEU kepi nonguno ithi nani. Niye ikimthe toghi Zion lo acheni. Jerusalem ye akimthe phughi lakhi shi nani; inaghamiye khilemu tipau itaghi lelumo nani.

ZEKHARIA 14:11

Timi qoye akupuna kuhaveno tilehi ngolu nani, shikupsa no panoqo shikichiqhimono ngoluve nani.

ZEKHARIA 14:20

Tipa ghulokiloye khurshiqo pepipe chekeu muqubo shou ghi, “AMPEU lau Ikhiphetsuvekeu” ipi yepuku nani. Achinekilo be-lho chekeu liqo ghi akumlla kipti khachelo akhuqo qhemi akimthe kepi kihi nani.

John 18:1

Jisu no atsa hipaqo pivekethiu paye pa khopemi sasu cheve eno Kidron ghokiti kathasu wuve. Tilehi aghutu lakhi ake Jisu no pa khopemi sasu tilau ilo.