JEREMIYA 31:34 - BAIBEL (BSI)

³⁴ Panoqo gholo khunomu pano ghakhumi vilo AMPEU ithilo ipi shikapiyeni chemoke, kughengu kumtsuno ni ithi nani, aku-amighiu lono akijeu kushu kutolo. Ino panoqo xineqo pevetsuni eno niye, khilemu panoqou kivikumo kumsupu ache move nanike. Ni, AMPEU no piveake.”

Sumi Naga CL (Re-edited) Bible (BSI)

³⁴ Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

JEREMIYA 31:34 ပူးပေါင်းရင်းမြစ်များ

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

LESHELE 25:7

Ilhothelo xineqo ngo ino kuquve keu xine kumsumave tsulo, ow iqemokeu kikimiye kiqi lono ikumsululo, O AMPEU!

ISAIAH 11:9

Alhou wu akimthe toghi Zion lo akuighupu eno shipusave kepu kiumu kuha nani. Azughilo azu chhitoi akeshi ayeghilo AMPEU kighithino chhitoi ve nani.

ISAIAH 29:24

Kughuzumino vethaluni keu shikalu nani, eno khunoqono pulhapuju muchho acheni keno shikapiye penikeulo alovive nani.”

ISAIAH 30:26

Aqhino tsukinhe toi vuqaleive nani eno tsukinheno puzuu nguno ghuthu tsuni vuqalei kitheve nani, tiye ghulo tsuni kuvu ghulo lakhi lono ipeghikeu toive nani. Hipaqoye kughou AMPEU no pawu timiqo ghuzavekeu khavetsuno shipivini keno tileno hi kumtsu shinani.

ISAIAH 33:24

Niyeghilo auvekemi khunomu suani kepi itaghi muchhomo nani eno axineye kumtsu pevetsu nanike.

ISAIAH 33:6

eno tipano shiayeh iqughayikeu pesu tsu nani. Pano pulhapuju pawu timi susholu cheni eno alokutsu ngo akighithi panoqo tsucheni. Panoqo wu akinikua akijeuye AMPEU sumsakeuke.

ISAIAH 38:17

Ikukhu kimji ye alokiqipu shive nani. Akuighupu kumtsu launo nono ikuxu xaluke; Nono ixine kumtsu pevetsuke.

ISAIAH 43:25

Ikeghi, niye nongu xine pevetsu chekeu Lhou ke, niye nike ghenguno tipau shitsu cheni. Niye nongu xine nongu shou tishi puatsumo nani.

ISAIAH 44:22

Khungkusu toi ino oxine jolevetsu nani. Ilau ideghilo; oxaluchekeu huye nike.”

ISAIAH 52:6

Ighinikeu ghulokilo nonguno niye Alhou eno ino nongu putsakepi nonguye pilu nani.”

ISAIAH 54:13

“Ni ampino nowu timi shikapiye nani, eno kinikulu ngo alakishi panoqo tsu nani.

JEREMIYA 24:7

Panoqo pelo niye AMPEU kepi ithipeni shikeu ape nani. Tileno panonguye iwu timi shive nani eno ino panoqo Lhou shive nani kughengu panonguno amlo kuchopu tsupuzu ilau ideighi nani.

JEREMIYA 32:40

Ino panoqo sasu lhokta puloshoqhi lakhi shi nani. Niye panoqo ghenguno akivipu kumla khilemu shitavemo nani, ino panoqo pelo amlo kuchopu pesu isumsape nani, tishikehu panonguye ilauno khilemu wuvemo nani.

JEREMIYA 33:8

Panonguno ishou axine shikeu ino panoqo qhu kimthetsu nani, ino panoqo xine ngo panonguno hebidekeu peivetsu nani.

JEREMIYA 50:20

Kughono tipa ghuloki ighini keno Israil lo kiu xinemu phumla nani eno Juda lo kiu lhoksa kugha mu kuha nani, kughengu timi khunoqo kuxu ino ghupe qhitsuni keno ino tipaqo xine pevetsu nani. Ni, AMPEU no piveake.”

JEREMIYA 9:23

AMPEU no pike, “Alokutsumiye pano lokutsulo qhezalaki kepu kumoe, akumtomi pimu pano kumtolo qhezakepu kumoe, kinimi pimu pano kinilo qheza kepu kumoe.

HOSIYA 2:20

Niye ishoqhi qhini eno opesu iwu shini, eno nono ipesu AMPEU kepi kighithi kileni.

MICAH 7:18

O AMPEU, otoi keu lhou kutau kuhae; nono owu timi, puxupe puaghitsu kemiqo xine peivetsuke. Noye alhokupujulo aloghu ideauve chemoke ikemu nilau owu lhokta kikimiye piye nikeulo ozukuvu shi achenike.

MICAH 7:19

Noye itaghi nilau kupuqhiyi kithe nanike. Nono nixineqo apukhuno nedaqodave nani, eno azughi polalo tipaqo vesuve nanike!

HABAKUK 2:14

Ikemu azughilo azuno chhitoi akeshi AMPEU kimthe jekipi ithikeuno ayeghi chhitoi nani.

MATTHEW 11:27

“Ipuh no thwokha kumtsu itsuvae. Apuh likhino kumoaye khuu nomu Anu mthae eno Anu likhino kumoaye khuu nomu Apuh mthae, eno Anu no khunoqo pelo Apuh ithipe nike pephepiye nikeno tipaqono kumoaye khuunomu Apuh mthae.

Luke 1:77

Apuo, noye Alhou Akiqheu wu tungkupu lakhi ipi kuni kughengu nono Ampeu zuu wuno pa laghi kutope puaghi tsu nani,

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

John 17:6

“Ayeghilomi gholono nono khunoqo ikhiphe pesu itsu keno tipanoqomi lau ino oje pephe piyevae. Panonguye owu ake, eno nono panongu itsuke, eno panonguye otsa peluvae.

John 6:45

Tungkupumino ishi yehpe puani, ‘Timi kumtsu Alhou no shika nani.’ Apu tsa chilu eno pa launo shikalu chekeqono ilau ighi cheni.

Apostolmi 10:43

Tungkupmi kumtsuno pa shepe shichekeuno, timi khunono pa puluni keno paje vechewo axine pevekulupu ithulue.”

2 Kor. 2:10

Nonguno timi khuu kipimi pevetsu nikeno nighi pa kipimi pevetsu ani. Ino kiu kipimi pevetsu nikeno, ino akipimi pevetsu puaghiaye, ino tishikeu huye Khristo zulono nongu ghenguno ke.

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

Ephesiami 1:7

Khristo no aji pele thikeu gholono ningu xachilelukeu eno ningu xine pevetsukeu ani.

1 Thes. 4:9

Athikuzumi kimiyekile kepu ghili ghenguye khunomu nongu lau yeakepu avehu kuhae, kughengu nongu lakhino lakhi kishi kimiyekepu keno Alhou no nongu kutsupiyepe puanike,

IBRIMI 5:12

Itehi nonguye akukutsumi shiluve aghikepu kelauye kutami pelo itaghi Alhou tsape pepimhetughiuqo pesu nongu vilo pikepu avehupu shiaphike. Nonguye mukamughayi keu chuqupu chunike zuqhulo akichhizu yekepu shiaphie.

IBRIMI 8:11

Eno panongu lakhi nomu pano kusau vilo, momu pano likhi pano timi vilo, ‘Ampeu ithilo’ ipi shikakilemo nani. Kughengu panongu gholo akuamighiu lono iku akijeu akushuu kutolo kumtsuno ni ithi nani.

IBRIMI 8:12

Panonguno hekibide xine shikeu shou imlo ighiqhiyikeu anani, Eno niye panongu xineqo khilemu kihikula tsumove nani.”

1 John 2:20

Ikemu nonguye Aghungu Kimthe pesu nongu shou lepukutsue eno nongu kumtsuno kuchou ithi ani.

1 John 2:27

Ikemu Khristo no Aghungu Kimthe nongu shou lepuku tsukeu nongu lolo acheni, ikehu timi khunomu nongu shika akepu nonguye avehupu shiamoe. Kughengu pa Ghungu Kimthe no thwokhalo nongu shika nani, eno pano shika keu huye kuchouke, kichileu kumoe. Tishiaye Aghungu no nongu shika keu lulo eno Khristo gholo xukimepe achelo.

1 John 5:20

Nino ithi akeuno Alhou Nuno ighi puzu ithikututa shilukeu ningu tsupe puani, tishikeuno ninguye pa Nu Jisu Khristo gholo xukimepe akeu lono kuchou Lhou gholo ghi xukimepe ani. Hiye kuchou Lhou eno lhokta kuxuke.

SAMUEL ATUGHIU 2:12

Eli nuliqo ye ighono timi lhoksami shive. Panonguye AMPEU lau kumu amlo tsumove.