JEREMIYA 31:32 - BAIBEL (BSI)

³² Tipauye ino pano puasuqo au lono sunhepe puzu Ijip lono panoqo saipevekeu ghulokilo panoqo sasu puloshoqhi aqau shikeu toimo nanike. Niye panoqo kimi toi shiakemu panonguno puloshoqhi tipau pemoveke.

Sumi Naga CL (Re-edited) Bible (BSI)

³² ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

JEREMIYA 31:32 ပူးပေါင်းရင်းမြစ်များ

KUKAMI ATUGHIU 8:9

Puloshoqhi Bohu alouye kutau ye kumu kuha, ikemu Muse no Sinai to lono sughikeu AMPEU no Israilmi sasu Puloshoqhi shikeu tsa panonguno Ijip lono ipeghive kethiuno yekeu tsa tupha kini likhi ae.

LESHELE 73:23

Ikeghi niye pulhapuju okupunu ngo cheni, eno ouno itsuqupe acheni.

LESHELE 78:37

Panonguye pa qhoqhumoe; panonguye pa sasu puloshoqhi shikeu pukhukile mlaveke.

IPEKULU 19:5

Ike itehiye nonguno igholu eno iwu puloshoqhi pelu aye nonguye iwu timiqo shi nani. Ayeqhiqha kuchopu iwu ke ikemu nonguye iwu kishe kiphemi shi nani,

IPEKULU 32:8

Panongu vilo ino pape lopi ahza tsukeu laghi qhivae; panonguye shunayizuno amshitsu lakhi shiluve no tipau mlla ghi agha kishi kumllagho tsu auvae. Panonguno pi keuno tipauno panoqo lhou, Ijip lono panoqo saipeghikeu kepi anie.

ALE KIMCHI 8:5

Asayeqha kudau li lomi mungupesu chechekeu hupauye khuu kya? Pukhothibo qholo ino okudaputhuke, tileno ozano opunu niye ihi ake, tipa alono opunuke.

ISAIAH 24:5

Timiqono Alhou yehqo hebidevekeu lono eno pano puloshoqhi alhokupuju achepe nikeu hepusakeu lono ayeghi kitiqeveke.

ISAIAH 41:13

Niye AMPEU, oLhou ke; ino oshikumtoke eno pi, ‘Musa kevilo; ino okuphu nanike.’ ”

ISAIAH 54:5

OLhophekeuye oghenguno akimi lakhi toive nani, pa jeye Aqokitikhi MPEU ke. Israil Lhou akimtheuno oxalu nani paye ayeghiqha shou ayehkipeuke.

JEREMIYA 11:3

Ike ni AMPEU, Israil Lhou no hipau puloshoqhi lo akeu tsa papemokemi shou musuinikeu lakhi betsu ani.

JEREMIYA 11:4

Tiye ino panoqo puasu sasu puloshoqhi shi keu tsake; panoqo puasu ghenguno amiphokilo ami iqu akeu toikeu yeghi Ijip lono ino panoqo sasu ipeghi kelono puloshoqhi shipuakeu huke. Ino panoqo vilo igholu eno ino ahza tsukeu kumtsu shilo pike. Ino pikeuno panonguno aghokulu shiaye iwu timi shi nani eno ino panoqo Lhou shinikeu pike.

JEREMIYA 2:2

hipau tsape pesu Jerusalem lo timi kumtsu lau asheshulo pike. “Kughou nonguno alhothe shi akeno nonguye kiutoi pukhukulu keno ino kumsulu ae, ningu kulakupu shitughuloye nonguye kiutoi ikimiye chekeno; Nonguno asayeqhalo kishi ipapelu chekeno, yisumokeu yeghilo achekelo.

JEREMIYA 22:9

Tileno panonguno ishi khochilekile nanike, ‘Kughengu Juda lo akemiqono AMPEU panoqo Lhou sasu puloshoqhi shikeu pheveke eno kutau lhouqo mllawuve eno tipaqo qeuve kehue.’ ”

JEREMIYA 3:14

“Amikucho kumomiqo; nonguye iwuke. Aphughi lakhikhi lono ino nongu milakhikhi luni eno alagha lakhikhi lono mikinini luni eno ino Zion Toghilo sachile saghi nanike.

JEREMIYA 31:1

AMPEU no piani, “Ino Israil lo alaghami akeqo kumtsu Lhou shiluvenikeu ghuloki wocheni eno panonguye iwu timi shive nani.

JEREMIYA 34:13

Israil Lhou no timiqo vilo pipeniye ivilo pike: “Kughou ino nopuasuqo Ijip lono xaphelu eno aquaxe lono panoqo kuqhophe keno tileno ino panoqo sasu puloshoqhi lakhi shike. Ino panoqo vilo pikeuno

JEREMIYA 34:14

ampe tsuninilo panonguye Ibrimi khukhumu ampe tsugho panoqo qevekemiye phepuwuveni keu pike. Ikemu nopuasuqono ilau amlo tsuqhiyi keu kuha momu ino kiu pikeno tipau initsumoe.

EZEKEL 16:8

“Itaghi ino vechesu wuchekelo noye alokile kimiye kepu ghuloki shivekeu ino ithulu. Ino uchekeu phi pesu ophi kumsa akeu ino opu uve eno okimiyeni keu shi ovilo piqhive. Iye, ino osasu kulakupu shinikeu puloshoqhi shike eno noye iwu shiluveke.” Hiye Akughushu MPEU no piani.

EZEKEL 20:37

“Ino nongu ghasukeu kusu qholo ngope nani eno nongu pelo iwu puloshoqhi gholupe nani.

EZEKEL 23:4

Akichiu jeno Ohola (lino Samaria ke) eno ayitiu jeno Oholiba (lino Jerusalem ke). Ino pama kinikujo sasu kulave eno pamano atianuli punu itsuke.

HOSIYA 11:1

AMPEU no pi, “Kughou Israil no itimi lakhi shiakeno ino pa kimiyeche, Ijip lono ino inu kulue.

HOSIYA 2:2

Itianuliqo, ozaye inipu kumovea eno niye likimi kumovea kemu li putsatsulo. Lino kutuqha eno salha shupu chekeu qhivelopi li putsatsulo.

HOSIYA 3:1

AMPEU no ivilo pi, “Wukithelo eno totimi alojipumi sasu salha akeu lau okikimiye piyelo. Israilmino ilauno tsughusu wuveno atsayithi kipiki pesu ajulho shisukeu lau akumllagho tsu auve pinamu itehi kutolo ino panoqo kimiye ake toi noye atotiu kimiye masae.”

ACHINE 26:15

Iyezahqo ngo ahza tsukeu gholumoniye hebide puzu ino nongu sasu shipuakeu puloshoqhi hexave aye,

Mark 8:23

Jisu no anhethi kighicheu a-u lono sunhepeno sasu aphu kubalalo wuve. Jisu no timi tipau nhethilo musupuku eno a-u pesu pa nhethi butsu puzu pa vilo iniju, “Noye kiukiumu ithulu anima?”

John 3:29

Kulapuuno kulaliu sa-anikeu ke; ikemu kulapuu kusau huye puthugho puzu ini acheni eno kughou kulapuu sutsa chilu nikeno paye alokivi shi cheni. Tihutoi ilokivi hipau shikupuvetsuae.

Apostolmi 23:19

Zahtsuu no apumi hu auno valuve puzu vekutsughulo ighowo puzu pa vilo iniju, “Noye ivilo kiu pikepushi ani kya?”

2 Kor. 11:2

Nongu ghenguno niye Alhou no anheshu akeshi nongu jupe inheshu ani; kughengu ilimi amikuchomi lakhi timi lakhino luniye inipe puakeshi niye nongu sawo Khristo tsuniye shiake.

ZAKINIU 1:31

Apuno panu xapu keshi pano kishi nongu xaphe sasu hipa alo saghi keno ithuluvae.’

ZAKINIU 29:1

Muab yeghilo akelo AMPEU no Muse vilo ahza tsupuzu Israilmi sasu puloshoqhi tsa kiqi hipaqo shipenikeu shie; hipaqo kumtsu AMPEU no panoqo sasu Sinai Toghi lono puloshoqhi shikeu gholo kuphatsu keu ke.

ZAKINIU 29:21

AMPEU no Israil laghami kumtsu gizulo pa kugha pesu kichekipiye lakhi shitsu nani eno AMPEU wu akukutsu kaku hipaulo yepua keu puloshoqhilo musuini jeli kiqi lono kutsakungo keu pa shou sughi nani.

ZAKINIU 29:24

Tileno ayeghiqha kuchopu lono iniju nani, ‘AMPEU ye kushiye panoqo yeghi pesu hikithipu shivetsu kya?’

ZAKINIU 31:16

AMPEU no Muse vilo pi, “Noye itheno thiniae eno nono thive kethiu timiqoye ilau amikucho shimove nani eno ino panoqo sasu puloshoqhi shikeu kuboleve nanike. Panonguye iqhiveno panonguno iloniye akeu yeghilo achine kutau lhouqo mllauve nanike.

ZAKINIU 31:20

Ino pano puasu lau tushoqhive ketoi panoqo sasu kinikulu eno aghuma yeghi hipaulo ilo nani. Tilehi panonguno lunishi ke thaqhu achuqupu alu nani eno panonguye alokughuno shi xulu nani.Ikemu panonguye tsughu idesu kutau lhouqo mllauve nani. Panonguye imilive nani eno iwu puloshoqhi kuboleve nani,

ZAKINIU 5:2

Sinai Toghilo AMPEU ningu Lhou no puloshoqhi lakhi shike,

ZAKINIU 5:3

tiye ningu papunoqo likhi sasu shike kumono ishi tsalalo ningu xuakemi sasu ghi shike.

IBRIMI 8:9

Tiye pano puasuno Ijip yeghilo akelo a-u lono ino sunhephe pesu ipeke tsalanino Ino panoqo sasu puloshoqhi shikeu toimo nani. Ino panoqo sasu puloshoqhi shikeulo panonguno pukhubekile moveke, ike ino panongu jukutomoveke, ipi Ampeu no pi: