JEREMIYA 31:12 - BAIBEL (BSI)

¹² Panonguno Zion Tolo ighi puzu alokivi launo ale phe nani eno ino kumsagho tsukeulo azukuvu shive nani kumsagho tipaqoye athi, atsayiji, oliv teli, bheriqo ngo amshiqo. Panonguye azu akivishi suchekeu ghutu toive nani; panonguno avehupu shikeu kumtsu aluve nanike.

Sumi Naga CL (Re-edited) Bible (BSI)

¹² Panongu no Zion toghi lono ale phesü ighi nani, Ampeu kivi ghenguno panongu no alovi nani, athi, atsaizü eno thazü ghenguno, pichepighi ghenguno alovi nani; pano küxü ye azü no pütsü keu ghutu toi nani, panongu ye amlosa kithemae.

JEREMIYA 31:12 ပူးပေါင်းရင်းမြစ်များ

LESHELE 130:4

Ikemu nono ni kipimi qhivetsu, ikehu ninguye ojupe akumzaqhiyi puthugho anike.

ISAIAH 1:30

Nonguye aphisubo thivekeu toive nani eno khunomu azu sumovekeu ghutu toi thive nani.

ISAIAH 35:10

Panonguno alokivishi Jerusalem tolu nani. Panonguye alhokupuju alokivishive nani, amlo ghime eno amlo ghuju lono alhokupujulo khaqhi pheve nani.

ISAIAH 51:11

Nono khunoqo lekholuvea keno tipaqono alokivishi Jerusalem tolu nani, alokivi launo ighamuku alephesu tonani. Panonguye alhokupuju alokivishi nani, pulhapuju ghenguno amlo kusa eno amlo ghime lono kuqho pheve nani.

ISAIAH 52:8

Khunoqono aphughi ghukhe shiani keno ighamuku ani, alokivi launo ighamuku ani! Panongu nhethi ampino Zion lo AMPEU ideghikeu ithuluni chenike!

ISAIAH 58:11

Pulhapuju ino nongu sapiye eno thime kivi pesu nongu lopiqitsu nani. Ino nongu pelo mutotoi eno akivishi apenani. Nonguye aghutu lakhi azu pofushi akeu toi nani, azupuki khilemu qhaive chemokeu toi nani.

ISAIAH 60:20

Nonguno amlo ghime shichekeu tsala ashekha shivepe nani. Ni AMPEU no alhokupujulo nongu kuvu shi nani, tsukinhe ngo aqhi nguno ado kushuwa anikeuke.

ISAIAH 65:19

Ni ampi ghi Jerusalem eno tile akemiqo ghenguno alokivi shi nani. Tilehi qamlokeu kuha nani eno kuphulepi ighakeu sutsa kuha nani.

JEREMIYA 3:14

“Amikucho kumomiqo; nonguye iwuke. Aphughi lakhikhi lono ino nongu milakhikhi luni eno alagha lakhikhi lono mikinini luni eno ino Zion Toghilo sachile saghi nanike.

JEREMIYA 31:24

Timino Juda lo taun akeqo kumtsu kughuna nani eno tilehi alukichimi ngo bherikhemino pano bheri loji sasu anani.

JEREMIYA 31:25

Khunoqo aghuthisu ani keno ino aghuthi puxu tsu nani eno akhuamzu lono miqemileive kemiqo kumtsu ino achuqupu pesu aghapiqitsu nani.

JEREMIYA 31:4

Itaghi ino nongu xaqhepuku kithe nani. Itaghi nonguno amuqu lebo ikhilu puzu alokivi launo ilhe nani.

JEREMIYA 31:6

Kughengu, aghukhemino Efraim tolono ishi asheshu kupuwunikeu tsala wocheni: ‘Ningu Zion lo iqhoni nolo, AMPEU, niLhou lau wunike!’ ”

JEREMIYA 31:7

AMPEU no piani, “Israil, ashiayehqo gholo akijeu ghenguno alokivishi alephelo. Nonguno shekiqhe le phelo, ‘AMPEU no pawu timiqo xaluvae; khunoqo qhipuaghi keno pano xapheluvae.’

JEREMIYA 32:15

Aqokitikhi MPEU, Israil Lhou no pikeuno hipau yeghilo itaghi aki alu eno atsayili kuqhukili shinanike.”

JEREMIYA 33:12

Aqokitikhi MPEU no pike, “Ayeghi hipau asayeqha toikeu lakhi eno khilehi timi momu tughashi lhoxumu kuhakeulo itaghi bherikhemino pano bheriqo sawuno muzalu kepu tsuni anani.

JEREMIYA 33:13

Naghutolo taun akeqolo, naghuto kuxalo, Juda apeu kudaulo Benjamin lughi bocholo, Jerusalem kumxalo aphulo eno Juda lo taun akeqolo bherikhemino itaghi pano bheri kihikithe nani. Ni, AMPEU no piveake.”

EZEKEL 17:23

Tipauno aloka ishe ipeghi nani eno athi pithi eno jukighilepu Kedar subo shi nani. Aghau jeli kumtsuno tilehi acheuve nani eno tipau kicheqo lono kusuqholu nani.

EZEKEL 20:40

Aghakhulo, iwu akimthe naghuto, ti Israil lo naghuto akuchuquulo nongu Israilmi kumtsu no imlla nani. Niye nongu lau ilokiqi anani eno nongu launo lhoxu heqhi mllakeu, nowu akumllagho akiviu eno nowu akimthe gho ilau sughipe nike laju anani.

EZEKEL 34:14

Ino panoqo pelo Israil lo naghuto tsani eno akhilalo eno atsuni kuxu yeghi kumtsulo musa ighumono achu muzape nani.

EZEKEL 36:30

Ino nongu xathibo eno nonguno aluchikeulo alothi alau pithipe nani tishianguno ashiayehqo gholo akelo puqumiyekeuno nongu shikukujove pemo nani.

HOSIYA 3:5

Tithiuno Israil lo akemiqono AMPEU panoqo Lhou lau eno panoqo kukau David laghami lau xaideghi kithe nani. Tithiuno panonguno AMPEU sumsa nani eno pa gho kivi ikhilu kepu shi nani.

JOYIL 3:18

‘Tipa ghulokiloye naghutoqoye atsayiluno nhachhive nani, Atoghi kumtsulo amshi cheghi nani; Juda lo aghokiti akeu kumtsulo azuno lukumkha shi auve nani. AMPEU Achine ki kudauno aghoki lakhi qoipeghi nani, eno tipauno Akasiabo Khila azu putsuwo nani.

HAGAYI 2:19

Itehiye athi kuhavea eno atsayibolo, khughuthibolo, khaghatubolo eno oliv subolo alothi pithimphi kemu itehi nguno hilauno ino nongu kumghatsu nani.”

ZEKHARIA 8:12

Panonguno aloino ghi pano xa yisulu nani. Pano wu atsayibono alothi pithi nani, ayeghino axatsuni ipeghipe nani eno tsutsughu kutomo ghu nani. Kukumgha hipaqo kumtsu pesu ishiayeh, khunoqo ghupe puaghi keno tipaqo ino tsu nani.

John 16:22

Tihutoi nongu ghi itehiye amloksa shi ani, ikemu niye itaghi nongu sasu kusholuni aphi, tileno nongu mlolo alokivino chhitoilu nani, eno khunomu nongu lokivi ikhisuwuvemla nani.

Rommi 2:4

Momu noye Alhou no ivuilayi keu kije, kutu-ukulu eno kheakulu shikeu jukunathani kesha? Alhou no ivuilayi keu huye opelo pa lau xaideghilupeni yekepi noye mtha kesha?

Piyeküsü 21:4

Panoqo nhethi lono anhezu kumtsu pano isuvetsu nani. Akithi khilemu kuhave nani, amlo imekeu, akuqa momu aghime hauve nani. Aqau thimeqoye wokhavae.”

Piyeküsü 7:17

Kughengu akuka lakhu mutalo akeu Bheritino panongu kheu shive nani, pano panoqo sasu akuxupu zupukilo sawu nani; eno Alhou no panongu nhezu isuvetsu nani.”