JEREMIYA 31:10 - BAIBEL (BSI)

¹⁰ AMPEU no piani, “Ashiayehqo, itsa inilo, eno putosuu azughi phivilo itsa pesu asheshulo. Ino Iwu timiqo haleveke ikemu ino panoqo hekutsu kumqo nani eno bherikheuno pawu bheri loji khekuto keshi ino panoqo khe nani.

Sumi Naga CL (Re-edited) Bible (BSI)

¹⁰ “Ampeu tsa inilo, O shiyeqo, eno putou azüghimkü lo küami vilo sheshulo; ‘Khuu no Israelmi kuthole keno Pa no xukumqo nani, eno ambekheu no aloji khe aketoi pano khekuto nani’ ipilo.

JEREMIYA 31:10 ပူးပေါင်းရင်းမြစ်များ

BOTHUBO 10:5

Panonguye azughi philo eno zudoyeghilo kughuna kemi puasu ke. Hipaqono Jafet nuliqo, pututa yeghilo pututaw timi gholo, pututa tsa pi ghi xuchekeqo ke.

LESHELE 147:2

AMPEU no Jerusalem shikithepuku ani; paye hapiyepighive keqo sachile saghi ani.

LESHELE 23:1

AMPEU ye ikheu; Niye kiumu mulomoe.

LESHELE 72:10

Spain lo akukau ngo zudoyeghilo kukamiqo no agho pewo pa gihu nani; Arabia ngo Ethiopia lo kukami ghi agho pewo pa mlla nani.

AHOLE 27:23

Owu bheri ngo amshiqo nono toluke thaqhu jukutolo,

ISAIAH 24:14

Khunoqo kuxu ghupe puaghini keno tipaqono alovi alephe nani. Kulolau akeqono AMPEU ye kiutoi kije keno pinani,

ISAIAH 27:12

Tipa tsalalo, timino am-u gholono athicho kututa shive akeshi, Eufrati ghoki lono Ijipmi lughi kutolo AMPEU no pawu timi lakhi khino hekutsukumqo nani.

ISAIAH 40:1

Ningu Lhou no piani, “Iwu timiqo lokughuno tsulo! Panoqo lokughunotsulo!

ISAIAH 40:11

Bherikheu lakhi toi pano pawu alojimi heju nani; pano bheritiqo hekutsu pesu pa ulono khapeni; pano mukhano tipaqo paza sawuni.

ISAIAH 41:1

Alhou no ishi pi, “Inaqhoivelo eno ino pikeu inilo, O azumukulo ayeghiqo! Kughakilo nowu kughakuthapu tsunike kutolulo; Nonguno pipenike adokivi nongu tsu nani. Khuuno achipi keno ningu xatha nike kumtsa kumqoni nolo.

ISAIAH 42:10

Ale kithe lakhi AMPEU shipililo; Ayeghi shekha kutolo pa sheqhekeu phelo! Pa sheqhelo, nongu azughi shou zukilu tuha chemiqo; tile lhoxu akeqo kumtsu pa sheqhelo! Ayeghi putou akeqo eno tile akemi kumtsu pa sheqhelo!

ISAIAH 42:4

Paye laju achekeu momu amlo kulo ghipu puhavekeu shimo nani; Pano ayeghilo achipi xakutha muto toi shilutsu nani. Putosuu akeqo yeghino pa kukutsu khekulhoshi khe nani.”

ISAIAH 48:20

Babilon lono ipevelo, khaqhiphe pesu wuvelo! Alokivishi asutsa kithe pesu asheshulo; aqha kumtsu tipau ithipelo: “AMPEU no pa qeu Israil xaluveake!”

ISAIAH 54:7

“Atuqhudo lakhi ghenguye ino oqhive ke; thonhei kimiyekeu pesu ino osachileu nani.

ISAIAH 60:9

Hipaqoye putou akeu yeghi lono ighi akeu zukiluqoke, Alhou wu timiqo xapughi anike. Panoqo gholo panonguno tsandiyi ngo shunayi sughi, tiye AMPEU je gihuniyeke, Israil Lhou akimtheu, pano ashiayeh kutamiqo pelo pawu timiqo gihu chenipeke.

ISAIAH 66:19

eno ino panoqo ghimeqhi ani kepi panoqono ithi nani. “Ikemu ino panoqo khamiye ghupe qhinani eno ashiayeh kutami lau ngo putosu yeghilo akemi ijekipi chimla aphikemi eno ikuka kuloghi ithumla aphikemi lau panoqo puwu nani. Hipaqo lau puwu nani: Spein, Libya, Lidiya lo asuzu pekithimi lau eno Tubal ngo Greece lo. Ashiayeh hipaqo gholo panonguno ijekipi pesu asheshu nani.

JEREMIYA 23:4

Panoqo tuchomujo penike ino ayehkipemi susupe qhi nani. Iwu timiqoye musa momu ighu kithepemo nani eno niye panoqo ghime kithemo nani. Ni, AMPEU no piqhiveake.”

JEREMIYA 3:15

Igholukemi ayehkipemi ino nongu tsunani eno panonguno alokutsu eno ithitoikeu lono nongu shou ayehpe nani.

JEREMIYA 50:17

AMPEU no pi, “Israil lo akemiye bheriqo abongushuno hakuqoqhi eno halevekeu toi keqoke. Atughushi, panonguye Asiriya kukauno leighike eno tipashelo Babilon kukau Nebukadnezar no panoqo saghi tsachhevetsuke.

JEREMIYA 50:19

Ino Israil lo akemiqo pano yeghilo sachile sawo qhi nani. panonguno Karmel toghilo ipeghikeu chuqupu chu nani eno panonguye chu nishike thaqhu Efraim ngo Gilead lono axa ipeghi keu chu nani.

EZEKEL 11:16

Ike itehino nokusami halepupove kemiqo vilo ino kiu piani keno pesu pilo. Panoqo pelo ashiayeh putou akemiqo gholo xupenike puwuvekeu hiye inoke, ino aghakhu kutauqolo panoqo kuthole puwuveke. Tishimu, itehi doloye panonguno khuno yeghilo wuvea keno tilau ino panoqo gholo ananike.

EZEKEL 20:34

Ino ikuka eno iloghu kighide nongu piye nani, tiye aghakhu khilehi nongu kuthole puwuve keno tilauno ino nongu xukumqono nongu sachile saghi keu lono piye nani.

EZEKEL 34:12

Bherikheuno paw bheri hami hapiye pighivekeqo phujuwu puzu saghi kithe keshi ino iw bheriqo phuwu nani. Ti akuzu eno kutsapinyive keu tsalalo a-a khipaqolo panoqo hapiye pighive keno tilauno ino panoqo sachile saghi nani.

EZEKEL 37:24

Akukau lakhi iqeu David toikeuno panoqo kukau shive nani. Panongu kumtsu ayehkipeu lakhi qholono kuqhaluve nani eno amikucho shi iyezahqo papelu nani.

EZEKEL 5:10

Tishikeulo, Jerusalem lo apuazaqono atianuli chu nani eno atianulino pano puazaqo chu nani. Ino oshikighime nani eno khuu puxupe puaghini keno tipaqo aqha kumtsulo hakughutsuve nani.

EZEKEL 5:2

Aphughi khasupe leakeu tave kethiuno asamqo kuthu gholo lakhi pesu tipau alouno pitilo. Asa amqo lakhiu ikhi pesu aphughi nguno khalau wuche kelono ozuta pesu ghitha pinyivelo. Asa mqo lakhiu akeuye amlhu gholo kuthole velo eno tiye ino izuta pesu tipau hananike.

DANIEL 11:18

Tipathiu pano shiyeh kutomo sasu azughi lono aghushi nani eno shiyeh kutomo shou toluve nani. Ikemu inami sakiphemi lakhino pa ikhiqhiveno pa qhekuza kumtsu ashekhashive tsu nani. Kuchouno pinikeuye Siriya kukauno qheza chekeu hu pano ikhiluve.

ACHINE 26:33

Ino nongu shou aghukishi sughi nani eno inaghami yeghilo nongu hapiyepighive nani. Noghakhuye yenguyeleive nani eno nophughiqoye ixapiniyi qhive nani.

MICAH 2:12

“Ikemu Israil lo akemiqo nongu khije ghupe puaghi nikeno tipaqo kumtsu ino hekutsu kumqo nani bherino bokuthabo lo ideighi keshi ino nongu hekutsu kumqo saghi nani. Aluzaqalo bheri chhitoi akeshi noyeghiye itaghi timi kumzapuno chhitoi kitheve nani.”

MICAH 4:6

AMPEU no pi, “Ino ghimeqhi puakeqo timi itaghi ino hekutsu kumqonikeu ghuloki wocheni, tiye halephepe shilusa akemiqoke.

MICAH 5:4

Kughou ayehkipeuno ighini keno AMPEU launo ighikeu kumto ngo AMPEU Alhou je kuloghi pesu pano pawu timiqo shou ayehpe nani. Pawu timiqo sushokululo anani kughengu ayeghilo akemi kumtsu paje kuloghi ithikuthulu nani.

ZEFANIA 2:11

AMPEU no panoqo shikumsa nani. Pano ayeghi hipaulo alhou kepi chekeqo kumu kuhakeu shivepe nani eno tithiuno pututa shiayeh pututa yeghi lono pa mlla nani.

ZEFANIA 3:19

Aghuloki wocheni! Ino onedaqhi chekemiqo ghimeqhi nani; Aphi-au kinitave kemiqo kumtsu ino hakho sughi nani eno halephe sawuvekemiqo aghakhulo saghi nani. Ino pano kukujo pesu agigihupu shivetsu nani, eno ayeghiqha kumtsuno panoqo sheqhe nani.

ZEKHARIA 10:8

“Ino iwu timiqo ku-kumqo sawo kumtsa qhi nani. Ino panoqo xaphe sawo puzuu panonguye kiutoi kumzapu keno titoi shitsu nani.

ZEKHARIA 2:6

AMPEU no pawu timiqo vilo pi, “Ino aqha kumtsulo nongu hapiye pighive, ikemu itehiye nongu piyighivekeqo, Babilon lono pokawuvelo eno Jerusalem lo ideghivelo.

ZEKHARIA 9:16

Tipa tsala ighikelo, AMPEU no pawu timiqo xalu nani, tiye bherikheuno akumsapu lono pawu bheriqo xaluke toi nani. Akutsukuqho lakhi akughupu tu ake toi panonguye pa yeghi yepuvutsu nani.

Luke 12:32

“Nongu amsa loji! Musakevilo Ayehkipeqha pesu nongu tsu nikeu nongu paPuh mlo kiqie.

John 10:27

Iwu bheriqoye isutsa chilu chenie ino panoqo ithi ani eno panonguno ipape cheni.

John 11:52

panoqo ghengu likhi kumo ikemu Alhou nuliqo apanagha akeqo kumqo sawo lakhi shinikehue.

ZAKINIU 30:4

Nonguye ayeghi cheku putosuu halepuwuve aghi namu AMPEU Alhou no nongu kumtsa kumqono nongu sachile saghi nani.

ZAKINIU 32:26

Ino panoqo qhoi kutsaleveni cheni, tishianguno khunomu pano kumsuchilelumo nanie.